Kaca:Serat Jaya Lengkara Wulang (1803) - BL MSS Jav 24.pdf/134

Saka Wikisumber
Kaca iki wis dikorèksi
꧉ꦏꦁ​​ꦥꦤꦼꦭ​ꦏꦶꦫꦁ​꧉​​ꦏ​ꦥꦸꦫꦸꦤ꧀​ꦲꦶꦔꦭꦲꦤ꧀꧉​​ꦲꦤꦩꦺꦴꦲꦏꦼꦤ꧀​ꦲꦶꦁ​​ꦩꦤ꧀ꦠꦿꦶ꧉​​ꦲꦱꦶꦃ​ꦲꦶꦁ​​ꦢꦸꦚ꧉​​ꦱꦶꦁ​​ꦏꦮꦶꦱꦪꦤ꧀​ꦧꦁ​ꦏꦶꦠ꧀꧉​​ꦏꦁ​​ꦮꦫꦸꦗꦸ​ꦲꦉꦩꦼꦤ꧀​ꦲꦶꦁ​​ꦮꦤ​ꦠꦺꦴꦪ꧉​​ꦏꦱꦸꦏꦤ꧀​ꦱꦶꦪꦁ​​ꦭꦠꦿꦶ꧉​​ꦠꦤ꧀ꦱꦃ​ꦲꦸꦭꦃ​ꦝꦲꦂ꧉​​ꦲꦤꦩꦺꦴꦲꦏꦼꦤ꧀​ꦮꦢꦾ꧉​​ꦲꦔꦥꦸꦤ꧀ꦠꦼꦤ꧀​ꦝꦠꦼꦁ​​ꦢꦱꦶꦃ꧉​​ꦕꦺꦮꦺꦁ​​ꦤꦭꦺꦤ꧀ꦢꦿ꧉​​ꦏꦭꦶꦃ​ꦥꦸꦤꦶꦏ​ꦱꦩꦶ꧉​​ꦤꦔꦶꦁ​​ꦔꦁ​ꦏꦃ​ꦲꦶꦁ​​ꦲꦮꦺꦴꦤ꧀​ꦥꦿꦥ꧀ꦠꦤꦶꦁ​​ꦠꦼꦩꦃ꧉​​ꦩꦁ​ꦱ​ꦏꦤ꧀ꦠꦸꦤꦺꦁ​​ꦗꦸꦫꦶꦠ꧀꧉​​ꦩꦼꦁ​ꦒꦃ​ꦲꦔꦤ꧀ꦢꦶꦏ꧉​​ꦫꦢꦺꦤ꧀​ꦗꦪꦊꦁ​ꦏꦫ꧉​​ꦝꦸꦃ​ꦪꦪꦶ​ꦩꦱ꧀​ꦏꦁ​​ꦥꦶꦤꦁ​ꦒꦶꦃ꧉​​ꦥꦸꦤ꧀​ꦏꦏꦁ​​ꦤꦼꦝ꧉​​ꦲꦶꦁ​​ꦮ​ꦥꦿꦒꦭ꧀ꦧ​ꦲꦸꦒꦶ꧉​​ꦢꦶꦏ​ꦲꦸꦠꦸꦱ꧀​ꦪꦪꦶ​ꦱꦶꦮ​ꦔ꧀ꦭꦼꦧꦼꦠꦤ꧉​​ꦤꦒꦿꦶ​ꦲꦶꦁ​​ꦱꦶꦔꦱꦫꦶ꧉​​ꦲꦮꦱꦺꦁ​​ꦱꦁ​​ꦤꦠ꧉​​ꦒꦼꦒꦩꦤꦺ​ꦭꦤ꧀​ꦮꦢꦾ꧉​​ꦏꦁ​​ꦥꦿꦮꦶꦫ​ꦢꦺꦤ꧀​ꦲꦸꦢꦤꦶ꧉​​ꦪꦺꦤ꧀​ꦱꦩ꧀ꦥꦸꦤ꧀​ꦲꦮꦱ꧀꧉​​ꦲꦱꦸꦔ​ꦮꦿꦸꦃ​ꦠꦸꦩꦸꦭꦶ꧉​​ꦫꦢꦺꦤ꧀​ꦮꦶꦫꦱꦱ꧀ꦠꦿ​ꦲꦸꦩꦠꦸꦂ​ꦱꦤ꧀ꦢꦶꦏ꧉​​ꦥꦿꦒꦭ꧀ꦧ​ꦢꦺꦤ꧀​ꦝꦮꦲꦶ꧉​​ꦲꦸꦮ​ꦭꦃ​ꦩꦶꦤ꧀ꦠꦫ꧉​​ꦠꦿꦥꦼꦤ​ꦩꦲꦸ​ꦲꦶꦏ꧉​​ꦫꦺꦮꦔꦤ​ꦲꦶꦁ​ꦱꦸꦤ꧀​ꦲꦶꦏꦶ꧉​​ꦥꦤ꧀​ꦫꦶꦏ​ꦲꦸꦮ꧉​​ꦒꦼꦤ꧀ꦠꦶꦤꦺ​ꦫꦩ​ꦲꦗꦶ꧉​​ꦲꦮꦺꦴꦠ꧀ꦱꦼꦏꦂ​ꦥꦿꦒꦭ꧀ꦧ​ꦱꦲ​ꦩꦔꦽꦥ꧉​​ꦏꦮꦸꦭ​ꦤꦸꦲꦸꦤ꧀​ꦲꦶꦁ​​ꦱꦶꦃ꧉​​ꦥꦤ꧀​ꦏꦮꦸꦭ​ꦱꦼꦢꦾ꧉​​ꦥꦼꦗꦃ​ꦒꦼꦱꦁ​​ꦏꦠꦸꦫ꧉​​ꦝꦸꦩꦠꦼꦁ​​ꦲꦶꦁ​​ꦥꦢ​ꦒꦸꦱ꧀ꦠꦶ꧉​​ꦢꦢꦺꦴꦱ​ꦱꦿꦤ꧉​​ꦲꦁ​ꦒꦺꦂ​ꦠꦸꦭꦸꦱ​ꦲꦗꦶ꧉​​ꦤꦢꦾꦤ꧀​ꦩꦠꦶ​ꦲꦸꦮ​ꦧꦉꦔ​ꦭꦤ꧀​ꦲꦶꦔ꧀ꦮꦁ​꧉​​ꦧꦺꦱꦸꦏ꧀​ꦢꦢꦶꦤꦶꦁ​​ꦗꦸꦫꦶꦠ꧀꧉​​ꦲꦸꦮ​ꦲꦔꦩꦸꦏ꧉​​ꦪꦺꦤ꧀​ꦲꦤ​ꦮꦁ​ꦱꦶꦠ꧀​ꦲꦶꦔ꧀ꦮꦁ​꧉​​ꦢꦺꦤꦺ​ꦠꦤ꧀ꦱꦃ​ꦱꦸꦤ꧀​ꦏꦺꦴꦁ​ꦏꦺꦴꦤꦶ꧉​​ꦲꦶꦏꦶ​ꦱꦏꦠꦾ꧉​​ꦲꦼꦩꦱ꧀​ꦒꦮꦤꦼꦤ꧀​ꦝꦶꦩꦶꦤ꧀꧉​​ꦥꦿꦒꦭ꧀ꦧ​ꦩꦶꦠ꧀​ꦱꦩ꧀ꦥꦸꦤ꧀​ꦲꦤꦶꦠꦶꦃ​ꦠꦸꦫꦁ​ꦒ꧉​​ꦱꦂꦪ​ꦮꦶꦤꦼꦭꦶꦁ​​ꦮꦼꦭꦶꦁ​꧉​​ꦲꦸꦮ​ꦪ​ꦲꦸꦩꦲ꧉​