Jumungah Pon tanggal kaping 26 wulan Rabingulakir taun Alip 1779, utawi tanggal kaping 28 Pembriwari taun 1851 Angka 454.
Punika pemut kala Kangjeng Sampeyan Dalem miyos basiyar mampir dhateng griyanipun Tuwan Dokter, sareng kalihyan Bendara Raden Hayu Gusti Maduretna marak, marengi ing dinten Septu Wage, tanggal kaping 27 wulan Rabingulakir taun Alip 1779, utawi tanggal kaping 1 Maret taun 1851 Angka 454.
Punika pemut kala Jajar Punakawan Raden Atmaradeya dipun pocot, sabab damel resah, marengi ing dinten Senen Legi tanggal kaping 29 wulan Rabingulakir taun Alip 1779, utawi tanggal kaping 3 Maret taun 1851 Angka 454.
Punika pemut kala Kangjeng Tuwan Residen lumebet ing Kedhaton, kalih Tuwan-Tuwan kathah, main wis wonten ing Gedhong Jene sareng kalih tetepipun Tuwan Residen ing Surakarta, Tuwan Bisken, marengi ing malem Kemis Wage tanggal kaping 3 wulan Jumadilawal taun Alip 1779, utawi tanggal kaping 6 Maret taun 1851 Angka 455.
Punika pemut kala maringaken wangkingan dhateng Tuwan Dokter Kurnet, warni singa, marengi ing dinten Jumungah Kliwon tanggal kaping 4 wulan Jumadilawal taun Alip 1779, utawi tanggal kaping 7 Maret taun 1851 Angka 455.
Punika pemut kala para Pangeran-Pangeran sami katimbalan main wis wonten ing Gedhong Jene, marengi ing malem Setu Legi, Septunipun enjing Reden Hayu Mangkubumi sarta Raden Hayu Prabuningrat sami marak tuwi ngalih, tanggal kaping 5 wulan Jumadilawal taun Alip 1779, utawi tanggal kaping 8 Maret taun 1851 Angka 455.
Punika pemut kala Kangjeng Sampeyan Dalem miyos dhateng Asistenan, ing Pacinan wonten ringgit golek, marengi ing malem Ngahad Pahing, Ngahadipun enjing Kangjeng Tuwan Residen lumebet ing Kedhaton bab serat nyambut yatra para Pangeran, sareng kalih blaenipun Drissen estri kalih, tanggal kaping 6 wulan Jumadilawal taun Alip 1779, utawi tanggal kaping 9 Maret taun 1851 Angka 455.
Punika pemut kala tetepipun Mas Lurah Gandawilaga dados Lurah Punakawan Ringgi Panggung, nggentosi tiyang sepuhipun, marengi ing dinten Senen Pon tanggal kaping 7 wulan Jumadilawal taun Alip 1779, utawi tanggal kaping 10 Maret taun 1851 Angka 455.
32
