Kaca:Serat Jaya Lengkara Wulang (1803) - BL MSS Jav 24.pdf/155

ꦪꦺꦤ꧀​ꦩꦉꦔꦶ​ꦏꦂꦱ​ꦥꦿꦧꦸ꧉​​ꦱꦼꦩꦸꦤꦶꦥꦸꦤ꧀​ꦪꦪꦶ​ꦠꦶꦒ꧉​​ꦪꦸꦤ꧀​ꦠꦸꦩꦸꦠ꧀​ꦤꦸꦩ꧀ꦥꦏ꧀​ꦠꦸꦫꦁ​ꦒꦶ꧉​​ꦩꦺꦱꦼꦩ꧀​ꦱꦁ​​ꦤꦠ​ꦔꦤ꧀ꦢꦶꦏ꧉​​ꦪ​ꦢꦩꦺꦤꦺ[꧇꧔꧕꧇​]​ꦏꦏꦶ​ꦫꦶꦤꦶꦫ​ꦏꦠꦿꦶ꧉​​ꦮꦺꦴꦁ​​ꦲꦤꦺꦴꦩ꧀​ꦱꦶꦤꦲꦸ​ꦥꦸꦥꦸꦃ꧉​​ꦭꦃ​ꦮꦶꦱ꧀​ꦫꦢꦺꦤ꧀​ꦤꦶꦠꦶꦲ꧉​​ꦲꦶꦁ​​ꦠꦸꦫꦁ​ꦒ​ꦔꦧꦼꦏ꧀ꦠꦶ​ꦫꦢꦺꦤ꧀​ꦏꦠꦼꦭꦸ꧉​​ꦤꦠ​ꦔ꧀ꦭꦶꦁ​​ꦭꦃ​ꦤꦶꦤ꧀ꦝꦶꦲꦤ꧉​​ꦮꦺꦴꦁ​ꦩꦸ​ꦏꦁ​​ꦥꦝ​ꦤꦸꦫꦁ​ꦒꦶ꧉​​ꦏꦠꦿꦶ​ꦩꦼꦱꦠ꧀​ꦫꦗꦥꦸꦠꦿ꧉​​ꦲꦔꦤ꧀ꦢꦶꦏ​ꦫꦶꦫꦶꦃ​ꦮꦶꦫꦱ꧀ꦩꦫ​ꦒ꧀ꦭꦶꦱ꧀꧉​​ꦮꦫꦲꦼꦤ꧀​ꦏꦺꦴꦤ꧀​ꦪꦶꦠ꧀ꦤꦺꦁ​​ꦏꦺꦮꦸꦃ꧉​​ꦥꦩꦤ꧀​ꦥꦿꦠꦭꦶꦪꦸꦢ꧉​​ꦪꦸꦢꦥꦠꦶ​ꦥꦿꦧꦭ​ꦏꦠꦼꦭꦸ​ꦲꦶꦏꦸ꧉​​ꦲꦔꦩ꧀ꦥꦶꦔꦤ​ꦪꦪꦶ​ꦩꦱ꧀꧉​​ꦮꦶꦫꦱ꧀ꦩꦫ​ꦮꦸꦱ꧀​ꦭꦸꦩꦫꦶꦱ꧀꧉​​ꦤꦠ​ꦔꦤ꧀ꦢꦶꦏ​ꦭꦃ​ꦱꦥ꧉​​ꦩꦲꦸ​ꦲꦶꦁ​ꦏꦁ​​ꦥꦝ​ꦱꦶꦫ​ꦝꦮꦸꦲꦶ꧉​​ꦫꦗꦥꦸꦠꦿ​ꦤꦼꦩ꧀ꦧꦃ​ꦩꦠꦸꦂ꧉​​ꦧꦼꦏ꧀ꦠꦤ꧀​ꦱꦁ​ꦏꦶꦁ​​ꦲꦭ꧀ꦢꦏ꧉​​ꦏꦁ​​ꦱꦼꦤ꧀ꦠꦤ​ꦫꦏ​ꦥꦢꦸꦏ​ꦱꦁ​​ꦮꦶꦏꦸ꧉​​ꦩꦁ​ꦒꦸꦠ꧀​ꦏꦁ​ꦗꦼꦁ​​ꦱꦿꦶ​ꦤꦫꦺꦤ꧀ꦢꦿ꧉​​ꦪ​ꦭꦸꦮꦶꦃ​ꦥꦿꦪꦺꦴꦒ​ꦏꦏꦶ꧉​​ꦲꦺꦃ​ꦝꦫꦠ꧀​ꦱꦶꦫ​ꦭꦏꦺꦴꦏ꧀ꦤ꧉​​ꦢꦤ꧀​ꦭꦸꦩꦼꦧꦼꦠ꧀​ꦱꦁ​​ꦤꦠ​ꦲꦶꦁ​​ꦥꦶꦫꦤ꧀ꦠꦶ꧉​​ꦲꦶꦔꦶꦫꦶꦁ​​ꦮꦢꦾ​ꦱꦶꦁ​​ꦒꦸꦤꦸꦁ​꧉​​ꦤꦶꦂꦧꦪ​ꦩꦸꦁ​ꦒꦺꦁ​​ꦏꦤꦤ꧀꧉​​ꦄꦤꦶꦂꦮꦺꦱ꧀ꦛꦶ​ꦤꦺꦁ​​ꦏꦺꦫꦶꦁ​​ꦤꦶꦂꦥꦿꦶꦁ​ꦒ​ꦥꦸꦁ​ꦏꦸꦂ꧉​​ꦏꦼꦧꦺꦴ​ꦱꦥꦶ​ꦊꦭꦶꦩ꧀ꦧꦸꦔꦤ꧀꧉​​ꦱꦩꦾ​ꦔꦉꦥ꧀ꦏꦼꦤ꧀​ꦥꦼꦝꦠꦶ꧉​​ꦩꦲꦺꦱ​ꦮꦸꦱ꧀​ꦥꦶꦤꦉꦏꦤ꧀꧉​​ꦔꦤ꧀ꦢꦶꦏ​ꦱꦁ​​ꦤꦠ​ꦭꦃ​ꦥꦸꦠꦿ​ꦩꦩꦶ꧉​​ꦱꦶꦫ​ꦩꦤꦲ​ꦏꦁ​​ꦲꦤꦸꦁ​꧉​​ꦩꦠꦸꦂ​ꦫꦗꦥꦶꦤꦸꦠꦿ꧉​​ꦤꦸꦮꦸꦤ꧀​ꦲꦗꦿꦶꦃ​ꦲꦔ꧀ꦭꦁ​ꦏꦸꦔꦤ​ꦥꦸꦏꦸꦭꦸꦤ꧀꧉​​ꦏꦭꦶꦃ​ꦢꦺꦤꦶꦁ​​ꦢꦺꦫꦺꦁ​​ꦥꦿꦏ꧀ꦱ꧉​​ꦥꦠꦶꦠꦶꦱꦶꦥꦸꦤ꧀​ꦗꦼꦩ꧀ꦥꦫꦶꦁ​꧉​​ꦩꦺꦱꦼꦩ꧀​ꦱꦁ​​ꦤꦠ​ꦠꦸꦩꦤ꧀ꦢꦁ​꧉​​ꦩꦼꦤ꧀ꦛꦁ​​ꦫꦫꦱ꧀​ꦏꦢꦶ​ꦱꦁ​​ꦮꦶꦱ꧀ꦤꦸꦩꦸꦂꦠꦶ꧉​​ꦒꦤ꧀ꦝꦺꦮ​ꦭꦶꦂ​ꦥꦺꦤ꧀ꦢꦃ​ꦥꦸꦠꦸꦁ​꧉​​ꦱꦶꦒꦿ​ꦥꦤꦃ​ꦭꦸꦩꦼꦥꦱ꧀꧉​​ꦲꦩ꧀ꦧꦼꦤꦼꦫꦶ​ꦲꦤ꧀ꦢꦏ​ꦥꦼꦥꦛꦏꦶꦥꦸꦤ꧀꧉​​ꦲꦤ꧀ꦢꦏ​ꦲꦱꦿꦸ​ꦲꦚ꧀ꦗꦺꦴꦭ꧉​​ꦲꦁ​ꦒꦼꦫꦺꦴ​ꦤꦶꦧ​ꦔꦼꦩꦱꦶ꧉​​ꦱꦸꦫꦏ꧀ꦤ​ꦏꦢꦾ​ꦲꦩ꧀ꦥꦸꦲꦤ꧀꧉​​ꦢꦤ꧀​ꦫꦲꦢꦾꦤ꧀​ꦱꦶꦒꦿ​ꦚꦤ꧀ꦝꦏ꧀​ꦗꦼꦩ꧀ꦥꦫꦶꦁ​꧉​