Kaca:Serat Selarasa (1804) - BL MSS Jav 28.pdf/116

ꦲꦸ​ꦠ​ꦱꦥꦿꦥ꧀ꦠꦤꦶꦫ​꧈ꦱꦁ​ꦥꦸꦠꦿꦶ​ꦲꦤꦸꦏꦼꦩ꧀ꦩꦶ꧈ꦥꦢꦤꦶꦁ​ꦏꦁ​ꦫꦏ꧈ꦠꦸꦂ​ꦱꦂꦮꦶ​ꦲꦮꦼꦕꦤ​꧈ꦲꦣꦸꦃ​ꦭꦏꦶꦤꦶꦁ​ꦱꦸꦤ꧀ꦒꦸꦱ꧀ꦠꦶ​꧈ꦢꦮꦼꦏ꧀ꦠ​ꦏꦺꦱꦃ꧈ꦧꦏ꧀ꦠꦤꦼꦤ꧀ꦱꦸꦁ​ꦏꦤ꧀ꦏꦫꦶ​꧃ꦢꦶꦥꦸꦤ꧀ꦲꦺꦁ​ꦒꦭ꧀​ꦏꦏꦁ​ꦧꦺꦴꦏ꧀ꦏꦧꦸꦫꦸꦲꦮꦤ꧀꧈ꦮꦸꦱ꧀ꦱꦸꦩꦶꦫꦠ꧀ꦏꦁ​ꦫꦮꦶ꧈ꦱꦺꦭꦫꦱ​ꦤꦧ꧀ꦢ​꧈ꦒꦸꦱ꧀ꦡꦶ​ꦲꦫꦶꦤꦶꦁꦮꦁ꧈ꦭꦃ​ꦢꦢꦤ꧀ꦤ​ꦢꦺꦤ꧀ꦲꦒ꧀ꦭꦶꦱ꧀꧈ꦭꦤ꧀ꦱꦶꦫꦲꦼꦩ꧀ꦧꦤ꧀​꧈ꦲꦸꦮꦂꦫꦤ​ꦲꦶꦁ​ꦗꦮꦶ​꧃ꦱꦏꦾꦺꦃ​ꦲꦼꦗꦶꦤ꧀​ꦏꦺꦴꦤ꧀ꦥꦣ​ꦩꦮꦶꦱꦼꦤ꧀ꦗꦠ꧈ꦚꦼꦚꦶꦒꦃꦲꦼꦤ꧀ꦤ​ꦩꦁ​ꦏꦶꦤ꧀꧈ꦮꦫꦃꦲꦼꦤ꧀ꦪꦺꦤ꧀ꦤꦶꦁꦮꦁ꧈ꦲꦂꦱꦭꦸꦔ​ꦕꦁ​ꦏꦿꦩ꧈ꦱꦁ​ꦥꦸꦠꦿꦶ​ꦲꦤ꧀ꦗꦿꦶꦠ꧀ꦏꦼꦥꦠꦶ꧈ꦢꦸꦩꦺꦃ​ꦥꦸꦤꦥ꧈ꦔꦸꦮꦂꦫꦶ​ꦱꦏꦺꦃ​ꦲꦼꦗꦶꦤ꧀꧃ꦮꦿꦸꦲꦤꦶꦫ​ꦏꦏꦁ​ꦏꦁ​ꦲꦤ​ꦲꦶꦁ​ꦗꦧ꧈ꦏꦸꦭ​ꦏꦁ​ꦢꦺꦤ꧀ꦠꦸꦁ​ꦒꦺꦴꦤ꧀ꦤꦶ꧈ꦥꦣ​ꦲꦁꦭꦼꦭꦩꦂ꧈ꦥꦫ​ꦫꦠꦸ​ꦗꦶꦤ꧀ꦏꦸꦥꦂ꧈ꦤꦼꦁꦒꦶꦃ​ꦱꦼꦭꦮꦺ​ꦤꦼꦒꦫꦶ꧈ꦮꦺꦴꦤ꧀ꦠꦼꦤ꧀ꦲꦶꦁ​ꦗꦧ꧈ꦤꦁꦔꦶꦁ​ꦏꦸꦭ​ꦠꦤ꧀ꦤꦥ꧀ꦠꦶ꧃ꦥꦶꦫꦁ​​ꦥꦶꦫꦁ​ꦠꦲꦸꦤ꧀ꦥꦣ​ꦲꦱꦮꦶꦠ​꧈ꦩꦿꦶꦁ​ꦫꦏ​ꦱꦿꦶꦧꦸꦥꦠꦶ​꧈ꦲꦤ​ꦏꦁ​ꦫꦸꦫꦸꦧ꧈ꦔꦭꦃꦲꦏꦼꦤ꧀ꦤꦼꦒꦫ꧈ꦱꦢꦪꦥꦿꦏ꧀ꦏꦺꦴꦱ​ꦗꦸꦫꦶꦠ꧀꧈ꦭꦩꦸꦤ꧀ꦠꦔꦶꦪ꧈ꦏꦏꦁ​ꦏꦢꦶ​ꦥꦸꦤ꧀ꦤꦼꦤ꧀ꦢꦶ​꧃ꦱꦺꦭꦫꦱ​ꦩꦺꦁ​ꦱꦼꦩ꧀ꦡꦸꦂ​ꦱꦂꦮꦶ​ꦮꦼꦕꦤ꧈ꦲꦗ​ꦠ​ꦲꦼꦩꦱ꧀ꦪꦪꦶ꧈ꦲꦶꦁꦱꦢꦾ​ꦏꦮꦸꦭ​꧈ꦩꦥꦤ꧀ꦲꦂꦱ​ꦲꦸꦤꦶꦁꦔ꧈ꦲꦶꦁ​ꦒꦼꦭꦂꦫꦺ​ꦲꦼꦗꦶꦤ꧀ꦏꦥꦶꦂ꧈ꦩꦫ​ꦠ​ꦲꦼꦩ꧀ꦧꦤ꧀꧈ꦲꦤꦼꦩ꧀ꦧꦁꦔ​ꦠꦼꦁꦔꦫꦶ​꧃ꦱꦶꦫ​ꦲꦼꦩ꧀ꦧꦤ꧀ꦱꦶꦒꦿ​ꦱꦶꦒꦿ​ꦭꦩ꧀ꦥꦃꦲꦶꦫ꧈ꦩꦸꦁꦒꦾꦺꦁ​ꦩꦔꦸ​ꦠꦸꦩꦸꦭꦶ꧈ꦲꦤꦧꦸꦃ​ꦠꦼꦁꦔꦫ꧈ꦏꦼꦤ꧀ꦝꦁꦒꦺꦴꦁ​ꦲꦱꦲꦸꦂꦫꦤ꧀꧈ꦩꦾꦁ​ꦱꦏꦛꦃꦲꦶꦁ​ꦧꦸꦥꦠꦶ꧈ꦲꦠꦏꦺꦤ꧀ꦮꦼꦂꦠ꧈ꦮꦶꦪꦺꦴꦱ꧀ꦱꦶꦁ​ꦏꦁ​ꦠꦼꦁꦔꦫꦶ​꧃ꦱꦶꦫ​ꦲꦼꦩ꧀ꦧꦤ꧀ꦲꦱꦿꦸ​ꦢꦺꦤ꧀ꦤꦶꦫ​ꦮꦼꦕꦤ꧈ꦮꦿꦸꦃꦲꦤ꧀ꦤꦶꦫ​ꦲꦶꦁ​ꦩꦁ​ꦏꦶꦤ꧀꧈ꦲꦶꦪ​ꦲꦒꦺꦂ​ꦱꦶꦫ꧈ꦲꦂꦱ​ꦭꦸꦔ​ꦕꦁ​ꦏꦿꦩ​꧈ꦲꦶꦁ​ꦱꦩꦸꦢꦿ​ꦏꦂꦱꦤ꧀ꦤꦺꦏꦶ​꧈ꦚꦶꦚꦶꦁꦒꦃꦲꦼꦤ꧀ꦤ꧈ꦏꦸꦩꦿꦥ꧀ꦱꦏꦺꦃꦲꦶꦁ​ꦔꦼꦗꦶꦤ꧀꧃ꦥꦤ꧀ꦒꦸꦩꦼꦫꦃ​ꦱꦸꦫꦏ꧀ꦏꦺ​ꦲꦶꦁ​ꦏꦁ​ꦱꦶꦱꦶꦁꦒꦃ꧈ꦱꦏꦺꦃ​ꦲꦶꦁ​ꦏꦁ​ꦗꦶꦤ꧀ꦏꦥꦶꦂ꧈ꦮꦸꦱ꧀ꦥꦿꦥ꧀ꦠ​ꦱꦩꦸꦢꦿ​꧈ꦏꦁ​ꦢꦢꦶꦕꦸꦕꦸꦏ꧀ꦔꦂꦱ꧈ꦕꦸ