Kaca:Serat Kancil 1.pdf/57

6. MIJIL

1. Wijiling tyas padhang nrawang mingis
   memetya mut kamot
   widagda ing budi wus rejaseng
   guna sakti samaning dumadi
   marmane kang warti
   Kenthus dadi pukrul.

2. Akeh lamun rinupakken tulis
   ucapen si kebo
   dennya minta kuwuk kawlasane
   tansah aneng ngarsa sru mangudi
   wuwuse ngrerintih
   manuara arum.

3. Samana wilpuksa duk myarsi
   temah anebda lon
   heh danuka mituruta mangke
   ing sapangreh pratikel sun Bothi
   sirarsa sun irit
   ring omahe pukrul

4. Kang subrata dhepok Ngampelgadhing
   Kenthus prawira nom
   baut munah ing prakara gedhe
   nalar ingkang dahat ribet sungil
   kang sundhitan klempit
   malang-malang putung.

5. Rawe-rawe rantas rina gusis
   undhagi ing kewoh

61