Kaca iki wis dikorèksi
 | Sawiji gambar kuduné katon ing pérangan iki. Yèn kowé bisa njangkepi, deleng Wikisumber:Paugeran gambar lan Pitulung:Nambah gambar kanggo panuntun. |
ꦫꦗꦏꦸꦮꦫꦶꦱꦸꦁꦧꦼꦏ꧀ꦡꦶ꧈ꦲꦶꦁꦒꦶꦃꦤꦸꦲꦸꦤ꧀ꦩꦶꦭꦤꦺꦏꦢꦶꦥꦸꦤꦶꦏ꧃ꦧꦺꦴꦠꦼꦤ꧀ꦡꦲꦶꦗꦼꦁꦔꦤ꧀ꦢꦶꦏ꧈ꦩꦸꦤ꧀ꦝꦸꦠ꧀ꦩꦱ꧀ꦡꦏꦤꦺꦲꦼꦗꦶꦤ꧀꧈ꦲꦶꦱ꧀ꦭꦩ꧀ꦝꦠꦼꦁꦥꦸꦠꦿꦠꦸꦮꦤ꧀꧈ꦤꦸꦠꦼꦤ꧀ꦲꦁꦔꦼꦭꦸꦫꦸꦒ꧀ꦱꦁꦔꦗꦶ꧈ꦏꦸꦛꦲꦶꦁꦥꦸꦭꦺꦴꦫꦸꦏ꧀ꦩꦶ꧈ꦮꦶꦱ꧀ꦏꦧꦼꦏ꧀ꦡꦫꦠꦸꦤꦶꦥꦸꦤ꧀꧈ꦏꦁꦲꦫꦤ꧀ꦏꦶꦩꦱ꧀ꦥꦸꦠꦿ꧈ꦥꦸꦤꦶꦏꦧꦺꦴꦠꦼꦤ꧀ꦏꦼꦥꦁꦒꦶꦃ꧈ꦫꦗꦥꦭ꧀ꦩꦶꦤ꧀ꦤꦼꦁꦒꦶꦃꦱꦩ꧀ꦥꦸꦤ꧀ꦏꦶꦤꦸꦤ꧀ꦗꦫ꧃ꦮꦼꦠꦮꦶꦱ꧀ꦏꦭꦶꦃꦱꦼꦱꦺꦴꦁꦏ꧈ꦭꦩꦶꦤ꧀ꦤꦺꦱꦁꦫꦗꦥꦭ꧀ꦩꦶꦤ꧀꧈ꦏꦶꦤꦸꦤ꧀ꦗꦫꦲꦶꦁꦩꦣꦼꦤ꧀ꦝ꧈ꦧꦺꦤ꧀ꦗꦶꦁꦱꦺꦴꦤ꧀ꦡꦼꦤ꧀ꦤꦶꦁꦠꦶꦤꦁꦏꦶꦭ꧀꧈ꦥꦸꦠꦿꦠꦸꦮꦤ꧀ꦤꦿꦏꦗꦶ꧈ꦠꦸꦁꦒꦁꦔꦂꦢꦶꦤꦸꦠꦼꦤ꧀ꦏꦸꦤ꧀ꦢꦸꦂ꧈ꦁꦔꦼꦣꦠꦺꦴꦤ꧀ꦥꦸꦠꦿꦠꦸꦮꦤ꧀꧈ꦏꦮꦸꦭꦏꦶꦤꦺꦤ꧀ꦲꦏꦼꦩ꧀ꦩꦶꦠ꧀꧈ꦏꦭꦶꦃꦱꦤꦏ꧀ꦏꦮꦸꦭꦭꦤ꧀ꦥꦸꦤ꧀ꦏꦸꦮꦫ꧃ꦲꦶꦤ꧀ꦗꦶꦁꦔꦺꦮꦺꦴꦤ꧀ꦡꦼꦤ꧀ꦠꦼꦁꦔꦫ꧈ꦱꦶꦤꦼꦁꦒꦶꦃꦱꦁꦫꦗꦥꦸꦠꦿꦶ꧈ꦩꦣꦼꦤ꧀ꦝꦲꦂꦱꦕꦁꦏꦿꦩ꧈ꦏꦮꦸꦭꦏꦭꦶꦃꦲꦔꦶꦫꦶꦁ꧈ꦲꦁꦔꦥꦶꦠ꧀ꦩꦸꦁꦒꦺꦁꦏꦺꦫꦶ꧈ꦲꦶꦁꦱꦼꦩꦸꦢꦿꦏꦁꦢꦶꦤꦸꦤꦸꦁ꧈ꦏꦏꦁꦥꦿꦧꦸꦠꦤ꧀ꦩꦺꦩ꧀ꦧ꧈ꦲꦶꦁꦔꦿꦶꦏꦸꦏꦸꦭꦲꦸꦭꦂꦫꦶ꧈ꦠꦼꦁꦒꦤ꧀ꦤꦺꦠꦱꦁꦥꦸꦠꦿꦶꦏꦸ
