Kaca iki wis dikorèksi
ꦫꦸꦁꦤꦒꦸꦁꦩꦸꦒꦺꦁꦠꦶꦪꦁ꧃ꦠꦼꦁꦔꦃꦱꦩ꧀ꦥꦸꦤ꧀ꦱꦶꦊꦩ꧀ꦲꦸꦏꦶꦂ꧈ꦥꦭꦪꦂꦫꦺꦱꦩ꧀ꦥꦸꦤ꧀ꦭꦼꦥꦱ꧀꧈ꦠꦤ꧀ꦏꦮꦂꦤꦲꦶꦁꦭꦩ꧀ꦥꦃꦲꦺ꧈ꦮꦸꦮꦸꦱꦼꦤ꧀ꦤꦠꦲꦶꦁꦕꦼꦩ꧀ꦥ꧈ꦱꦁꦥꦿꦧꦸꦱꦺꦭꦁꦏꦫ꧈ꦤꦼꦒꦫꦤ꧀ꦤꦺꦮꦸꦱ꧀ꦢꦺꦤ꧀ꦏꦼꦥꦸꦁ꧈ꦮꦏꦸꦭ꧀ꦥꦤ꧀ꦧꦶꦤꦪꦩꦁꦔꦥ꧀꧃ꦩꦿꦶꦁꦫꦠꦸꦏꦮꦤ꧀ꦤꦼꦒꦫꦶ꧈ꦤꦼꦁꦒꦶꦃꦲꦁꦱꦭꦶꦁꦤꦭꦺꦤ꧀ꦢꦿ꧈ꦱꦏꦶꦁꦗꦺꦴꦁꦧꦶꦤꦁꦲꦁꦱꦭ꧀ꦭꦺꦲꦏꦤ꧀ꦛꦶꦱꦶꦪꦼꦩ꧀ꦩꦁꦒꦺꦴꦫ꧈ꦭꦤ꧀ꦤꦿꦠꦸꦲꦶꦁꦠꦸꦂꦱꦶꦤ꧀ꦤ꧈ꦥꦩꦶꦁꦒꦶꦂꦫꦺꦕꦼꦩ꧀ꦥꦲꦶꦏꦸ꧈ꦮꦸꦱ꧀ꦡꦶꦤꦼꦭꦸꦏ꧀ꦏꦏꦼꦤ꧀ꦥꦣ꧃ꦲꦶꦁꦢꦊꦩ꧀ꦏꦶꦛꦮꦸꦱ꧀ꦮꦶꦮꦿꦶꦤ꧀꧈ꦩꦭꦃꦮꦸꦱ꧀ꦏꦢꦾꦠꦸꦩꦁꦔꦤ꧀꧈ꦲꦭꦧꦸꦃꦒꦼꦤ꧀ꦤꦶꦏꦂꦱꦤ꧀ꦤꦶꦁ꧈ꦱꦼꦩꦁꦱꦤ꧀ꦤꦺꦏꦺꦴꦁꦒꦃꦲꦤ꧈ꦏꦶꦛꦤ꧀ꦤꦶꦁꦤꦠꦺꦁꦕꦼꦩ꧀ꦥ꧈ꦩꦸꦁꦔꦤ꧀ꦡꦺꦴꦱ꧀ꦲꦸꦠꦸꦱ꧀ꦱꦤ꧀ꦤꦶꦥꦸꦤ꧀꧈ꦱꦶꦫꦥꦿꦧꦸꦱꦺꦭꦁꦏꦫ꧃ꦤꦼꦁꦒꦶꦃꦱꦩ꧀ꦥꦸꦤ꧀ꦥꦶꦠꦸꦁꦧꦼꦁꦔꦶ꧈ꦏꦺꦱꦃꦲꦶꦁꦥꦸꦤꦁꦲꦸꦠꦸꦱ꧀ꦱꦤ꧀꧈ꦲꦁꦔꦸꦭꦂꦫꦶꦲꦶꦁꦱꦿꦪꦤ꧀ꦤꦺ꧈ꦩꦭꦃꦲꦸꦤ꧀ꦝꦁꦔꦶꦁꦤꦼꦒꦫ꧈ꦱꦶꦁꦱꦥꦔꦸꦤ꧀ꦢꦸꦂꦉꦤ꧀ꦤ꧈ꦲꦶꦁꦩꦸꦱꦸꦃꦗꦸꦩꦼꦤ꧀ꦤꦼꦁꦫꦠꦸ꧈ꦲꦁꦔꦿꦺꦃꦲꦤꦼꦒꦫꦕꦼꦩ꧀ꦥ꧃ꦤꦼꦒꦫꦏꦁꦢꦺꦤ꧀ꦥꦫꦤ꧀ꦤꦶ
 | Sawiji gambar kuduné katon ing pérangan iki. Yèn kowé bisa njangkepi, deleng Wikisumber:Paugeran gambar lan Pitulung:Nambah gambar kanggo panuntun. |
