Kaca iki wis dikorèksi
ꦮꦺꦠꦤ꧀꧃ꦱꦺꦭꦫꦱꦒꦸꦥꦸꦃꦢꦺꦤ꧀ꦚꦧꦭꦶ꧈ꦣꦠꦼꦁꦩꦺꦒꦥꦸꦠꦶꦃꦥꦶꦤꦫꦤ꧀ꦤꦤ꧀꧈ꦥꦿꦥ꧀ꦡꦲꦶꦁꦩꦺꦒꦭꦩ꧀ꦥꦃꦲꦺ꧈ꦱꦶꦁꦔꦮꦶꦪꦠ꧀ꦏꦢꦸꦭꦸ꧈ꦱꦁꦗꦶꦤ꧀ꦏꦥꦶꦂꦭꦒꦾꦲꦤꦶꦁꦔꦶꦠ꧀꧈ꦱꦁꦥꦿꦥ꧀ꦧꦸꦲꦤꦺꦴꦩ꧀ꦱꦶꦒꦿ꧈ꦱꦺꦭꦫꦱꦔꦽꦧꦸꦠ꧀꧈ꦱꦶꦤ꧀ꦢꦸꦩꦃꦥꦸꦭ꧀ꦮꦸꦱ꧀ꦝꦶꦤꦸꦥꦏ꧀꧈ꦫꦗꦱꦶꦤ꧀ꦢꦸꦩꦃꦥꦸꦭ꧀ꦩꦺꦃꦠꦶꦧꦺꦁꦗꦼꦭꦢꦿꦶ꧈ꦧꦼꦭꦶꦱ꧀ꦭꦤ꧀ꦤꦠ꧀ꦒꦼꦭꦶꦱ꧀ꦚꦤ꧀ꦝꦏ꧀꧃ꦱꦠꦁꦔꦶꦤꦺꦮꦸꦱ꧀ꦲꦁꦔꦽꦧꦠ꧀ꦩꦭꦶꦃ꧈ꦲꦥꦤ꧀ꦒꦸꦢꦼꦂꦱꦩꦾꦉꦉꦧꦠ꧀ꦡꦤ꧀꧈ꦮꦸꦮꦸꦱ꧀ꦱꦼꦤ꧀ꦤꦶꦏꦭꦩ꧀ꦥꦃꦲꦺ꧈ꦢꦺꦮꦶꦉꦠ꧀ꦤꦥꦁꦔꦽꦤ꧀ꦚꦸꦃ꧈ꦥꦤ꧀ꦤꦕꦲꦺꦴꦱ꧀ꦲꦤꦺꦁꦗꦼꦭꦢꦿꦶ꧈ꦢꦂꦧꦺꦲꦩꦼꦁꦔꦩꦼꦁꦔꦤ꧀꧈ꦩꦶꦤꦱꦩ꧀ꦥꦸꦤ꧀ꦤꦿꦮꦸꦃ꧈ꦒꦶꦒꦶꦂꦫꦺꦤꦸꦱꦠꦩ꧀ꦧꦤ꧈ꦱꦂꦪꦧꦼꦏ꧀ꦡꦏꦁꦩꦶꦤ꧀ꦤꦥꦼꦠ꧀ꦡꦤꦶꦫꦸꦏ꧀ꦩꦶ꧈ꦩꦸꦁꦒꦸꦃꦲꦶꦁꦒꦶꦒꦶꦂꦫꦶꦫ꧃ꦥꦿꦧꦸꦲꦤ꧀ꦤꦺꦴꦩ꧀ꦮꦸꦱ꧀ꦏꦥꦶꦂꦫꦤ꧀ꦩꦭꦶꦃ꧈ꦠꦤ꧀ꦤꦤ꧀ꦚꦤ꧀ꦝꦏ꧀ꦡꦶꦪꦁꦲꦶꦁꦱꦩꦸꦢꦿ꧈ꦠꦼꦏꦠꦶꦧꦲꦶꦁꦏꦱꦸꦂꦫꦺ꧈ꦥꦿꦧꦸꦲꦤ꧀ꦤꦺꦴꦩ꧀ꦏꦒꦼꦠꦸꦤ꧀꧈ꦲꦩꦸꦂꦕꦶꦠꦲꦶꦁꦤꦭꦤꦺꦏꦶ꧈ꦧꦪꦠꦫꦃꦩꦠ꧀ꦡꦶꦁꦪꦁ꧈ꦲꦶꦏꦶꦲꦤꦏꦱꦸꦂ꧈ꦧꦪꦢꦸꦮꦺꦤꦺꦱꦥ꧈ꦮꦮꦁꦔꦸꦤ꧀ꦤꦤ꧀ꦥꦤ꧀ꦤꦶꦁꦏꦁꦱꦂꦪꦲꦶꦁꦔꦸꦏꦶꦂ꧈ꦠꦸꦂꦱꦂꦮꦶꦥꦼꦥꦗꦁꦔꦤ꧀꧃ꦢꦸꦥꦶꦤꦸꦭꦶꦃꦤꦸꦭ꧀ꦮ
 | Sawiji gambar kuduné katon ing pérangan iki. Yèn kowé bisa njangkepi, deleng Wikisumber:Paugeran gambar lan Pitulung:Nambah gambar kanggo panuntun. |
