Rabingulawal taun Alip 1779, utawi tanggal kaping 6 Januari taun 1851 Angka 450.
Punika pemut kala Kangjeng Sampeyan Dalem miyos dintang Panembahan, kalihyan garwa Dalem Kangjeng Ratu, sarta eyang Dalem Kangjeng Ratu Mas, ragi jawah nitih kareta, sabab Kangjeng Sampeyan Dalem untaren, marengi ing dinten Slasa Legi tanggal kaping 4 wulan Rabingulawal taun Alip 1779, utawi tanggal kaping 7 Januari taun 1851 Angka 450.
Punika pemut kala sedanipun Kangjeng Panembahan Hamang kurat, marengi ing dinten Rebo Pehing, wanci jam nem sonten, Kangjeng Sampeyan Dalem inggih miyos nenggani mafadipun, kaliyan garwa Dalem Kangjeng Ratu, sarta Eyang Dalem Kangjeng Ratu Mas, wiyos Delem kejawahan, kondur Dalem Kalihyan ingkang rama Kangjeng Tuwan Residen tanggal kaping 5 wulan Rabingulawal taun Alip 1779, utawi tanggal kaping 8 Januari taun 1851 Angka 450.
Punika pemut kala Kangjeng Tuwan Residen tindak dhateng Panembahan, kalihyan Tuwan Mayor Krus, Tuwan Asisten tidheman, Tuwan Winter, marengi ing malem Kemis Pon, lajeng lumebet dhateng Kedhaton, ningali ungelipun gangsa Sekati, sabibaripun Rayi Dalem Kangjeng Ratu, sarta para priyayi sami dhahar butram wonten ing Purwaretna, enjingipun Kangjeng Sampeyan Dalem miyos dhateng Panembahan malih, kalih Eyang Dalem Kangjeng Ratu Mas, layonipun dipun angkataken dhateng ing Kithaageng, siyangipun kreta gadhahanipun Tuwan Baretti kapundhut praksa, tanggal kaping 6 wulan Rabingulawal taun Alip 1779, utawi tanggal kaping 9 Januari taun 1851 Angka 450.
Punika pemut kala Kangjeng Sampeyan Dalem mundhut tumbas kreta lurik gadhahanipun Tuwan Baretti, marengi ing dinten Jumungah Wage, sontenipun Kangjeng Sampeyan Dalem miyos ningali Sekati, tanggal kaping 7 Rabingulawal taun Alip 1779, utawi tanggal kaping 10 Januari taun 1851 Angka 450.
Punika pemut kala Kangjeng Sampeyan Dalem miyos dhateng Mesjid Hageng lajeng dhateng Pangulon, marengi ing dinten Septu Kliwon, tanggal kaping 8 wulan Rabingulawal taun Alip 1779, utawi tanggal kaping 11 Januari taun 1851 Angka 450.
Punika pemut kala Kangjeng Sampeyan Dalem miyos dhateng ing Nglaji ageng, griyanipun Tuwan Mayor Krus, marengi ing malem Ngahad Legi,
25
