Kaca:Serat Jaya Lengkara Wulang (1803) - BL MSS Jav 24.pdf/153

ꦮꦢꦾ​ꦱꦸꦏꦤ꧀​ꦱꦸꦏꦤ꧀​ꦱꦩꦶ꧉​​ꦮꦼꦤꦺꦃ​ꦲꦤ​ꦠꦉꦧꦔꦤ꧀꧉​​ꦫꦶꦁ​ꦒꦶꦠ꧀​ꦥꦿꦸꦮ​ꦒꦼꦝꦺꦴꦒ꧀​ꦏꦿꦸꦕꦶꦭ꧀꧉​​ꦮꦼꦤꦺꦃ​ꦲꦤ​ꦲꦧꦼꦧꦼꦏ꧀ꦱꦤ꧀꧉​​ꦲꦤ​ꦔꦶꦢꦸꦁ​​ꦲꦩꦼꦚꦚꦶ꧉​​ꦱꦢꦭꦸ​ꦲꦸꦩꦾꦁ​​ꦒꦸꦩꦸꦫꦸꦃ꧉​​ꦠꦤ꧀ꦧꦸꦃ​ꦱꦸꦏꦤꦶꦫꦺꦁ​​ꦲꦠꦶ꧉​​ꦥꦤ꧀​ꦱꦩ꧀ꦥꦸꦤ꧀​ꦧꦔꦸꦤ꧀​ꦫꦲꦶꦤ꧉​​ꦩꦶꦗꦶꦭ꧀​ꦪ꧀ꦮꦁ​​ꦥꦽꦠꦁ​ꦒꦥꦠꦶ꧉​​ꦥꦿꦗꦸꦫꦶꦠꦺ​ꦮꦸꦱ꧀​ꦩꦼꦭꦠꦂ꧉​​ꦥꦭꦱ꧀ꦠ​ꦠꦶꦤꦠ​ꦧꦫꦶꦱ꧀꧉​​ꦥꦿ​ꦥꦿꦠꦶꦮ​ꦏꦁ​​ꦤꦸꦁ​​ꦲꦤꦸꦁ​꧉​​ꦥꦼꦥꦼꦏ꧀​ꦥꦿꦱꦩꦾ​ꦲꦤꦁ​ꦏꦶꦭ꧀꧉​​ꦩꦶꦮꦃ​ꦮꦢꦾ​ꦱꦶꦁ​​ꦲꦱꦿꦩ꧉​​ꦱꦩꦶ​ꦱꦶꦪꦒꦺꦁ​​ꦲꦗꦸꦫꦶꦠ꧀꧉​​ꦧꦸꦝꦭ꧀​ꦏꦁ​ꦗꦼꦁ​​ꦱꦿꦶ​ꦤꦫꦺꦤ꧀ꦢꦿ꧉​​ꦠꦤ꧀​ꦥꦶꦱꦃ​ꦫꦲꦢꦺꦤ꧀​ꦩꦤ꧀ꦠꦿꦶ꧉​​ꦥꦸꦠꦿ​ꦏꦠꦶꦒ​ꦤꦺꦁ​​ꦔꦪꦸꦤ꧀꧉​​ꦪ​ꦠ​ꦏꦁ​ꦗꦼꦁ​​ꦥꦿꦩꦺꦱ꧀ꦮꦫꦶ꧉​​ꦥꦸꦠꦿꦶ​ꦏꦠꦶꦒ​ꦠꦤ꧀​ꦥꦶꦱꦃ꧉​​ꦢꦲꦸꦠ꧀​ꦮꦺꦴꦁ​​ꦱꦢꦊꦩ꧀​ꦥꦸꦫꦶ꧉​​ꦲꦒꦼꦧꦒꦤ꧀​ꦲꦫꦤ꧀ꦠꦧꦤ꧀꧉​​ꦲꦶꦁ​​ꦥꦒꦿꦺꦴꦒꦺꦴꦭꦤ꧀​ꦮꦸꦱ꧀​ꦥꦿꦥ꧀ꦠꦶ꧉​​ꦫꦏꦶꦠꦶꦁ​​ꦥꦁ​ꦒꦸꦁ​​ꦒꦼꦁ​​ꦩꦸꦁ​ꦒꦸꦭ꧀꧉​​ꦥꦿꦱꦩꦾ​ꦢꦶꦥꦸꦤ꧀​ꦲꦲꦺꦱꦶ꧉​​ꦥꦶꦤꦗꦁ​​ꦭꦁ​ꦱꦺ​ꦠꦶꦤꦸꦤ꧀ꦝ꧉​​ꦥꦤ꧀​ꦱꦩꦶ​ꦩꦮꦶ​ꦥꦭꦶꦱꦶꦂ꧉​​ꦏꦶꦤꦶꦠꦶꦂ​ꦱꦸꦠꦿ​ꦢꦺꦮꦁ​ꦒ꧉​​ꦕꦶꦤꦼꦥ꧀ꦭꦺꦴꦏ꧀​ꦲꦶꦁ​​ꦩꦱ꧀​ꦲꦔꦿꦮꦶꦠ꧀꧉​​ꦥꦿꦩꦺꦱ꧀ꦮꦫꦶ​ꦩꦶꦁ​ꦒꦃ​ꦥꦁ​ꦒꦸꦁ​꧉​​ꦥꦸꦠꦿꦶ​ꦏꦠꦶꦒ​ꦏꦶꦤꦤ꧀ꦛꦶ꧉​​ꦲꦶꦔꦶꦫꦶꦁ​​ꦱꦼꦭꦶꦂ​ꦧꦼꦝꦪ꧉​​ꦲꦼꦩ꧀ꦧꦤ꧀​ꦲꦶꦚ​ꦲꦔꦩ꧀ꦥꦶꦔꦶ꧉​​ꦩꦁ​ꦒꦸꦁ​​ꦭꦮꦤ꧀​ꦥꦼꦥꦶꦔꦶꦠꦤ꧀꧉​​ꦚꦲꦶ​ꦢꦼꦩꦁ​​ꦏꦺꦴꦤ꧀ꦠꦿꦁ​​ꦏꦤ꧀ꦠꦿꦶꦁ​꧉​​ꦕꦺꦛꦶ​ꦥꦶꦤꦼꦔꦶꦔꦤ꧀​ꦠꦸꦩꦸꦠ꧀꧉​​ꦥꦤ꧀​ꦱꦶꦤꦸꦁ​​ꦥꦁ​ꦒꦸꦁ​​ꦥꦿꦶꦧꦢꦶ꧉​​ꦮꦸꦱ꧀​ꦩꦶꦁ​ꦒꦃ​ꦕꦺꦛꦶ​ꦱꦼꦢꦪ꧉​​ꦮꦸꦫꦲꦤ꧀​ꦱ꧀ꦮꦫꦤꦶꦁ​​ꦲꦺꦱ꧀ꦠꦿꦶ꧉​​ꦗꦗꦫꦤꦺ​ꦠꦸꦤ꧀ꦝ​ꦱꦥ꧀ꦠ꧉​​ꦢꦶꦂꦒꦧꦲꦸ​ꦏꦁ​​ꦔꦧꦤꦶ꧉​​ꦥꦠꦲꦶꦁ​​ꦏꦶꦛ​ꦏꦢꦸꦭꦸ꧉​​ꦭꦁ​ꦏꦸꦁ​​ꦱꦸꦏ​ꦲꦤꦶꦔꦭꦶ꧉​​ꦱꦁ​​ꦥꦸꦠꦿꦶ​ꦩꦾꦁ​​ꦥꦿꦩꦺꦱ꧀ꦮꦫ꧉​​ꦢꦺꦤꦺ​ꦭꦔꦼꦤ꧀​ꦏꦁ​​ꦏꦲꦺꦏ꧀ꦱꦶ꧉​​ꦠꦼꦠꦫꦸꦧꦺ​ꦲꦶꦔꦲꦺꦱꦤ꧀꧉​​ꦥꦭꦶꦱꦶꦂ​ꦱꦂꦮꦶ​ꦊꦭꦔꦶꦠ꧀꧉​​ꦠꦺꦴꦤ꧀ꦠꦺꦴꦤꦤ꧀​ꦲꦱꦿꦶ​ꦢꦶꦤꦸꦭꦸ꧉​​ꦠꦼꦥꦶ​ꦒꦿꦒꦺꦴꦭ꧀​ꦱꦼꦱꦏ꧀​ꦗꦭ꧀ꦩꦶ꧉​​ꦥꦼꦤꦸꦃ​ꦲꦶꦁ​ꦏꦁ​​ꦱꦼꦏꦸꦭ꧀​ꦲꦸꦭꦩ꧀꧉​​ꦝꦼꦝꦫꦤ꧀​ꦲꦮꦂꦤꦶ​ꦮꦂꦤꦶ꧉​​ꦏꦮꦂꦤꦲ​ꦱꦿꦶ​ꦤꦫꦺꦤ꧀ꦢꦿ꧉​​ꦢꦾꦤ꧀​ꦥꦸꦠꦿ​ꦝꦺꦫꦺꦏ꧀​ꦲꦶꦁ​​ꦮꦶꦁ​ꦏꦶꦁ​꧉​