Kaca:Serat Damar Wulan.pdf/154

ꦏꦏꦫ​ꦩꦱ꧀​ꦭꦤ꧀ꦏꦕꦁ​ꦒꦣꦶꦁꦔꦤ꧀​ꦲꦩꦶꦪꦸꦠ꧀ꦏꦕꦁꦒꦼꦭꦺꦪꦺꦴꦂ꧈ꦮꦭꦸꦃ​ꦱꦼꦩ꧀ꦧꦮ​ꦢꦸꦭꦸꦂ꧈ꦮ​ꦭꦸꦃ​ꦧꦺꦴꦏꦺꦴꦂꦮꦺꦴꦃꦲꦶꦫ​ꦢꦢꦶ꧈ꦥꦭ​ꦏꦱꦶꦩ꧀ꦥꦂ​ꦲꦒ꧀ꦭꦂꦢꦶꦤꦸꦭꦸꦏꦪꦸꦁꦪꦸꦤ꧀​ꦏꦭꦸꦮꦶꦃ​ꦭꦮꦤ꧀ꦱꦫꦁꦔꦤ꧀ꦥꦼꦠꦩꦤꦤ꧀​ꦱꦼꦏꦂꦫꦺ​ꦢꦶꦤꦸꦭꦸ​ꦲꦱꦿꦶ꧈ꦩꦸꦁ​ꦒꦺꦃ​ꦠꦼꦥꦶꦤꦶꦁ​ꦠꦺꦴꦪ​ ꧃ ꦕꦼꦩ꧀ꦥꦏꦤꦺ​ꦲꦁꦭꦪꦥ꧀ꦠꦸꦭꦾ​ꦱꦿꦶ꧈​ꦒꦩ꧀ꦧꦶꦂ​ꦩꦼꦭꦛꦶ​ꦭꦤ꧀ꦱꦸꦩꦤꦂꦱ꧈ꦉꦒꦸꦭꦺꦴ​ꦩꦼꦫꦶꦠ꧀ꦒꦤ꧀ꦢꦤ꧀ꦤꦺ꧈ꦲꦤ꧀ꦗꦿꦃ​ꦏꦁ​ꦠꦸꦤ꧀ꦗꦸꦁ​ꦠꦸꦠꦸꦂ꧈ꦥꦸꦱ꧀ꦥꦶꦠꦤ꧀ꦤꦺꦲꦱꦿꦶ​ꦲꦁꦫꦮꦶꦠ꧀​ꦱꦩꦶ​ꦗꦶꦤꦭꦠꦸꦤ꧀ꦝ꧈ꦱꦸꦭꦤ꧀ꦗꦤ​ꦲꦒꦸꦁ​꧈ꦱꦶꦤꦼꦭꦤꦤ꧀ꦤꦒꦥꦸꦱ꧀ꦥ꧈ꦥꦶꦁ​ꦒꦶꦂ​ꦱꦼꦤ꧀ꦝꦁ​ꦭꦶꦤꦺꦥ​ꦲꦶꦁ​ꦧꦠ​ꦥꦸꦠꦶꦃ꧈ꦪ​ꦠꦏꦶ​ꦩꦺꦤꦏ꧀ꦏꦺꦴꦤ꧀ꦕꦂ ꧃ ꦏꦮꦤ꧀ꦢꦱ​ꦏꦗꦶꦤꦼꦩꦤ꧀ꦤꦺꦏꦶ꧈ꦒꦒꦮꦤ꧀ꦤꦺ​ꦒꦒꦮꦤꦺ​ꦱꦏꦶꦁ​ꦔꦶꦁ​ꦭꦸꦩꦗꦁ​꧈ꦱꦩꦶ​ꦮꦺꦴꦁ​ꦮꦤ꧀ꦠꦼꦂ​ꦩꦤꦲꦺ꧈ꦱꦶꦮꦼꦒ꧀ꦱꦩꦶ​ꦧꦸꦧꦸꦫꦸ꧈ꦪ​ꦠ​ꦏꦒꦺꦠ꧀ꦩꦶꦪꦂꦱ​ꦠꦔꦶꦱ꧀꧈ꦢꦼꦩꦁ​ꦒꦛꦸꦭ꧀ꦏꦫꦸꦤ꧀ꦤꦱꦱꦩ꧀ꦧꦠ꧀ꦠꦺ​ꦲꦱꦿꦸ꧈ꦲꦁꦔꦸꦕꦥ꧀ꦏꦶ​ꦩꦺꦤꦏ꧀ꦏꦺꦴꦕꦂꦠꦶꦩ꧀ꦧꦭꦤ꧈​ꦠꦤ꧀ꦤꦤ꧀ꦠꦫ​ꦱꦶꦒꦿ​ꦥꦿꦥ꧀ꦠꦶ꧈ꦢꦼꦩꦁ​ꦒꦛꦸꦭ꧀ꦏꦫꦸꦤ꧀ꦤ ꧃ ꦢꦼꦩꦁ​ꦒꦛꦸꦭ꧀ꦠꦶꦤꦏꦺꦴꦤꦤ꧀ꦤꦫꦶꦱ꧀ꦥꦼꦒꦺꦤ꧀ꦤꦶꦫ​꧈ꦭꦃ​ꦥꦩꦤ꧀ꦏꦫꦸꦤ꧀ꦤꦏꦶ​ꦢꦼꦩꦁ​ꦲꦭꦺꦴꦤ꧀ꦤꦠꦸꦫꦺ꧈ꦩꦶꦭ​ꦏꦮꦸꦭ​ꦩꦸꦁꦔꦸꦤ꧀​ꦒꦸꦱ꧀ꦠꦶꦏꦸꦭ​ꦏꦮꦺꦴꦤ꧀ꦤꦗꦸꦫꦶꦠ꧀​ꦏꦕꦼꦏꦼꦭ꧀ꦩꦺꦤꦏ꧀ꦗꦶꦁ​ꦒꦩꦶꦭ​ꦏꦸꦭꦩꦸꦔꦸꦤ꧀꧈ꦥꦸꦠꦿꦤꦺ​ꦢꦶꦥꦠꦶ​ꦠꦸꦧꦤ꧀​ꦲꦏꦏꦱꦶꦃꦫꦢꦺꦤ꧀ꦧꦸꦤ꧀ꦠꦫꦤ꧀ꦤꦥꦼꦏꦶꦏ꧀꧈ꦏ