ꦫꦶꦢ꧀꧈ ꦩꦿꦶꦃꦢꦢꦶꦏꦟ꧀ꦛꦶꦤ꧀ꦤꦶꦫ꧈ ꧅꧉ꦟ꧀ꦢꦿ꧉꧅ ꧄ ꦥꦝꦒꦸꦭꦁꦔꦼꦤ꧀ꦲꦶꦁꦏꦭ꧀ꦧꦸ꧈ ꦲꦶꦁꦱꦱ꧀ꦩꦶꦠꦲꦩꦿꦶꦃꦭꦤ꧀ꦠꦶꦥ꧀ ꦲꦗꦥꦶꦗꦼꦂꦩꦔꦤ꧀ꦤꦺꦤ꧀ꦢꦿ꧈ ꦏꦥꦿꦮꦶꦫꦤ꧀ꦢꦺꦤ꧀ꦏꦲꦺꦰ꧀ꦛꦶ꧈ ꦥꦼꦱꦸꦤ꧀ꦤꦼꦤ꧀ꦱꦫꦶꦫꦤ꧀ꦤꦶꦫ꧈ ꦱꦸꦢꦤ꧀ꦤꦼꦤ꧀ꦝꦲꦂꦭꦤ꧀ꦒꦸꦭꦶꦁ꧈ ꧄ ꦢꦢꦶꦪꦭꦏꦸꦤ꧀ꦤꦶꦫꦺꦏꦸ꧈ ꦕꦼꦒꦃꦝꦲꦂꦭꦮꦤ꧀ꦒꦸꦭꦶꦁ꧈ ꦭꦤ꧀ꦲꦗꦲꦱꦸꦏꦱꦸꦏ꧈ ꦲꦔꦁꦒꦺꦴꦮꦱꦮꦠꦮꦶꦱ꧈ ꦲꦭꦮꦠꦼꦏ꧀ꦏꦺꦮꦺꦴꦁꦱꦸꦏ꧈ ꦚꦸꦢꦥꦿꦪꦶꦠ꧀ꦤꦤ꧀ꦤꦶꦁꦧꦠꦶꦤ꧀ ꧄ ꦪꦺꦤ꧀ꦮꦸꦱ꧀ꦠꦶꦤꦶꦠꦃꦢꦢꦾꦒꦸꦁ꧈ ꦲꦗꦱꦶꦫꦔꦁꦒꦸꦁꦒꦸꦁꦝꦶꦫꦶ꧈ ꦲꦗꦊꦏꦼꦠ꧀ꦲꦶꦁꦮꦺꦴꦁꦲꦭ꧈ ꦏꦁꦲꦭꦭꦏꦸꦤ꧀ꦤꦶꦫꦺꦏꦶ꧈ ꦤꦺꦴꦫꦮꦸꦫꦸꦁꦔꦗꦏ꧀ꦲꦭ꧈ ꦠꦼꦩꦃꦲꦤ꧀ꦤꦺꦤꦸꦤꦸꦭꦂꦫꦶ꧈ ꧄ ꦤꦢꦾꦤ꧀ꦲꦱꦺꦴꦂꦮꦶꦗꦶꦭ꧀ꦭꦶꦥꦸꦤ꧀ ꦪꦺꦤ꧀ꦏꦭꦏꦸꦮꦤ꧀ꦤꦺꦧꦼꦕꦶꦏ꧀ ꦲꦸꦠꦮꦱꦸꦒꦶꦃꦕꦫꦶꦠ꧈ ꦕꦫꦶꦠꦏꦁꦢꦢꦶꦩꦶꦱꦶꦭ꧀ ꦲꦶꦏꦸꦥꦤ꧀ꦠꦼꦱ꧀ꦫꦏꦼꦠ꧀ꦠꦤ꧈ ꦢꦼꦫꦥꦺꦴꦤ꧀ꦩꦸꦟ꧀ꦝꦏ꧀ꦏꦁꦧꦸꦢꦶ꧈ ꧄ ꦮꦺꦴꦁꦲꦤꦺꦴꦩ꧀ꦏꦁꦮꦸꦱ꧀ꦭꦸꦩꦏꦸ꧈ ꦩꦤꦸꦠ꧀ꦩꦫꦁꦏꦁꦔꦝꦼꦥ꧀ꦥꦶ꧈ ꦪꦺꦤ꧀ꦏꦁꦔꦝꦼꦥ꧀ꦥꦚ꧀ꦕꦺꦤ꧀ꦧꦁꦱꦠ꧀ ꦤꦺꦴꦫꦮꦸꦫꦸꦁꦧꦶꦱꦗꦸꦠꦶ꧈ ꦪꦺꦤ꧀ꦏꦁꦔꦝꦼꦥ꧀ꦏꦺꦃꦢꦸꦂꦗꦤ꧈ ꦤꦺꦴꦫꦮꦸꦫꦸꦁꦧꦶꦱꦩꦭꦶꦁ꧈ ꧄ ꦱꦤꦢꦾꦤ꧀ꦲꦺꦴꦫꦲꦩꦶꦭꦸ꧈ ꦥꦰ꧀ꦛꦶꦮꦿꦸꦃꦱꦺꦴꦭꦲꦃꦲꦶꦁꦩꦭꦶꦁ꧈ ꦏꦪꦩꦁꦏꦺꦴꦤꦺꦴꦱꦧꦫꦁ꧈ ꦥꦁꦒꦮꦺꦲꦭꦥꦸꦤꦶꦏꦶ꧈ ꦱꦺꦴꦏ꧀ꦮꦼꦫꦸꦃꦲꦤꦸꦭꦶꦧꦶꦱ꧈ ꦲꦶꦏꦸꦥꦤꦸꦤ꧀ꦠꦸꦤ꧀ꦤꦶꦁꦆꦧ꧀ꦭꦶꦱ꧀ ꧄ ꦥꦁꦒꦮꦺꦧꦼꦕꦶꦏ꧀ꦥꦸꦤꦶꦏꦸ꧈ ꦒꦩ꧀ꦥꦁꦪꦺꦤ꧀ꦮꦸꦱ꧀ꦢꦺꦤ꧀ꦭꦏꦺꦴꦤ꧀ꦤꦶ꧈ ꦲ
