Kaca:Serat Jaya Lengkara Wulang (1803) - BL MSS Jav 24.pdf/385

ꦔꦤ꧀ꦭꦷꦁ​꧉ꦱꦩ꧀ꦥꦸꦤ꧀ꦢꦸꦏ​ꦩꦱ꧀ꦩꦶꦫꦃ​ꦣꦠꦼꦁ​ꦏꦮꦸꦭ​꧉꧃ꦕꦶꦥ꧀ꦡꦤ꧀ꦤꦶꦁ​ꦔꦧ꧀ꦢꦶ​ꦏꦸꦱꦸꦩ꧉ꦧꦶꦭꦶꦃ​ꦥꦢ​ꦩꦩ꧀ꦧꦸ​ꦱꦶꦠꦷ꧉ꦲꦤ꧀ꦝꦠꦼꦁ​ꦏꦼꦤ꧀ꦒꦫ​ꦒꦫ꧉ꦭꦫꦁ​ꦥꦔꦤ꧀ꦱꦶꦔꦱꦫꦷ꧉ꦱꦁ​ꦢꦾꦃ​ꦩꦶꦕꦫꦺꦁ​ꦲꦠꦷ꧉ꦮꦒꦼꦢ꧀ꦡꦼꦩꦼꦤ꧀ꦤꦤ꧀ꦤꦶꦂ​ꦮꦶꦧꦸꦃ꧉ꦲꦁꦔꦿꦏꦶꦠ꧀ꦡꦶꦁ​ꦮꦼꦕꦤ꧉ꦲꦶꦁ​ꦥꦿꦧꦪꦱ​ꦮꦸꦱ꧀ꦥꦿꦥ꧀ꦡꦷ꧉ꦲꦶꦁ​ꦏꦁ​ꦒꦂꦮ​ꦭꦶꦤꦼꦁ​ꦒꦲꦏꦼꦤ꧀ꦥꦭꦁ​ꦏ꧉꧃ꦥꦮꦺꦴꦁꦔꦤ꧀ꦤꦠꦥ꧀ꦤꦺꦁ​ꦔꦤ꧀ꦝꦥ꧀꧉ꦏꦁ​ꦲꦩ꧀ꦧꦼꦏ꧀ꦡ​ꦲꦸꦥꦕꦮꦷꦱ꧀꧉ꦥꦿꦱꦩꦾ​ꦪꦸ​ꦲꦪꦸ​ꦏꦼꦤ꧀ꦚ꧉ꦲꦠꦥ꧀ꦮꦼꦤ꧀ꦤꦺꦃ​ꦔ꧀ꦭꦼꦭꦢꦺꦤ꧀ꦤꦷ꧉ꦱꦼꦩꦤ​ꦱꦿꦶ​ꦧꦸꦥꦠꦷ꧉ꦠꦤ꧀ꦱꦃ​ꦲꦩꦁꦮꦁ​ꦔꦶꦁꦢꦸꦭꦸ꧉ꦲꦊꦁ​ꦒꦃ​ꦲꦤ꧀ꦤꦺꦁ​ꦠꦸꦤ꧀ꦝ꧉ꦲꦁꦔꦤ꧀ꦢꦶꦏ​ꦲꦤ꧀ꦤꦿꦁ​ꦒꦼꦤ꧀ꦝꦷꦱ꧀꧉ꦧꦪ​ꦒꦶꦭ​ꦱꦸꦏ꧀ꦩ​ꦠꦤ꧀ꦱꦸꦢꦾ​ꦔꦤ꧀ꦢꦶꦏ​꧉꧃ꦕꦶꦥ꧀ꦡ​ꦏꦮꦸꦭ​ꦩꦱ꧀ꦩꦶꦫꦃ꧉ꦭꦶꦂ​ꦏꦠꦸꦫꦸꦤ꧀ꦤꦤ꧀ꦤꦶꦁ​ꦱꦱꦷ꧉ꦱꦏꦶꦁ​ꦔꦶꦁꦔꦺꦤ꧀ꦢꦿꦧꦸꦮꦤ꧉ꦥꦤ꧀ꦤꦸꦒꦿꦃꦲꦤ꧀ꦤꦶꦁ​ꦪ꧀ꦮꦁ​ꦮꦶꦢꦷ꧉ꦣꦠꦼꦁ​ꦥꦸꦤ꧀ꦚꦏꦿꦮꦠꦷ꧉ꦩꦁ​ꦏ​ꦲꦸꦱꦢꦤ꧀ꦤꦶꦁ​ꦮꦸꦪꦸꦁ​꧉ꦣꦸꦃ​ꦏꦸꦱꦸꦩ​ꦩꦂꦩꦲ꧉ꦣꦠꦼꦁ​ꦔꦶꦁ​ꦢꦱꦶꦃ​ꦏꦱ꧀ꦮꦱꦷꦃ꧉ꦱꦺꦴꦠꦃꦏ꧀ꦤ​ꦲꦁꦔꦧ꧀ꦢꦺꦏ꧀ꦏꦼꦤ꧀ꦤꦶꦁ​ꦏꦮꦸꦭ​꧉꧃ꦏꦥꦿꦤ꧀ꦤꦤ꧀ꦢꦂꦪ​ꦱꦁ​ꦉꦠ꧀ꦤ꧉ꦢꦢꦾ​ꦲꦁ​ꦒꦸꦠꦸꦏ꧀ꦏꦶꦁ​ꦭꦶꦫꦷꦁ꧉ꦱꦁ​ꦏꦏꦸꦁ​ꦒꦂꦗꦶꦠꦺꦁ​ꦤꦭ꧉ꦩꦁꦔꦽꦥ​ꦱꦂꦪ꧀ꦮ​ꦔꦿꦏꦼꦠ꧀ꦡꦷ꧉ꦧꦪ​ꦲꦸꦫꦶꦥ꧀ꦏꦁ​ꦔꦧ꧀ꦢꦷ꧉ꦱꦩꦁ​ꦏꦶꦤ꧀ꦔꦸꦤꦶ​ꦒꦿꦶꦁ​ꦥꦼꦤꦸꦃ꧉ꦭꦩꦶ​ꦒꦺꦤ꧀ꦤꦁ​ꦒꦸꦁ​ꦧꦿꦁ​ꦠ꧉ꦩꦁꦔꦼꦭ​ꦲꦼꦭ​ꦲꦶꦁ​ꦒꦸꦱ꧀ꦡꦷ꧉ꦱꦂꦪ꧀ꦮ​ꦔꦪꦸꦃ​ꦥꦼꦩ꧀ꦧꦪꦸꦤ꧀ꦤꦂꦱꦲꦶꦔꦫꦱ꧀꧉꧃ꦱꦁ​ꦢꦾꦃ​ꦲꦫꦶꦱ꧀ꦤꦼꦁ​ꦏꦃ​ꦗꦗ꧉ꦱꦂꦮꦶ​ꦲꦤꦼꦤ꧀ꦝꦭ꧀ꦭꦶꦁ​ꦭꦶꦫꦷꦁ​꧉ꦭꦶꦫꦶꦁꦔꦺ​ꦏꦢꦶ​ꦠꦤ꧀ꦤꦂꦱ꧉ꦤꦁꦔꦶꦁ​ꦠꦤ꧀ꦡꦸꦩꦼꦏꦺꦁ​ꦔꦠꦷ꧉ꦕꦶꦥ꧀ꦡꦤ꧀ꦤꦶꦫ​ꦔꦢꦺꦴꦃꦲꦷ꧉ꦲꦂꦱ​ꦲꦤ꧀ꦚꦤ꧀ꦚꦸꦮꦺꦁ​ꦏꦏꦸꦁ​꧉ꦏꦏꦸ​ꦱꦪ​ꦏꦥꦿꦤ꧀ꦤꦤ꧀꧉ꦩꦁꦔꦫꦱ꧀ꦲꦱ꧀ꦡꦤ꧀ꦤꦶꦁ​ꦫꦧꦷ꧉ꦥꦁ​ꦏꦺꦴꦤ꧀ꦤꦶꦁ​ꦢꦾꦃ​ꦭꦶꦤꦶꦪꦁꦔꦤ꧀ꦱꦂꦪ꧀ꦮꦁ​ꦩꦁꦮꦁ​꧉꧃ꦥꦮꦺꦴꦔꦤ꧀ꦏꦧꦺꦃ​ꦠꦸꦩꦶꦁꦔꦭ꧀꧉ꦲꦏꦺꦃ​ꦏꦧꦾꦠ꧀ꦡꦤ꧀ꦤꦶꦁ​ꦭꦶꦫꦷꦁ​꧉ꦲꦤ​ꦧꦸꦮꦁ​​ꦧꦸꦮꦁ​ꦠꦶꦔꦭ꧀꧉ꦲꦏꦺꦃ​ꦲꦶꦁ​ꦏꦁ​ꦲꦱꦼꦔꦢꦷ꧉ꦩꦾꦁ​ꦱꦺꦩꦃ​ꦥꦿ​ꦧꦸꦥꦠꦷ꧉ꦱꦼꦢꦪ​ꦲꦸꦤꦶꦔꦺꦁ​ꦱꦼꦩꦸ꧉ꦪ​ꦠ​ꦥꦿꦱꦩꦾ​ꦧꦸꦧꦂ꧉ꦲꦩꦸꦁ​ꦏꦫꦶ​ꦮꦺꦴꦁ​ꦗꦿꦺꦴ​ꦥꦸꦫꦷ꧉ꦱꦿꦶ​ꦤꦭꦺꦤ꧀ꦢꦿ​ꦩꦶꦱꦶꦃ​ꦩꦁꦔꦽꦉꦥꦺꦁ​ꦒꦂꦮ​꧉꧃ꦲꦤ꧀ꦤꦶꦁꦔꦭ꧀ꦭꦤ​ꦱꦏꦼꦣ