Wage, tanggal kaping 26 wulan Dulkijah taun Alip 1779, utawi tanggal kaping 22 Oktober taun 1851 Angka 474.
Punika pemut kala kala supitipun putra dalem Bendara Raden Mas Sujada Asimkatamsi, mawi ngaturi Kangjeng Tuwan Residen, marengi ing dinten Kemis Kliwon, tanggal kaping 27 wulan Dulkijah taun Alip 1779, utawi tanggal kaping 23 Oktober taun 1851 Angka 474.
Punika pemut kala pista Butram mawi dhangsah wonten Bangsal Kencana, mawi ngaturi Kangjeng Tuwan Residen, marengi ing malem Jumungah Legi, Jumungahipun enjing ngintunaken serat bab Nanggulan, tanggal kaping 28 wulan dulkijah taun Alip 1779, utawi tangal kaping 24 Oktober taun 1851 Angka 474.
Punika pemut kala Kangjeng Tuwan Residen ngintunaken serat bab pranatanipun siti Sentolo, marengi ing dinten Septu Pahing tanggal kaping 29 wulan Dulkijah taun Alip 1779, utawi tanggal kaping 25 Oktober taun 1851 Angka 474.
Punika pemut kala inggahipun Raden Bekel Mangkureja sapanunggilanipun, sareng kalih Tuwan Litnan Ruperwah Tuwan Dokter Setros, Tuwan Litnan Ruder, marengi ing dinten Senen Wage tanggal kaping 2 wulan Mukaram taun Ehe 1780, utawi tanggal kaping 27 Oktober taun 1851 Angka 474.
Punika pemut kala dhatengipun Tuwan Litnan Jansen sangking Semawis, sareng mangsuli serat sangking Sentolo, marengi ing dinten Slasa Kliwon, sareng malih Drahgunder Kabumen, tanggal kaping 3 wulan Mukaram taun Ehe 1780, utawi tanggal kaping 28 Oktober taun 1851 Angka 474.
Punika pemut kala Tuwan Pan Ren kalih tuwan Olenbrander sowan lumebet ing Kedhaton, marengi ing dinten Kemis Pahing tanggal kaping 5 wulan Mukaram taun Ehe taun 1780, utawi tanggal kaping 30 Oktober taun 1851 Angka 474.
Punika pemut kala ngajalipun pun Dipasura kadugi nglalu, marengi ing dinten Jumungah Pon, sareng kalih nampeni yatra langkungan Dipanegaran, tanggal kaping 6 wulan Mukaram taun Ehe 1780, utawi tanggal kaping 31 Oktober taun 1851 Angka 475.
Punika pemut kala Kangjeng Sampeyan Dalem kaparingan genjaran siti ing Nanggulan 1.000 sangking Kangjeng Gupernemen, sonenipun Kangjeng Tuwan Residen lumebet ing Kedhaton, kalih Tuwan Pan Ris insepektir,
58
