Kaca:Serat Jaya Lengkara Wulang (1803) - BL MSS Jav 24.pdf/149

ꦠꦤ꧀​ꦏꦼꦤ​ꦲꦔ꧀ꦭꦶꦁ​꧉​​ꦱꦿꦸꦤꦶꦁ​​ꦒꦼꦠꦸꦤ꧀​ꦔꦸꦔꦸꦤ꧀​ꦔꦸꦔꦸꦤ꧀꧉​​ꦫꦲꦢꦾꦤ꧀​ꦩꦸꦤ꧀ꦢꦸꦂ​ꦠꦸꦂ​ꦧꦼꦏ꧀ꦠꦶ꧉​​ꦏꦸꦩꦼꦩ꧀ꦧꦼꦁ​​ꦮꦱ꧀ꦥ​ꦱꦁ​​ꦏꦠꦺꦴꦁ​꧉​​ꦪ​ꦠ​ꦫꦢꦾꦤ꧀​ꦲꦂꦱ​ꦔꦧꦼꦏ꧀ꦠꦶ​ꦲꦶꦁ​​ꦲꦶꦧꦸ꧉​​ꦱꦺꦴꦫꦶ​ꦒꦸꦥꦸꦃ​ꦲꦔꦼꦧꦾꦸꦏꦶ꧉​​ꦏꦁ​​ꦥꦸꦠꦿ​ꦒꦶꦤꦪꦸꦃ​ꦒꦪꦸꦃ꧉​​ꦩꦶꦮꦃ​ꦠ​ꦫꦲꦢꦺꦤ꧀​ꦢꦺꦮꦶ꧉​​ꦤꦸꦁ​ꦏꦼꦩꦶ​ꦫꦏ​ꦠꦤ꧀​ꦲꦭꦺꦴꦤ꧀꧉​​ꦱꦿꦸ​ꦏꦫꦸꦤ​ꦏꦁ​​ꦫꦏ​ꦔꦼꦭꦸꦱ꧀​ꦏꦁ​​ꦥꦸꦁ​ꦏꦸꦂ꧉​​ꦲꦼꦩ꧀ꦧꦤ꧀​ꦲꦶꦚ​ꦏꦧꦺꦃ​ꦤꦔꦶꦱ꧀꧉​​ꦮꦺꦴꦁ​​ꦢꦊꦩ꧀​ꦤꦔꦶꦱ꧀​ꦱꦼꦢꦫꦸꦩ꧀꧉​​ꦢꦾꦤ꧀​ꦔꦿꦶꦃ​ꦲꦫꦶꦃ​ꦫꦪꦶ​ꦭꦃ​ꦮꦶꦱ꧀꧉​​ꦩꦶꦤ꧀ꦢꦼꦭ​ꦥꦤ꧀​ꦮꦶꦱ꧀​ꦏꦼꦭꦏꦺꦴꦤ꧀꧉​​ꦪ​ꦠ​ꦏꦺꦤ꧀ꦢꦼꦭ꧀​ꦫꦢꦺꦤ꧀​ꦥꦸꦠꦿꦶ​ꦤꦸꦭꦾ​ꦮꦸꦔꦸ꧉​​ꦱꦶꦉꦥ꧀​ꦏꦧꦺꦃ​ꦏꦁ​​ꦲꦤꦔꦶꦱ꧀꧉​​ꦠꦾꦱꦶꦫ​ꦱꦩꦶ​ꦱꦼꦱꦸꦒꦸꦤ꧀꧉​​ꦤꦸꦭꦾ​ꦏꦸꦱꦸꦩ​ꦲꦶꦁ​​ꦮꦸꦏꦶꦂ꧉​​ꦲꦔꦧꦼꦏ꧀ꦠꦶ​ꦲꦶꦁ​​ꦱꦁ​​ꦏꦠꦺꦴꦁ​꧉​​ꦩꦾꦁ​​ꦱꦸꦥꦢ꧀ꦤꦶ​ꦢꦾꦤ꧀​ꦮꦸꦔꦸ​ꦧꦼꦏ꧀ꦠꦶ​ꦲꦶꦁ​​ꦲꦶꦧꦸ꧉​​ꦢꦾꦃ​ꦱꦸꦥꦢ꧀ꦤꦶ​ꦢꦠꦤ꧀​ꦏꦫꦶ꧉​​ꦥꦿꦩꦺꦱ꧀ꦮꦫꦶ​ꦭꦺꦴꦤ꧀​ꦲꦔꦿꦁ​ꦏꦸꦭ꧀꧉​​ꦩꦿꦶꦁ​​ꦢꦾꦃ​ꦩꦤ꧀ꦠꦸꦤꦶꦫ​ꦏꦭꦶꦃ꧉​​ꦱꦼꦱꦸꦒꦸꦤ꧀​ꦠꦾꦱ꧀​ꦱꦏꦺꦃ​ꦠꦸꦩꦺꦴꦤ꧀꧉​​ꦱꦿꦶ​ꦤꦫꦺꦤ꧀ꦢꦿ​ꦭꦁ​ꦏꦸꦁ​​ꦢꦺꦤ꧀ꦤ​ꦔꦸꦔꦸꦤ꧀​ꦔꦸꦔꦸꦤ꧀꧉​​ꦔꦼꦤ꧀ꦠꦶꦁ​​ꦱꦸꦏꦤꦶꦫꦺꦁ​​ꦒꦭꦶꦃ꧉​​ꦩꦼꦁ​ꦏꦤ​ꦕꦶꦥ꧀ꦠ​ꦱꦁ​​ꦥꦿꦧꦸ꧉​​ꦧꦪ​ꦮꦸꦱ꧀​ꦠꦏ꧀ꦢꦶꦫꦶꦁ​​ꦮꦶꦢꦶ꧉​​ꦊꦭꦏꦺꦴꦤꦺ​ꦥꦸꦠꦿꦤꦶꦔꦺꦴꦁ​꧉​​ꦮꦶꦠ꧀ꦤꦶꦁ​​ꦠꦾꦱꦺ​ꦥꦿꦩꦺꦱ꧀ꦮꦫꦶ​ꦢꦲꦠ꧀​ꦔꦸꦔꦸꦤ꧀꧉​​ꦠꦸꦩꦶꦔꦭ꧀​ꦏꦸꦱꦸꦩꦺꦁ​​ꦮꦸꦏꦶꦂ꧉​​ꦲꦱ꧀ꦠꦤꦶꦁ​​ꦥꦸꦠꦿ​ꦱꦶꦤꦩ꧀ꦧꦸꦠ꧀꧉​​ꦏꦁ​​ꦥꦢꦏ​ꦢꦺꦤ꧀​ꦫꦕꦸꦠꦶ꧉​​ꦥꦶꦤꦫꦶꦁ​ꦏꦼꦤ꧀​ꦩꦿꦶꦁ​​ꦥꦼꦩꦺꦴꦩꦺꦴꦁ​꧉​​ꦱꦶꦤꦭꦶꦤꦤ꧀​ꦏꦭ꧀ꦥꦶꦏ​ꦱꦩꦶ​ꦥꦶꦠꦸꦫꦸꦤ꧀꧉​​ꦩꦶꦮꦃ​ꦲꦼꦩꦼꦂ​ꦱꦼꦁ​ꦏꦁ​​ꦱꦸꦩ꧀ꦥꦶꦁ​꧉​​ꦧꦶꦁ​ꦒꦼꦭ꧀​ꦭꦮꦤ꧀​ꦱꦼꦏꦂ​ꦱꦸꦮꦸꦤ꧀꧉​​ꦠꦸꦮꦶꦤ꧀​ꦏꦩ꧀ꦥꦸꦃ​ꦱꦩꦶ​ꦱꦭꦶꦤ꧀꧉​​ꦲꦪꦸꦤꦺ​ꦱꦪ​ꦏꦼꦠꦺꦴꦤ꧀ꦠꦺꦴꦤ꧀꧉​​ꦩꦾꦁ​​ꦫꦼꦠ꧀ꦤ​ꦱꦸꦥꦢ꧀ꦤꦶ​ꦥꦶꦤꦶꦱꦭꦶꦤ꧀​ꦱꦩ꧀ꦥꦸꦤ꧀꧉​​ꦠꦤ꧀ꦧꦸꦃ​ꦱꦸꦏꦤꦶꦁ​​ꦱꦿꦶ​ꦱꦺꦴꦫꦶ꧉​​ꦱꦂꦠ​ꦱꦸꦥꦢ꧀ꦤꦶ​ꦮꦸꦱ꧀​ꦱꦶꦤꦸꦁ​꧉​​ꦭꦚ꧀ꦕꦁ​​ꦩꦾꦁ​​ꦢꦾꦤ꧀​ꦥꦸꦠꦿꦶ​ꦮꦸꦏꦶꦂ꧉​​ꦲꦂꦢꦮꦭꦶꦏ​ꦲꦂꦢ