Kaca iki wis dikorèksi
ꦫꦶꦁꦗꦶꦮꦁꦒ꧈ ꦲꦸꦭꦠꦤꦱꦸꦩꦶꦔꦶꦠꦺꦲꦤꦺꦁꦔꦼꦤ꧀ꦢꦶ꧈ ꦲꦗꦩꦸꦕꦸꦁꦏꦺꦮꦭ꧉ ꧅ ꦚ꧀ꦖ ꧅ ꦔꦸꦤꦶꦲꦶꦁꦱꦸꦤ꧀ꦔꦼꦔ꧀ꦭꦼꦁꦲꦶꦁꦠꦾꦱ꧀ꦥꦸꦔꦸꦤ꧀ꦥꦸꦔꦸꦤ꧀꧈ꦔꦸꦢꦶꦲꦤꦤꦶꦁꦲꦾꦁ꧈ꦒꦾꦥꦿꦸꦲꦶꦠꦥꦿꦩꦲꦂꦱꦶ꧈ꦮꦼꦮꦫꦲꦺꦠꦤ꧀ꦱꦩꦲꦮꦂꦤꦮꦂꦤ꧉ ꧄ꦲꦤꦮꦶꦏꦸꦩꦼꦝꦂꦲꦤꦤꦶꦁꦲꦾꦁꦄꦒꦸꦁ꧈ꦪꦲꦶꦏꦸꦕꦃꦪꦤ꧀ꦠ꧈ꦏꦁꦔ꧀ꦭꦶꦩ꧀ꦥꦸꦠꦶꦮꦺꦴꦫꦶꦁꦝꦶꦫꦶ꧈ꦮꦪꦔꦤ꧀ꦚꦢꦸꦩꦸꦤꦸꦁꦤꦺꦁꦤꦺꦠꦿꦤꦶꦫ꧉ ꧄ꦧꦸꦤ꧀ꦢꦼꦂꦔꦸꦮꦸꦁꦭꦶꦂꦱꦸꦤꦫꦶꦁꦱꦸꦂꦪꦤꦿꦮꦸꦁ꧈ꦲꦫꦤ꧀ꦤꦸꦂꦩꦸꦑꦩꦠ꧀꧈ꦪꦺꦤ꧀ꦥꦿꦥ꧀ꦠꦲꦤ꧀ꦠꦫꦺꦁꦥꦠꦶ꧈ꦲꦶꦏꦸꦱꦸꦉꦩ꧀ꦪꦺꦤ꧀ꦱꦶꦉꦥ꧀ꦱꦶꦫ ꧄ꦩꦂꦩꦤꦶꦥꦸꦤ꧀ꦪꦺꦤ꧀ꦮꦸꦱ꧀ꦱꦸꦫꦸꦠ꧀ꦲꦸꦫꦸꦥꦶꦥꦸꦤ꧀꧈ꦲꦪ꧀ꦮꦮꦱ꧀ꦱꦸꦩꦼꦭꦁ꧈ꦭꦶꦁꦭꦶꦔꦼꦤ꧀ꦪ꧀ꦮꦏꦺꦴꦁꦱꦶꦭꦭꦶ꧈ꦥꦶꦭꦸꦠꦤꦼꦤ꧀ꦲꦶꦁꦏꦺꦴꦤꦺꦴꦒ꧀ꦮꦤꦶꦁꦏꦩꦸꦭꦾꦤ꧀꧉ ꧄ꦲꦤꦩꦸꦮꦸꦱ꧀ꦮꦺꦴꦱꦶꦁꦒꦼꦱꦁꦱꦪꦼꦏ꧀ꦠꦶꦮꦸꦱ꧀꧈ꦏꦮꦱꦺꦱꦺꦁꦱꦶꦫ꧈ꦮꦺꦴꦫꦶꦁꦱꦫꦶꦫꦫꦶꦫꦠꦿꦶ꧈ꦲꦶꦪꦲꦶꦏꦸꦫꦱꦭꦤ꧀ ꦥꦔꦿꦱꦤꦶꦫ꧉ ꧄ꦮꦺꦴꦂꦱꦮꦸꦗꦸꦢ꧀ꦤꦺꦁꦤꦥꦱ꧀ꦲꦤ꧀ꦥꦱ꧀ꦠꦤ꧀ꦤꦸꦥꦸꦱ꧀꧈ꦥꦿꦠꦤ꧀ꦝꦤꦺꦲꦤ꧈ꦪꦺꦤ꧀ꦤꦥꦱꦶꦫꦮꦸꦱ꧀ꦲꦤꦶꦱ꧀꧈ꦪꦼꦏ꧀ꦠꦶꦱꦶꦂꦤꦲꦠ꧀ꦩꦤꦶꦫꦱꦏꦶꦁꦫꦒ꧉ ꧄ꦩꦂꦩꦤꦶꦁꦥꦸꦤ꧀ꦪꦺꦤ꧀ꦱꦶꦫꦪꦸꦤ꧀ꦥꦿꦥ꧀ꦠꦺꦁꦭꦸꦪꦸꦠ꧀꧈ꦲ
