Kaca:Uripé wong murka.pdf/38

Saka Wikisumber
Menyang navigasi Menyang panggolèkan
Kaca iki wis dikorèksi

Pak Trimo kagèt krungu iwaké ngomong ngono kuwi. Iwaké terus mendelep. Pak Trimo celuk-celuk sampèk serak, nanging iwaké wis ora ngétok menèh. Pak Trimo sedi banget. Karo ndingkluk dèkné mlaku mulih.

Tekan omah dèkné weruh bojoné nangis nang pojokan. Pak Trimo terus ngomong: “Iki kabèh salahmu déwé. Saiki awaké déwé malah kéréné ngungkuli mauné.” Mak Susah sing nyauri: “Ora salahku, nanging salahmu, awit kowé sing mara nang nggoné iwaké.” Pak Trimo ngomong; “Bener aku sing nang nggoné iwaké, nanging kowé sing meksa aku.” Ya ngono kuwi enggoné wong loro kuwi pada èngkèl-èngkèlan terus.