Kaca:Serat Jaya Lengkara Wulang (1803) - BL MSS Jav 24.pdf/218

ꦱꦥꦶꦱꦤ꧀꧉ꦢꦺꦤ꧀ꦮꦤ꧀ꦤꦶ​ꦏꦱꦼꦭꦸꦠ꧀꧉ꦢꦺꦤ꧀ꦮꦤ꧀ꦤꦶ​ꦠꦏꦼꦂ​ꦭꦸꦢꦶꦫ꧉ꦲꦺꦃ​ꦱꦏꦺꦃꦲꦺ​ꦧꦸꦥꦠꦶꦤꦶꦁ​ꦱꦸꦤ꧀ꦢꦺꦤ꧀ꦩꦾꦂꦱꦷ꧉ꦲꦶꦁ​ꦥꦁꦔꦤ꧀ꦢꦶꦏꦤ꧀ꦤꦶꦁꦮꦁ꧉꧃​ꦱꦥ​ꦲꦶꦁ​ꦏꦁ​ꦲꦩꦠꦺꦤ꧀ꦤꦶ​ꦩꦤ꧀ꦡꦿꦶ꧉ꦗꦸꦩꦼꦤ꧀ꦤꦼꦁꦔ​ꦩꦤ꧀ꦡꦿꦶ​ꦭꦤ꧀ꦱꦸꦤ꧀ꦒꦤ꧀ꦗꦂ​꧉ꦮꦺꦴꦁ​ꦮꦢꦺꦴꦤ꧀ꦱꦂꦠ​ꦢꦸꦤ꧀ꦚꦤ꧀ꦤꦻ꧉ꦏꦁ​ꦩꦠꦺꦤ꧀ꦤꦶ​ꦠꦸꦩꦼꦁ​ꦒꦸꦁ꧉ꦗꦸꦩꦼꦤ꧀ꦤꦼꦁꦔ​ꦠꦸꦩꦼꦁ​ꦒꦸꦁ​ꦧꦺꦤ꧀ꦗꦷꦁ꧉ꦭꦃ​ꦥꦣ​ꦲꦸꦤ꧀ꦝꦁꦔꦼꦤ꧀꧉ꦏꦧꦺꦃ​ꦮꦢꦾꦤ꧀ꦤꦶꦁ​ꦱꦸꦤ꧀꧉ꦥꦿ​ꦥꦿꦠ꧀ꦡꦶꦮ​ꦩꦠꦸꦂ​ꦤꦼꦩ꧀ꦧꦃ꧉ꦱꦿꦸ​ꦤꦸꦲꦸꦤ꧀ꦱꦶꦃ​ꦏꦮꦸꦭ​ꦧꦺꦴꦠ꧀ꦡꦼꦤ꧀ꦏꦸꦮꦮꦷ꧉ꦤꦩ꧀ꦥꦺꦤ꧀ꦤꦶ​ꦱꦶꦃ​ꦥꦢꦸꦏ​​꧉꧃​ꦥꦸꦤꦥ​ꦏꦮꦁ​ꦱꦸꦭ꧀ꦭꦤ꧀ꦤꦶꦁ​ꦢꦱꦷꦃ꧉ꦥꦤ꧀ꦭꦁ​ꦏꦸꦁ​ꦒꦸꦁ​ꦱꦶꦃ​ꦥꦢꦸꦏ​ꦤꦠ​꧉ꦲꦶꦁ​ꦒꦶꦃ​ꦩꦸꦁ​ꦥꦼꦗꦃ​ꦮꦁ​ꦱꦸꦭ꧀ꦭꦺ꧉ꦮꦢ꧀ꦮꦧꦭ​ꦱꦁ​ꦥꦿꦧꦸ꧉ꦏꦮꦼꦤ꧀ꦤꦃꦲꦼꦤ꧀ꦡꦼꦏꦺꦁ​ꦤꦏ꧀ꦫꦧꦷ꧉ꦱꦏꦶꦁ​ꦢꦤ​ꦱꦁ​ꦤꦠ꧉ꦣꦸꦩꦠꦼꦁ​ꦥꦶꦥꦶꦏꦸꦭ꧀꧉ꦥꦸꦤꦥ​ꦮꦶꦤꦊꦱ꧀ꦱꦼꦤ꧉ꦲꦶꦁ​ꦱꦶꦃ​ꦤꦠ​ꦪꦺꦤ꧀ꦭꦶꦪꦤ꧀ꦤꦶꦁ​ꦭꦫ​ꦥꦠꦷ꧉ꦥꦤ꧀ꦧꦺꦴꦠ꧀ꦡꦼꦤ꧀ꦏꦱꦼꦉꦥꦤ꧀꧉꧃​ꦥꦿ​ꦢꦶꦥꦠꦶ​ꦱꦩꦶ​ꦱꦲꦸꦂ​ꦥꦼꦏ꧀ꦱꦷ꧉ꦠꦸꦂ​ꦥꦿꦱꦼꦕꦣꦶꦩꦠꦼꦁ​ꦱꦁ​ꦤꦠ​꧉ꦭꦾꦤ꧀ꦤꦤ꧀ꦝꦠꦼꦁ​ꦏꦼꦤ꧀ꦤꦠꦸꦂꦫꦺ​꧉ꦱꦼꦢꦾ​ꦏꦮꦸꦭ​ꦧꦺꦱꦸꦏ꧀꧉ꦲꦤ꧀ꦤꦲꦸꦂꦫꦶꦁ​ꦱꦶꦃ​ꦥꦢꦸꦏ​ꦗꦷ꧉ꦱꦸꦏ​ꦥꦼꦗꦃ​ꦲꦶꦁ​ꦫꦤ꧉ꦏꦭꦭ꧀ꦥꦼꦗꦃꦲꦶꦥꦸꦤ꧀꧉ꦲꦧ꧀ꦢꦶ​ꦥꦢꦸꦏ​ꦱꦼꦢꦪ꧉ꦱꦿꦶ​ꦤꦫꦺꦤ꧀ꦢꦿ​ꦩꦾꦂꦱ​ꦲꦠꦸꦂꦫꦶꦁ​ꦥꦠꦷ꧉ꦔ꧀ꦭꦶꦁꦔꦶꦪ​ꦱꦸꦤ꧀ꦡꦫꦶꦩ​꧉꧃​ꦏꦧꦺꦃ​ꦥꦿꦱꦼꦕꦤ꧀ꦤꦶꦫ​ꦲꦶꦁ​ꦏꦩꦷ꧉ꦱꦸꦤ꧀ꦡꦼꦠꦼꦣ​ꦥꦣ​ꦱꦭꦩꦼꦠ꧀ꦡ꧉ꦭꦤ꧀ꦡꦶꦤꦼꦠꦼꦥ꧀ꦤ​ꦆꦩꦤ꧀ꦤꦺ꧉ꦢꦺꦤ꧀ꦤꦶꦁ​ꦪ꧀ꦮꦁ​ꦩꦲꦭꦸꦲꦸꦂ​꧉ꦭꦤ꧀ꦤꦤ꧀ꦡꦸꦏ꧀ꦏ​ꦱꦥ꦳ꦔꦠ꧀ꦤꦧꦷ꧉ꦩꦶꦮꦃ​ꦱꦏ꦳ꦧꦠ꧀ꦥꦥꦠ꧀꧉ꦩꦸꦭꦶꦪ​ꦫꦃꦲꦪꦸ꧉ꦠꦸꦭꦸꦱ​ꦠꦸꦁ​ꦒꦸ​ꦏꦶ​ꦥꦸꦠꦿ​꧉ꦥꦿ​ꦧꦸꦥꦠꦶ​ꦱꦼꦢꦪ​ꦱꦃ​ꦲꦠꦸꦂ​ꦧꦼꦏ꧀ꦡꦷ꧉ꦱꦸꦩꦸꦁ​ꦏꦼꦩ꧀ꦩꦶꦁ​ꦥꦿꦠ꧀ꦡꦭ​​꧉꧃​ꦥꦸꦥꦸꦤ꧀ꦝꦸꦠ꧀ꦡꦤ꧀ꦱꦏꦶꦁ​ꦥꦸꦫ​ꦩꦶꦗꦷꦭ꧀꧉ꦫꦫꦩ꧀ꦥꦢ꧀ꦢꦤ꧀ꦩꦸꦮꦃ​ꦏꦁ​ꦣꦣꦂꦫꦤ꧀꧉ꦥꦤ꧀ꦏꦢꦶ​ꦒꦸꦤꦸꦁ​ꦏꦛꦃꦲꦻ꧉ꦮꦸꦱ꧀ꦒꦶꦤꦼꦤ꧀ꦤꦃ​ꦱꦼꦢꦫꦸꦩ꧀꧉ꦢꦤ꧀ꦭꦸꦩꦢꦶ​ꦱꦲꦺꦴꦱꦤ꧀ꦤꦗꦷ꧉ꦏꦁ​ꦤꦺꦴꦩ꧀ꦥ​ꦱꦩꦶ​ꦏꦼꦤ꧀ꦚ꧉ꦏꦧꦺꦃ​ꦲꦪꦸ​ꦲꦪꦸ꧉ꦱꦩꦶ​ꦱꦩꦶꦂ​ꦮꦭꦶ​ꦥꦶꦠ​꧉ꦱꦿꦶ​ꦤꦫꦺꦤ꧀ꦢꦿ​ꦲꦣꦲꦂ​ꦏꦼꦩ꧀ꦧꦸ