Kaca:Serat Jaya Lengkara Wulang (1803) - BL MSS Jav 24.pdf/236

ꦚꦮ​ꦥꦸꦠꦿꦤ꧀ꦤꦶꦁ​ꦱꦸꦤ꧀꧉ꦢꦲꦠ꧀ꦩꦂꦩꦤ꧀ꦤꦶꦁ​ꦱꦸꦤ꧀ꦏꦏꦷ꧉ꦢꦺꦤ꧀ꦤꦶꦁ​ꦱꦶꦫ​ꦩꦏ꧀ꦱꦶꦃ​ꦲꦤ꧀ꦤꦺꦴꦩ꧀꧉꧃ꦠꦠ​ꦠꦶꦠꦶꦤꦶꦁ​ꦔꦪꦸꦢ​ꦢꦸꦫꦸꦁ​ꦮꦼꦫꦸꦃ꧉ꦲꦶꦏꦸ​ꦩꦂꦩꦤ꧀ꦤꦶꦁ​ꦱꦸꦤ꧀ꦒꦸꦱ꧀ꦡꦶ꧉ꦩꦸꦁ​ꦱꦸꦃꦲꦶꦫ​ꦭꦸꦮꦶꦃ​ꦲꦒꦸꦁ​꧉ꦠꦸꦂ​ꦫꦠꦸ​ꦒꦒꦃ​ꦥꦿꦗꦸꦫꦶꦠ꧀꧉ꦲꦶꦏꦸ​ꦚꦮ​ꦩꦂꦩꦤ꧀ꦤꦶꦁꦔꦻꦴꦁ꧉꧃ꦫꦢꦺꦤ꧀ꦩꦠꦸꦂ​ꦧꦺꦴꦠ꧀ꦡꦼꦤ꧀ꦮꦺꦴꦤ꧀ꦡꦼꦤ꧀ꦤꦤ꧀ꦤꦺꦩ꧀ꦱꦼꦥꦸꦃ꧉ꦭꦁ​ꦏꦸꦁ​ꦏꦂꦱꦤ꧀ꦤꦶꦁ​ꦪ꧀ꦮꦁ​ꦮꦶꦢꦷ꧉ꦥꦢꦩꦼꦭꦤ꧀ꦤꦥꦿꦁ​ꦥꦸꦥꦸꦃ꧉ꦢꦱꦶꦃ​ꦢꦂꦩꦶ​ꦲꦁꦭꦩ꧀ꦥꦃꦲꦷ꧉ꦢꦶꦤꦩꦼꦭ꧀ꦩꦼꦤ꧀ꦤꦁ​ꦩꦾꦁ​ꦏꦮꦻꦴꦤ꧀꧉꧃ꦩꦥꦤ꧀ꦲꦆꦧ꧀ꦏꦂꦱꦤ꧀ꦤꦶꦁ​ꦪ꧀ꦮꦁ​ꦩꦲ​ꦭꦸꦲꦸꦂ꧉ꦏꦁ​ꦏꦛꦃ​ꦏꦮꦺꦴꦤ꧀ꦩꦿꦶꦁ​ꦏꦼꦝꦷꦏ꧀꧉ꦱꦺꦴꦫꦶ​ꦩꦠꦸꦂ​ꦫꦶꦁ​ꦱꦁ​ꦥꦿꦧꦸ꧉ꦥꦸꦠꦿ​ꦥꦢꦸꦏ​ꦤꦂꦥꦠꦷ꧉ꦲꦮꦒꦼꦤ꧀ꦡꦼꦩꦼꦤ꧀ꦩꦶꦫꦲꦻꦴꦱ꧀꧉꧃ꦤꦠ​ꦤꦼꦧ꧀ꦢ​ꦲꦶꦪ​ꦪꦪꦶ​ꦱꦸꦤ꧀ꦒꦼꦒꦼꦠꦸꦤ꧀꧉ꦱꦸꦩꦶꦭꦶꦃ​ꦔ꧀ꦭꦶꦁ​ꦩꦿꦶꦁ​ꦢꦾꦤ꧀ꦩꦤ꧀ꦡꦷ꧉ꦭꦃ​ꦲꦶꦏꦶ​ꦏꦼꦩꦶꦠ꧀ꦡꦤ꧀ꦤꦶꦁ​ꦱꦸꦤ꧀꧉ꦲꦁ​ꦒꦺꦴꦤ꧀ꦤꦼꦤ꧀ꦤ꧀ꦤꦶꦁ​ꦏꦁ​ꦱꦮꦶꦗꦷ꧉ꦲꦫꦶꦤꦶꦫ​ꦏꦁ​ꦱꦮꦶꦪꦻꦴꦱ꧀꧉꧃ꦫꦢꦺꦤ꧀ꦤꦼꦩ꧀ꦧꦃ​ꦲꦤ꧀ꦤꦩ꧀ꦥꦺꦤ꧀ꦤꦶꦗꦶꦩꦠ꧀ꦱꦩ꧀ꦥꦸꦤ꧀꧉ꦭꦃ​ꦩꦤ꧀ꦡꦸꦏ꧀ꦏ​ꦥꦸꦠꦿ​ꦩꦩꦷ꧉ꦲꦥꦩꦶꦠ꧀ꦡ​ꦩꦿꦶꦁ​ꦤꦶ​ꦩꦤ꧀ꦡꦸ꧉ꦫꦃꦲꦢꦺꦤ꧀ꦤꦤ꧀ꦤꦼꦩ꧀ꦧꦃ​ꦏꦭꦷꦃ꧉ꦮꦸꦱ꧀ꦩꦸꦤ꧀ꦢꦸꦂ​ꦱꦶꦁ​ꦔꦂꦱ​ꦏꦠꦻꦴꦁ꧉꧃ꦱꦩ꧀ꦥꦸꦤ꧀ꦩꦤ꧀ꦡꦸꦏ꧀ꦫꦃꦲꦢꦺꦤ꧀ꦏꦭꦶꦃ​ꦥꦤ꧀ꦡꦸꦩꦸꦠ꧀꧉ꦲꦂꦱ​ꦧꦼꦏ꧀ꦡꦶ​ꦩꦿꦶꦁ​ꦢꦾꦤ꧀ꦮꦸꦏꦷꦂ꧉ꦏꦮꦂꦤꦲ​ꦱꦁꦔꦥꦿꦧꦸ꧉ꦱꦼꦩꦤ​ꦮꦸꦱ꧀ꦲꦤ꧀ꦤꦶꦩ꧀ꦧꦭ꧀ꦭꦷ꧉ꦏꦶ​ꦥꦁꦔꦸꦭꦸ​ꦏꦶꦤ꧀ꦤꦺꦤ꧀ꦔꦲꦺꦴꦱ꧀꧉꧃ꦫꦢꦺꦤ꧀ꦤꦿꦮꦸꦃ​ꦏꦁ​ꦫꦪꦶ​ꦏꦺꦤ꧀ꦧꦼꦏ꧀ꦡꦶ​ꦱꦩ꧀ꦥꦸꦤ꧀꧉ꦢꦾꦤ꧀ꦮꦶꦫꦱꦱ꧀ꦡꦿ​ꦱꦸꦧꦼꦏ꧀ꦡꦷ꧉ꦲꦶꦁ​ꦔꦼꦩ꧀ꦧꦺꦴꦏ꧀ꦱꦁ​ꦭꦶꦂꦫꦶꦁ​ꦱꦤ꧀ꦡꦸꦤ꧀꧉ꦢꦾꦤ꧀ꦏꦭꦶꦃ​ꦲꦸꦤꦶꦁꦔꦺꦁ​ꦮꦢꦷ꧉ꦮꦸꦱꦾꦩ꧀ꦧꦼꦏ꧀ꦡꦶ​ꦱꦶꦒꦿ​ꦩꦶꦪꦺꦴꦱ꧀꧉꧃ꦫꦗꦥꦸꦠꦿ​ꦩꦺꦱꦼꦩ꧀ꦏꦁ​ꦫꦪꦶ​ꦕꦶꦤꦼꦭꦸꦏ꧀꧉ꦠꦤ꧀ꦝꦲꦂ​ꦫꦶꦁ​ꦏꦺꦤꦺ​ꦪꦪꦷ꧉ꦏꦁ​ꦫꦪꦶ​ꦠꦸꦂ​ꦱꦼꦩ꧀ꦧꦃ​ꦤꦸꦲꦸꦤ꧀꧉ꦏꦮꦂꦤ​ꦱꦁ​ꦔꦠ꧀ꦩꦗ​ꦗꦷ꧉ꦏꦁ​ꦭꦒꦾ​ꦩꦶꦠ꧀ꦡꦶꦁ​ꦱꦁ​ꦱꦶꦤꦺꦴꦩ꧀꧉꧃ꦣꦸꦃ