Kaca:Serat Jaya Lengkara Wulang (1803) - BL MSS Jav 24.pdf/241

ꦠꦷ꧉ꦱꦶꦤꦶꦏ꧀ꦱ​ꦮꦢꦾ​ꦏꦁ​ꦏꦤ꧀ꦡꦸꦤ꧀꧉ꦠꦤ꧀ꦤꦤꦼꦢꦾ​ꦭꦺꦭꦺꦢ꧉ꦱꦁ​ꦏꦶꦁ​ꦱꦸꦫ​ꦒꦩ꧀ꦧꦶꦫꦤ꧀ꦚ​ꦠꦤ꧀ꦥ​ꦱꦪꦸꦠ꧀꧉ꦩꦤ꧀ꦤꦃ​ꦧꦸꦔꦃ​ꦩꦔꦃ​ꦩꦔꦃ꧉ꦱꦿꦸ​ꦏꦱ꧀ꦩꦫꦤ꧀ꦤꦿꦺꦃꦲꦶꦁ​ꦒꦸꦱ꧀ꦡꦶ꧉꧃ ꦟ ꧉꧃꧉ꦏꦁ​ꦱꦸꦂꦪ​ꦮꦸꦱ꧀ꦡꦸꦁꦒꦁ​ꦔꦂꦢꦷ꧉ꦧꦸꦣꦭ꧀ꦮꦢꦾ​ꦱꦱꦼꦭꦶꦂꦫꦤ꧀꧉ꦉꦒ꧀ꦉꦒ꧀ꦒꦸꦩꦽꦢꦼꦒ꧀ꦱ꧀ꦮꦫꦤ꧀ꦤꦻ꧉ꦥꦶꦠꦸꦁ​ꦔꦺꦮꦸ​ꦲꦶꦁ​ꦏꦁ​ꦏꦶꦮ꧉ꦢꦺꦤꦺ​ꦠꦼꦠꦶꦤ꧀ꦲ꧀ꦝꦶꦲꦶꦫ꧉ꦮꦶꦂꦪꦢꦸꦠ​ꦏꦁ​ꦥꦁꦔꦤ꧀ꦗꦸꦂ꧉ꦠꦤ꧀ꦤ​ꦲꦩ꧀ꦧꦺꦧꦺꦂ​ꦒꦤ꧀ꦢꦺꦫ꧉꧃ꦠꦤ꧀ꦩꦮꦶ​ꦢꦺꦤ꧀ꦡꦼꦁꦔꦫꦤ꧀ꦤꦷ꧉ꦏꦁ​ꦩꦤ꧀ꦡꦿꦶ​ꦩꦶꦮꦃ​ꦭꦸꦭꦸꦫꦃ꧉ꦠꦤ꧀ꦤꦤ​ꦥꦼꦥꦪꦸꦁ​ꦏꦧꦺꦃ꧉ꦱꦸꦩꦸꦤ꧀ꦝꦸꦭ꧀ꦮꦢꦾ​ꦥꦁꦔꦤ꧀ꦤꦤ꧀꧉ꦥꦤ꧀ꦥꦶꦠꦸꦁ​ꦔꦺꦮꦸ​ꦒꦸꦁꦚ꧉ꦏꦤ꧀ꦝꦸꦫꦸꦮꦤ꧀ꦡꦶꦤ꧀ꦝꦶꦃꦲꦶꦥꦸꦤ꧀꧉ꦭꦩ꧀ꦥꦃꦲꦶꦁ​ꦧꦫꦶꦱ꧀ꦥꦿꦪꦶꦠ꧀ꦤ​꧉꧃ꦱꦼꦢꦪꦩ꧀ꦧꦼꦏ꧀ꦥꦿꦪ​ꦩꦠꦷ꧉ꦮꦤ꧀ꦡꦃ​ꦠꦸꦱ꧀ꦡꦿꦃꦲꦶꦁ​ꦥꦿꦮꦶꦫ꧉ꦱꦶꦗꦶ​ꦠꦤ꧀ꦩꦿꦶꦃ​ꦲꦸꦫꦶꦥ꧀ꦪꦺꦤ꧀ꦱꦻꦴꦂ꧉ꦠꦸꦱ꧀ꦡꦿꦧꦸꦱ꧀ꦱꦶꦁ​ꦏꦂꦠꦶꦪꦱ꧉ꦮꦶꦤꦭꦤ꧀ꦡꦃ​ꦲꦶꦁ​ꦤꦠ꧉ꦩꦸꦥꦸꦠ꧀ꦡꦸꦮꦸꦏ꧀ꦏꦶꦁ​ꦥꦁꦔꦸꦒꦸꦁ​꧉ꦏꦶꦤꦸꦭꦮꦶꦱꦸꦢꦺꦁ​ꦱꦸꦏ​꧉꧃ꦗꦶ​ꦱꦺꦮꦸ​ꦏꦸꦢꦁꦔꦶꦁ​ꦗꦸꦫꦶꦠ꧀꧉ꦱꦂꦠ​ꦥꦩꦼꦂꦢꦶꦤꦶꦁ​ꦤꦠ꧉ꦲꦶꦁ​ꦢꦶꦒ꧀ꦢꦪꦤ꧀ꦱꦤ꧀ꦡꦶꦏꦤ꧀ꦤꦻ꧉ꦭꦭꦺꦴ​ꦭꦸꦭꦸꦃ​ꦲꦶꦁ​ꦥꦁꦔꦸꦭꦃ꧉ꦠꦤ꧀ꦏꦭꦃ​ꦏꦶꦤ꧀ꦤꦿꦺꦴꦧꦼꦭꦃ꧉ꦤꦸꦭꦾ​ꦱꦸꦩꦸꦤ꧀ꦝꦸꦭ꧀ꦭꦶꦁ​ꦥꦸꦁ​ꦏꦸꦂ꧉ꦮꦢꦾ​ꦩꦤ꧀ꦝꦸꦁ​ꦩꦲꦸꦤ꧀ꦢꦫ꧉꧃ꦗꦪꦤ꧀ꦡꦏ​ꦲꦠꦤ꧀ꦤꦥꦷ꧉ꦠꦤ꧀ꦤꦸꦮꦱ꧀ꦡꦿꦗꦒꦱꦸꦫ꧉ꦤꦶꦂꦧꦪ​ꦗꦒꦧꦪꦤ꧀ꦤꦻ꧉ꦏꦤ꧀ꦤꦺꦴꦩꦤ꧀ꦮꦶꦱꦥꦿꦕꦤ꧀ꦝ꧉ꦒꦸꦁ​ꦒꦸꦁꦔꦶꦥꦸꦤ꧀ꦱꦊꦏ꧀ꦱ꧉ꦏꦁ​ꦩꦺꦴꦁꦏ​ꦠꦶꦠꦶꦤ꧀ꦝꦶꦃꦲꦶꦥꦸꦤ꧀꧉ꦢꦾꦤ꧀ꦢꦶꦂꦒꦧꦲꦸ​ꦥꦿꦮꦶꦫ꧉꧃ꦮꦺꦴꦁ​ꦠꦩ꧀ꦡꦩ​ꦲꦤ꧀ꦤꦸꦤ꧀ꦝꦸꦭ꧀ꦭꦷ꧉ꦮꦶꦫꦧꦿꦗ​ꦧꦿꦗꦤꦭ꧉ꦗꦸꦣꦶꦥꦠꦶꦥꦶꦤꦶꦭꦶꦃꦲꦺ꧉ꦥꦶꦠꦸꦁ​ꦔꦺꦮꦸ​ꦏꦺꦃꦲꦶꦁ​ꦮ