Kaca:Serat Jaya Lengkara Wulang (1803) - BL MSS Jav 24.pdf/128

Saka Wikisumber
Kaca iki wis dikorèksi
ꦢꦶꦥꦁ​ꦒ꧉​​ꦠꦤ꧀ꦝꦸ​ꦗꦺꦴꦭꦶ​ꦩꦸꦁ​ꦒꦺꦁ​​ꦮꦸꦫꦶ꧉​​ꦩꦶꦮꦃ​ꦥꦼꦥꦶꦏꦸꦭ꧀​ꦒꦺꦴꦠꦺꦴꦔꦤ꧀꧉​​ꦏꦶ​ꦥꦿꦧꦭ​ꦠꦼꦠꦶꦤ꧀ꦝꦶꦲꦺ꧉​​ꦩꦸꦁ​ꦒꦺꦁ​​ꦏꦸꦢ​ꦥꦶꦤꦪꦸꦔꦤ꧀꧉​​ꦱꦸꦩꦸꦤ꧀ꦝꦸꦭ꧀​ꦮꦺꦴꦁ​​ꦏꦥꦸꦠꦿꦤ꧀꧉​​ꦥꦿꦱꦩꦾ​ꦱꦸꦢꦶꦫꦺꦁ​​ꦏꦺꦮꦸꦃ꧉​​ꦱꦺꦮꦸ​ꦥꦝ​ꦠꦸꦱ꧀​ꦥꦿꦮꦶꦫ꧉​​ꦲꦁ​ꦒꦿꦼꦒꦸꦠ꧀​ꦧꦼꦏ꧀​ꦥꦿꦪ​ꦩꦠꦶ꧉​​ꦮꦶꦫꦢꦶ​ꦮꦸꦱ꧀​ꦩꦸꦁ​ꦒꦺꦁ​​ꦏꦸꦢ꧉​​ꦤꦶꦂꦥꦿꦶꦁ​ꦒ​ꦩꦸꦁ​ꦒꦺꦁ​​ꦮꦸꦫꦶꦤꦺ꧉​​ꦮꦺꦴꦁ​​ꦱꦠꦸꦱ꧀​ꦱꦩꦶ​ꦥꦿꦮꦶꦫ꧉​​ꦔ꧀ꦮꦸꦫꦶꦤꦺ​ꦲꦸꦥꦕꦫ꧉​​ꦪꦺꦤ꧀​ꦠꦶꦤꦺꦴꦤ꧀​ꦥꦠꦶꦁ​​ꦥꦭꦚ꧀ꦕꦸꦂ꧉​​ꦭꦶꦂ​ꦥꦺꦤ꧀ꦢꦃ​ꦮꦸꦏꦶꦂ​ꦏꦸꦱꦸꦩ꧉​​ꦱꦶꦫ​ꦱꦁ​​ꦤꦪꦏꦺꦁ​​ꦮꦸꦏꦶꦂ꧉​​ꦏꦭꦶꦲꦤ꧀​ꦤꦶꦠꦶꦃ​ꦩꦠꦼꦁ​ꦒ꧉​​ꦪꦪꦃ​ꦢꦸꦏ꧀​ꦏꦶꦤꦫꦺ​ꦏꦫꦺ꧉​​ꦥꦂꦥꦠ꧀​ꦥꦝ​ꦥꦼꦥꦭꦪ꧀ꦮꦤ꧀꧉​​ꦠꦤ꧀ꦝꦸ​ꦗꦺꦴꦭꦶ​ꦗꦼꦩ꧀ꦥꦤ꧉​​ꦥꦼꦝꦠꦶ​ꦭꦮꦤ꧀​ꦥꦼꦥꦶꦏꦸꦭ꧀꧉​​ꦲꦱꦼꦭꦸꦂ​ꦲꦶꦁ​​ꦮꦸꦫꦶꦤꦶꦫ꧉​​ꦲꦶꦁ​ꦏꦁ​​ꦔꦮꦿꦸꦲꦶ​ꦲꦶꦁ​​ꦮꦸꦫꦶ꧉​​ꦢꦾꦤ꧀​ꦒꦸꦱ꧀ꦠꦶ​ꦥꦿꦠꦭꦶꦪꦸꦢ꧉​​ꦢꦾꦤ꧀​ꦪꦸꦢꦥꦠꦶ​ꦔ꧀ꦮꦸꦫꦶꦤꦺ꧉​​ꦲꦔꦶꦫꦶꦢ꧀​ꦲꦶꦁ​ꦏꦁ​​ꦉꦉꦩ꧀ꦧꦠ꧀꧉​​ꦗꦺꦴꦭꦶ​ꦠꦤ꧀ꦝꦸ​ꦗꦼꦩ꧀ꦥꦤ꧉​​ꦤꦶꦂꦮꦺꦱ꧀ꦛꦶ​ꦲꦶꦁ​ꦏꦁ​​ꦱꦸꦩꦸꦤ꧀ꦝꦸꦭ꧀꧉​​ꦩꦁ​ꦏꦸ​ꦮꦺꦴꦁ​​ꦱꦠꦸꦱ꧀​ꦥꦿꦮꦶꦫ꧉​​ꦢꦾꦤ꧀​ꦮꦶꦫꦱꦱ꧀ꦠꦿ​ꦮꦸꦱ꧀​ꦩꦸꦁ​ꦒꦶꦁ​꧉​​ꦢꦶꦫꦢ​ꦩꦼꦁ​ꦒꦼꦥ꧀​ꦱꦸꦢꦶꦫ꧉​​ꦠꦸꦲꦸ​ꦲꦩꦶꦱꦤꦶ​ꦲꦶꦁ​​ꦫꦺꦃ꧉​​ꦏꦁ​​ꦔꦽꦏ꧀ꦱꦺꦁ​​ꦮꦸꦫꦶ​ꦥꦿꦒꦭ꧀ꦧ꧉​​ꦲꦺꦱ꧀ꦠꦸ​ꦢꦶꦒ꧀ꦢꦪꦺꦁ​​ꦭꦒ꧉​​ꦱꦺꦮꦸ​ꦮꦢꦾ​ꦠꦼꦒꦸꦃ​ꦠꦶꦩ꧀ꦧꦸꦭ꧀꧉​​ꦱꦩꦶ​ꦲꦸꦠꦩꦺꦁ​​ꦮꦶꦮꦺꦏ꧉​​ꦱꦁ​ꦱꦪ​ꦮꦼꦮꦃ​ꦲꦮꦼꦤꦶꦁ​꧉​​ꦏꦥꦤ꧀ꦝꦶꦠꦤꦺ​ꦱꦁ​​ꦠꦥ꧉​​ꦮꦸꦱ꧀​ꦢꦺꦤꦶꦁ​​ꦏꦁ​ꦗꦼꦁ​​ꦱꦁ​​ꦏꦠꦺꦴꦁ​꧉​​ꦢꦸꦏ꧀​ꦏꦉꦏ꧀ꦱ​ꦲꦶꦁ​​ꦧꦭꦚ꧉​​ꦏꦼꦤ​ꦲꦸꦒ​ꦢꦺꦤ꧀​ꦲꦩ꧀ꦧꦃ꧉​​ꦲꦶꦁ​​ꦢꦸꦢꦸ​ꦩꦁ​ꦏꦾ​ꦭꦒꦾ​ꦪꦸꦤ꧀꧉​​ꦗꦸꦠꦶ​ꦚꦶꦥ꧀ꦠꦺꦁ​​ꦠꦾꦱ꧀​ꦏꦺꦮꦭ꧉​​ꦠꦤ꧀ꦠꦫ​ꦏꦼꦤ​ꦲꦶꦁ​​ꦮꦺꦱ꧀ꦛꦶ꧉​​ꦩꦶꦮꦃ​ꦱꦼꦥꦶꦤꦶꦁ​​ꦲꦱꦿꦩ꧉​​ꦔꦸꦤꦶ​ꦫꦩꦺ​ꦲꦶꦁ​​ꦗꦭ꧀ꦩ​ꦏꦺꦃ꧉​​ꦲꦶꦁ​​ꦩꦁ​ꦏꦺ​ꦏꦤ꧀ꦠꦸꦤ꧀​ꦲꦱꦺꦴꦚ꧉​​ꦱꦺꦴꦚꦤꦺ​ꦲꦶꦁ​ꦏꦁ​​ꦢꦿꦶꦪ꧉​​ꦤꦲꦤ꧀​ꦪ​ꦠ​ꦏꦁ​​ꦭꦸꦩꦏꦸ꧉​​ꦱꦩꦂꦒ​ꦲꦱꦸꦏ​ꦱꦸꦏ꧉​​ꦢꦤ​ꦭꦶꦂ​ꦮꦽꦱ​ꦱꦩꦂꦒꦶ꧉​​ꦲꦒ꧀ꦭꦂ​ꦮꦱ꧀ꦠꦿ​ꦭꦮꦤ꧀​ꦧꦺꦴꦒ꧉​​ꦩꦱ꧀​ꦉꦠ꧀ꦤꦂꦠ​ꦱꦥꦤ꧀ꦠꦼꦱꦺ​ꦱ