Kaca:Serat Selarasa (1804) - BL MSS Jav 28.pdf/183

ꦠ​ꦭꦮꦤ꧀ꦥꦠꦶꦃ꧈ꦏꦂꦱꦤ꧀ꦤꦺ​ꦏꦶ​ꦲꦼꦱꦺꦃ​ꦮꦲꦸ꧈ꦲꦁꦔꦸꦕꦸꦭ꧀ꦭꦤ꧀ꦤ​ꦠꦩ꧀ꦧꦁ​꧈ꦠꦶꦤ꧀ꦤꦶꦁꦔꦭꦤ꧀ꦭꦮꦺ​ꦥꦶꦠꦸꦁ​ꦊꦩ꧀ꦧꦂ​ꦮꦲꦸ꧈ꦔꦤ꧀ꦢꦶꦏꦱꦗꦿꦺꦴꦤ꧀ꦤꦶꦁ​ꦩꦤꦃ꧈ꦲꦥ​ꦩꦸꦭꦤ꧀ꦤꦶꦫ​ꦲꦶꦏꦶ꧃ꦢꦺꦤꦶꦁ​ꦭꦮꦺ​ꦥꦶꦠꦸꦁ​ꦊꦩ꧀ꦧꦂ꧈ꦠꦼꦏ​ꦏꦸꦏꦸꦃ​ꦧꦫꦶ​ꦠ​ꦲꦁꦊꦭꦫꦤ꧀ꦤꦶ꧈ꦮꦱ꧀ꦥꦲꦺꦴꦱ꧀ꦢꦺꦤ꧀ꦚ​ꦲꦤ꧀ꦢꦸꦭꦸ꧈ꦲꦤꦸꦭꦶ​ꦏꦠꦶꦁꦔꦭ꧀ꦭꦤ꧀꧈ꦲꦤ​ꦠꦸꦭꦶꦱ꧀ꦩꦸꦤꦶ​ꦤꦩꦤ꧀ꦤꦶꦁ​ꦪꦁ​ꦔꦒꦸꦁ​꧈ꦲꦔꦤ꧀ꦢꦶꦏ​ꦗꦿꦺꦴꦤ꧀ꦤꦶꦁ​ꦩꦤꦃ꧈ꦥꦤ꧀ꦡꦼꦱ꧀ꦲꦶꦏꦶ​ꦮꦺꦴꦁ​ꦔꦧꦼꦕꦶꦏ꧀꧃ꦱꦁ​ꦤꦠ​ꦱꦿꦸ​ꦲꦮꦼꦕꦤ꧈ꦠꦸꦮꦤ꧀ꦤꦺꦁ​ꦒꦭ꧀​ꦢꦺꦤ꧀ꦲꦸꦕꦸꦭ꧀ꦭꦤ​ꦩꦩꦶ꧈ꦱꦸꦏ​ꦮꦢꦺꦤꦼꦤ꧀ꦮꦏ꧀ꦲꦶꦁ​ꦱꦸꦤ꧀꧈ꦮꦺꦴꦁ​ꦫꦺꦴꦫꦺꦴ​ꦠꦤ꧀ꦊꦁ​ꦒꦤ꧈ꦫꦺꦃꦲꦼꦤ꧀ꦤꦶꦁ​ꦠꦸꦮꦤ꧀ꦲꦔꦸꦫꦶꦥ꧀ꦥꦶ​ꦣꦠꦼꦁ​ꦲꦶꦁ​ꦱꦸꦤ꧀꧈ꦏꦶ​ꦱꦺꦃ​ꦩꦼꦭꦪ​ꦔꦤ꧀ꦢꦶꦏ꧈ꦧꦥ​ꦲꦫ​ꦱꦁ​ꦒꦸꦥ꧀ꦩꦩꦶ​꧃ꦏꦼꦂꦫꦤ​ꦠ​ꦲꦶꦏꦸ​ꦧꦥ꧈ꦠꦥꦏ꧀ꦡꦁꦔꦤ꧀ꦲꦶꦁ​ꦮꦺꦴꦁ​ꦱꦏ꧀ꦡꦶ​ꦭꦶꦤꦸꦮꦶꦃ꧈ꦏꦼꦏꦱꦶꦃꦲꦶꦁ​ꦪꦁ​ꦥꦸꦤꦶꦏꦸ꧈ꦥꦤ꧀ꦡꦼꦱ꧀ꦲꦸꦏꦸꦩ꧀ꦩꦶꦁꦔꦭ꧀ꦭꦃ꧈ꦲꦤ​ꦠꦺꦴꦤ꧀ꦝ​ꦩꦸꦤ꧀ꦤꦶ​ꦤꦩꦤ꧀ꦤꦶꦁ​ꦪꦁ​ꦔꦒꦸꦁ꧈ꦪꦺꦤ꧀ꦱꦶꦫ​ꦲꦉꦥ꧀ꦲꦸꦕꦸꦭ꧀ꦭ꧈ꦲꦤꦸꦠ꧀ꦡ​ꦲꦒꦩ꧀ꦩꦩꦶ​꧃ꦔꦸꦕꦥ꧀ꦥ​ꦱꦢꦸꦥꦿꦭ꧀ꦭ꧈ꦏꦥꦶꦤ꧀ꦝꦺꦴꦤ꧀ꦤꦺ꧈​ꦩꦸꦏꦩꦠ꧀​ꦫꦱꦸꦭ꧀​ꦤꦧꦶ꧈ꦲꦸꦠꦸꦱ꧀ꦱꦤ꧀ꦤꦺ​ꦪꦁ​ꦱꦠꦸꦲꦸ꧈ꦩꦸꦤ꧀ꦢꦼꦭ꧀ꦭꦶꦏ꧀ꦱꦿꦶ​ꦤꦭꦺꦤ꧀ꦢꦿ꧈ꦏꦭꦶꦃ​ꦥꦠꦶꦃ​ꦲꦱꦾ​ꦢꦺꦤ꧀ꦤꦶꦫ​ꦲꦩꦸꦮꦸꦱ꧀꧈ꦭꦸꦥꦸꦠ꧀ꦧꦶꦤꦣꦺ​ꦮꦺꦴꦁꦲꦶꦏ꧈ꦥꦣ​ꦥꦤꦼꦭꦸꦮꦤ꧀ꦤꦺꦏꦶ꧃ꦭꦩꦸꦤ꧀ꦲꦶꦁ​ꦱꦸꦤ꧀ꦪꦺꦤ꧀ꦲꦸꦕꦸꦭ꧈ꦲꦫ​ꦮꦼꦢꦶ​ꦲꦶꦁ​ꦱꦸꦤ꧀ꦧꦤ꧀ꦡꦶꦁꦧꦶꦤ꧀ꦤꦤ꧀ꦡꦶꦁ​꧈ꦩꦼꦭꦪꦸ​ꦱꦂꦪ​ꦲꦩꦸꦮꦸꦱ꧀꧈ꦲꦁꦔꦸꦂ​ꦲꦶꦁ​ꦱꦸꦤ꧀ꦩꦠꦶꦪ꧈ꦱꦺꦃ​ꦩꦼꦭꦪ​ꦱꦩ꧀ꦥꦸ​ꦤꦼꦁꦔꦃꦠꦤ꧀ꦏꦢꦸꦭꦸ꧈ꦔꦩ꧀ꦧꦃ​ꦠꦼꦁꦔꦃꦲꦶꦁ​ꦱꦩꦸꦢꦿ꧈ꦏꦺꦴꦕꦥ꧀ꦥ​ꦫꦗ​ꦏꦸꦱ꧀ꦮꦫꦶ​꧃ꦭꦁ​ꦏꦸꦁ​ꦢꦺꦤ꧀ꦤꦶꦏ​ꦱꦁ​ꦱꦪ꧈ꦭꦩꦸꦤ꧀ꦩꦁꦔꦤ꧀ꦒꦣꦺꦴꦁ​ꦊꦩ꧀ꦩꦼ