Kaca:Serat Wulangreh.pdf/8

Saka Wikisumber
Kaca iki wis dikorèksi
꧇꧘꧇

ꦱ꧀ꦠꦺꦤ꧀ꦤꦺꦏꦁꦢꦺꦤ꧀ꦲꦸꦩ꧀ꦧꦂ꧈ ꦠꦤ꧀ꦲꦔꦁꦒꦺꦴꦱꦮꦠꦮꦶꦱ꧀ ꧄ ꦲꦗꦤꦮꦺꦴꦁꦧꦶꦱꦠꦸꦠꦸꦂ꧈ ꦔꦩꦸꦁꦤꦲꦶꦁꦱꦸꦤ꧀ꦥꦿꦶꦧꦢꦶ꧈ ꦲꦗꦤꦲꦶꦁꦏꦁꦩꦩꦝ꧈ ꦤꦩꦸꦁꦤꦲꦶꦁꦱꦸꦤ꧀ꦥꦿꦶꦧꦢꦶ꧈ ꦲꦶꦏꦸꦱꦺꦠꦤ꧀ꦤꦸꦚ꧀ꦗꦁꦤꦸꦚ꧀ꦗꦁ꧈ ꦠꦤ꧀ꦥꦤ꧀ꦠꦼꦱ꧀ꦢꦶꦥꦸꦤ꧀ꦥꦉꦏ꧀ꦏꦶ꧈ ꧄ ꦱꦶꦏꦏ꧀ꦤꦢꦺꦤ꧀ꦏꦢꦶꦲꦱꦸ꧈ ꦪꦺꦤ꧀ꦮꦺꦴꦁꦏꦁꦩꦁꦏꦺꦴꦤꦺꦴꦲꦸꦒꦶ꧈ ꦢꦃꦮꦺꦤ꧀ꦲꦥꦤ꧀ꦲꦺꦴꦫꦭꦪꦏ꧀ ꦪꦺꦤ꧀ꦱꦶꦫꦱꦟ꧀ꦝꦶꦁꦔꦭꦶꦁꦒꦶꦃ꧈ ꦤꦺꦴꦫꦮꦸꦫꦸꦁꦏꦁꦠꦸꦭꦂꦫꦤ꧀ ꦧꦼꦕꦶꦏ꧀ꦱꦶꦁꦏꦶꦂꦫꦤ꧀ꦲꦸꦒꦶ꧈ ꧄ ꦥꦺꦴꦩꦥꦺꦴꦩꦮꦼꦏꦱ꧀ꦲꦶꦁꦱꦸꦤ꧀ ꦩꦿꦶꦁꦏꦁꦩꦕꦭꦪꦁꦲꦶꦏꦶ꧈ ꦭꦲꦶꦂꦧꦠꦶꦤ꧀ꦢꦺꦤ꧀ꦲꦺꦱ꧀ꦠꦺꦴꦏ꧀ꦤ꧈ ꦱꦲꦸꦤꦶꦤ꧀ꦤꦺꦭꦪꦁꦲꦶꦏꦶ꧈ ꦭꦤ꧀ꦢꦺꦤ꧀ꦧꦼꦏ꧀ꦠꦶꦩꦿꦶꦁꦮꦺꦴꦁꦠꦸꦮ꧈ ꦲꦶꦁꦭꦲꦶꦂꦠꦸꦩꦼꦏꦺꦁꦧꦠꦶꦤ꧀꧈ ꧅꧉ꦟ꧀ꦢꦿ꧉꧅ ꦱꦼꦏꦂꦒꦩ꧀ꦧꦸꦃꦏꦥꦶꦁꦕꦠꦸꦂ꧈ ꦏꦁꦕꦶꦤꦠꦸꦂꦥꦺꦴꦭꦃꦏꦁꦏꦭꦤ꧀ꦠꦸꦂ꧈ ꦠꦤ꧀ꦥꦠꦸꦠꦸꦂꦏꦠꦸꦭꦠꦸꦭꦏꦠꦭꦶ꧈ ꦏꦢꦭꦸꦮꦂꦰꦲꦶꦁꦠꦸꦠꦸꦂ꧈ ꦏꦥꦠꦸꦃꦥꦤ꧀ꦢꦢꦶꦲꦺꦮꦺꦴꦃ꧈ ꧄ ꦲꦗꦏꦺꦴꦁꦱꦶꦏꦧꦚ꧀ꦗꦸꦂ꧈ ꦧꦫꦁꦒꦺꦴꦭꦃꦲꦶꦁꦏꦁꦤꦺꦴꦫꦗꦸꦗꦸꦂ꧈ ꦪꦺꦤ꧀ꦏꦧꦚ꧀ꦗꦸꦂꦱꦪꦼꦏ꧀ꦠꦶꦗꦺꦴꦗꦸꦂꦠꦤ꧀ꦧꦼꦕꦶꦏ꧀ ꦧꦼꦕꦶꦏ꧀ꦔꦸꦥꦪꦲꦶꦏꦸ꧈ ꦲꦶꦁꦥꦶꦠꦸꦠꦸꦂꦏꦁꦱꦪꦼꦏ꧀ꦠꦺꦴꦱ꧀ ꧄ ꦥꦶꦠꦸꦠꦸꦂꦧꦼꦤꦼꦂꦲꦶꦏꦸ꧈ ꦱꦪꦼꦏ꧀ꦠꦶꦤꦺꦲꦥꦤ꧀ꦠꦼꦱ꧀ꦠꦶꦤꦶꦫꦸ꧈ ꦤꦢꦾꦤ꧀ꦩꦼꦠꦸꦱꦏꦶꦁꦮꦺꦴꦁꦱꦸꦢꦿꦥꦥꦺꦏꦶ꧈ ꦭꦩꦸꦤ꧀ꦧꦼꦤꦼꦂꦔ꧀ꦒꦺꦴꦤ꧀ꦤꦺꦩꦸꦫꦸꦏ꧀ ꦲꦶꦏꦸꦥꦤ꧀ꦠꦼꦱ꧀ꦱꦶꦫ꧀ꦲꦁꦒꦺꦴ꧈ ꧄ ꦲꦤꦥꦺꦴꦕꦥ꧀ꦥꦤ꧀ꦤꦶꦥꦸꦤ꧀ ꦲꦢꦶꦒꦸꦤ꧇ꦲꦢꦶꦒꦁ꧇ꦲꦢꦶꦒꦸꦁ꧈ ꦢꦶ