Kaca:Serat Jaya Lengkara Wulang (1803) - BL MSS Jav 24.pdf/336

ꦥꦸꦏꦸꦭꦸꦤ꧀ꦤꦩ꧀ꦧ​ꦏꦢꦸꦠ꧉ꦩꦿꦶꦁ​ꦥꦿꦶꦁ​ꦒꦧꦪ​ꦲꦩ꧀ꦧꦪꦻꦴꦁ꧉ꦗꦫꦃꦲꦤ꧀ꦧꦿꦤꦺꦁ​ꦗꦿꦺꦴ​ꦥꦸꦫ꧉ꦥꦿꦩꦺꦱ꧀ꦮꦫꦶ​ꦭꦤ꧀ꦥꦸꦠꦿ꧉ꦏꦁ​ꦱꦼꦥꦸꦃ​ꦏꦼꦚ​ꦮꦂꦤ​ꦪꦸ꧉ꦏꦁ​ꦥꦿꦶꦪ​ꦠꦏ꧀ꦱꦶꦃ​ꦥꦼꦒꦼꦔꦤ꧀꧉꧃ꦲꦶꦁ​ꦏꦁ​ꦏꦤ꧀ꦡꦸꦤ꧀ꦥꦸꦁ​ꦒꦮ​ꦠꦿꦷ꧉ꦲꦶꦁ​ꦒꦶꦃ​ꦲꦤ꧀ꦤꦸꦁ​ꦏꦸꦭ꧀ꦱꦼꦢꦪ꧉ꦮꦢꦾ​ꦭꦶꦠ꧀ꦡꦼꦤ꧀ꦡꦽꦩ꧀ꦩꦤꦲꦻ꧉ꦲꦸꦩꦠꦸꦂ​ꦏꦶ​ꦏꦤ꧀ꦝꦸꦫꦸꦮꦤ꧀꧉ꦱꦩ꧀ꦥꦸꦤ꧀ꦤꦩ꧀ꦧ​ꦏꦢꦸꦠ꧉ꦩꦿꦶꦁ​ꦮꦶꦱꦤ꧀ꦡꦫ​ꦲꦩ꧀ꦧꦼꦱ꧀ꦏꦸꦥ꧀꧉ꦥꦿꦩꦺꦱ꧀ꦮꦫꦶ​ꦠꦤ꧀ꦥꦠ꧀ꦩꦗ​꧉꧃ꦤꦼꦤꦼꦩ꧀ꦏꦁ​ꦏꦤ꧀ꦡꦸꦤ꧀ꦧꦸꦥꦠꦶ꧉ꦲꦶꦁ​ꦒꦶꦃ​ꦲꦤꦸꦁ​ꦏꦸꦭ꧀ꦱꦼꦢꦪ꧉ꦮꦢꦾ​ꦭꦶꦠ꧀ꦡꦼꦤ꧀ꦡꦽꦩ꧀ꦩꦤꦲꦻ꧉ꦫꦩ꧀ꦥꦸꦁ​ꦠꦸꦫꦶꦁ​ꦏꦁ​ꦢꦶꦤꦸꦠ꧉ꦱꦿꦶ​ꦤꦫꦺꦤ꧀ꦢꦿ​ꦔꦤ꧀ꦢꦶꦏ꧉ꦥꦫꦤ꧀ꦏꦂꦱꦤꦶꦫ​ꦏꦸꦭꦸꦥ꧀꧉ꦩꦸꦁ​ꦒꦸꦃ​ꦥꦸꦠꦿꦶ​ꦱꦶꦔꦱꦼꦏꦂ​꧉꧃ꦠꦸꦂꦤ​ꦪꦺꦤ꧀ꦥꦉꦁ​ꦏꦂꦱ​ꦗꦷ꧉ꦥꦶꦤꦁ​ꦒꦶꦃꦤ​ꦭꦤ꧀ꦪꦪꦶ​ꦩꦱ꧀꧉ꦱꦸꦧꦼꦏ꧀ꦡꦶ​ꦔꦤ꧀ꦢꦶꦏ​ꦫꦗꦻꦁ​꧉ꦲꦶꦪ​ꦏꦏꦶ​ꦮꦶꦱ꧀ꦥꦿꦪꦺꦴꦒ꧉ꦩꦠꦸꦂ​ꦫꦗ​ꦥꦶꦤꦸꦠꦿ꧉ꦢꦺ​ꦥꦸꦠꦿꦶ​ꦲꦶꦁ​ꦥꦿꦶꦁ​ꦒꦺꦁ​ꦏꦺꦮꦸꦃ꧉ꦥꦁ​ꦒꦶꦲ​ꦭꦤ꧀ꦪꦪꦶ​ꦔꦂꦒ꧉꧃ꦤꦠ​ꦔꦤ꧀ꦢꦶꦏ​ꦲꦺꦃ​ꦏꦏꦷ꧉ꦲꦸꦁ​ꦏꦸꦂꦤ​ꦫꦶꦩꦸ​ꦔꦭ꧀ꦢꦏ꧉ꦪꦺꦤ꧀ꦥꦉꦁ​ꦲꦶꦁ​ꦱꦸꦤ꧀ꦥꦺꦏ꧀ꦝꦺꦮꦻ꧉ꦔꦶꦁ​ꦪꦺꦤ꧀ꦡꦤ꧀ꦲꦂꦱ​ꦏꦺꦮꦭ꧉ꦏꦏꦶ​ꦫꦢꦺꦤ꧀ꦔꦱꦿꦩ꧉ꦢꦺꦤꦶꦁ​ꦮꦂꦤ​ꦱꦺꦴꦂ​ꦤꦶ​ꦒꦭꦸꦃ꧉ꦠꦸꦂ​ꦲꦥꦸꦁ​ꦒꦸꦁ​ꦕꦶꦭꦶꦏ꧀ꦩꦸꦭ꧉꧃ꦭꦶꦂ​ꦏꦺꦴꦤ꧀ꦗꦼꦩ꧀ꦏꦶꦱ꧀ꦩ​ꦢꦾꦤ꧀ꦮꦸꦏꦷꦂ꧉ꦠꦸꦫꦺ​ꦠꦤ꧀ꦏꦺꦔꦶꦁ​ꦩꦠꦸꦫ꧉ꦲꦶꦁ​ꦱꦠꦸꦢꦶꦁ​ꦥꦢ​ꦫꦗꦻꦁ​꧉ꦥꦸꦤ꧀ꦥꦠꦶꦏ꧀ꦲꦸꦩꦶ​ꦱꦫꦃ꧉ꦠꦤ꧀ꦥ​ꦠꦶꦁ​ꦏꦃ​ꦩꦾꦁ​ꦱꦼꦢꦾ꧉ꦤꦸꦠ꧀ꦲꦺꦴꦩ꧀ꦧꦏ꧀ꦏꦂꦱ​ꦥꦸꦏꦸꦭꦸꦤ꧀꧉ꦠꦤ꧀ꦥꦺꦠꦁ​ꦩꦸ​ꦚꦶꦥ꧀ꦡꦤ꧀ꦗꦭ꧀ꦩ​꧉꧃ꦒꦸꦩꦸꦗꦼꦁ​ꦔꦤ꧀ꦢꦶꦏ​ꦲꦗꦷ꧉ꦲꦶꦪ​ꦏꦏꦶ​ꦱꦸꦤ꧀ꦡꦫꦶꦩ꧉ꦱꦁ​ꦏꦶꦁ​ꦱꦼꦠꦾꦤ꧀ꦡ​ꦩꦫꦶꦔꦻꦴꦁ​꧉ꦢꦾꦃ​ꦥꦿꦶꦁ​ꦒꦧꦪ​ꦏꦂꦱꦺꦁꦮꦁ​꧉ꦱꦸꦤ꧀ꦝꦲꦸꦥ꧀ꦭꦤ꧀ꦏꦏꦤ꧀ꦡ꧉ꦒꦸꦩꦸꦗꦼꦁ​ꦤꦫꦺꦤ꧀ꦢꦿꦱꦸꦤꦸ꧉ꦲꦁꦭꦶꦫꦶꦁ​ꦩꦿꦶꦁ​ꦢꦾꦤ꧀ꦔꦱꦿꦩ꧉꧃ꦩꦁꦔꦽꦥ​ꦢꦾꦤ꧀ꦥꦸꦠꦿꦺꦁ​ꦔꦂꦢꦷ꧉ꦱꦿꦶ​ꦤꦼꦧ꧀ꦢ​ꦱꦭꦶꦤ꧀ꦤꦿꦶꦤꦼꦩ꧀ꦧꦒ꧀