Kaca:Serat Asmaralaya.pdf/18

ꦗꦠꦶꦤꦶꦁ​ꦲꦸꦫꦶꦥꦶꦫ꧈​​ꦏꦁ​ꦮꦸꦱ꧀ꦲꦮꦺꦴꦂ​ꦠꦤ꧀ꦥꦶꦱꦃ​ꦱꦶꦪꦁ​ꦫꦠꦿꦶ꧈​​ꦱꦗꦿꦺꦴꦤꦶꦁ​ꦏꦸꦂꦄꦤ꧀ꦏꦱꦼꦧꦸꦠ꧀꧈​​ꦩꦶꦤ꧀ꦏꦶꦧꦫꦶꦭ꧀ꦮꦫꦶꦠ꧈​​ꦒꦸꦱ꧀ꦠꦶ​ꦄꦭ꧀ꦭꦃ​ꦫꦏꦼꦠꦤ꧀ꦭꦤ꧀ꦫꦱꦤꦶꦥꦸꦤ꧀꧈​​ꦭꦶꦫꦺ​ꦮꦸꦱ꧀ꦲꦮꦺꦴꦂ​ꦱꦫꦱ꧈​​ꦫꦱ​ꦱꦗꦿꦺꦴꦤꦶꦁ​ꦔꦲꦸꦫꦶꦥ꧀꧉​​ ​꧄ꦲꦸꦫꦶꦥ꧀ꦲꦶꦁꦏꦁ​ꦩꦮ​ꦗꦶꦮ꧈​​ꦗꦶꦮꦤꦶꦫ​ꦩꦁꦏ​ꦮꦫꦤ​ꦗꦠꦶ꧈​​ꦗꦠꦶꦤꦶꦁ​ꦲꦸꦫꦶꦥ꧀ꦥꦸꦤꦶꦏꦸ꧈​​ꦪꦼꦏ꧀ꦠꦶ​ꦠꦤ꧀ꦔꦁꦒꦺꦴ​ꦚꦮ꧈​​ꦤꦺꦴꦫ​ꦚꦫ​ꦤꦺꦴꦫ​ꦒꦤ꧀ꦢ​ꦤꦺꦴꦫ​ꦢꦸꦭꦸ꧈​​ꦤꦺꦴꦫ​ꦩꦸꦤ​ꦠꦤ꧀ꦔꦤ꧀ꦢꦶꦏ꧈​​ꦠꦤ꧀ꦥ​ꦫꦱ​ꦥꦔꦿꦱ​ꦤꦶꦂ꧉​​ ​꧄ꦲꦩꦸꦁ​ꦤꦼꦁ​ꦲꦼꦤꦶꦁ​ꦢꦾꦠ꧀ꦩꦶꦏ꧈​​ꦤꦺꦁ​ꦏꦴꦤꦤ꧀ꦲꦤꦤꦶꦫ​ꦥꦿꦶꦧꦢꦶ꧈​​ꦤꦔꦶꦁ​ꦏꦧꦺꦃ​ꦏꦁ​ꦏꦢꦸꦭꦸ꧈​​ꦲꦥꦤ꧀ꦮꦸꦱ꧀ꦏꦲꦸꦤꦶꦔꦤ꧀꧈​​ꦏꦁ​ꦏꦫꦸꦔꦸ​ꦮꦸꦱ꧀ꦏꦥꦾꦂꦱ​ꦲꦶꦁ​ꦲꦾꦁ​ꦄꦒꦸꦁ꧈​​ꦏꦁ​ꦏꦴꦩ꧀ꦧꦸ​ꦮꦸꦱ꧀ꦏꦒꦤ꧀ꦢ꧈​​ꦏꦁ​ꦚꦫ​ꦏꦱꦧ꧀ꦢ​ꦪꦼꦏ꧀ꦠꦶ꧉​​ ​꧄ꦏꦁ​ꦲꦔꦿꦱ​ꦮꦸꦱ꧀ꦏꦫꦃꦱꦤ꧀꧈​​ꦲꦶꦤꦭꦺꦴꦲ​ꦲꦸꦮꦱꦩꦶꦔ꧀ꦮꦭ꧀ꦔꦭꦶꦩ꧀꧈​​ꦄꦭ꧀ꦭꦃ​ꦲꦶꦏꦸ​ꦗꦼꦩ꧀ꦧꦂ​ꦲꦒꦸꦁ꧈​​ꦲꦸꦤꦶꦔ​ꦱꦤꦶꦱ꧀ꦏꦫ꧈​​ꦤꦺꦴꦫ​ꦱꦩꦂ​ꦪ​ꦤꦸꦏꦠ꧀​ꦓꦲꦶꦥ꧀ꦧꦸꦭ꧀ꦒꦸꦪꦸꦥ꧀꧈​​ꦭꦶꦫꦶꦁ​ꦮꦶꦗꦶ​ꦥꦼꦥꦶꦔꦶꦠꦤ꧀꧈​​ꦱꦸꦩꦶꦔꦶꦠ꧀ꦲꦶꦁ​ꦫꦃꦱꦤꦺꦏꦶ꧉​​ ​꧄ꦤꦔꦶꦁ​ꦥꦶꦭꦶꦃ​ꦏꦁ​ꦲꦸꦤꦶꦔ꧈​​ꦭꦩꦸꦤ꧀ꦲꦺꦴꦫ​ꦭꦮꦤ꧀ꦥꦶꦠꦸꦢꦸꦃ​ꦗꦠꦶ꧈​​ꦭꦥ꦳ꦭꦺ​ꦭꦪꦸ​ꦑꦪꦥꦸ꧈​​ꦠꦤ꧀ꦏꦼꦤ​ꦏꦪ​ꦔꦥ꧈​​ꦲꦤꦤꦶꦫ​ꦱꦩꦂ​ꦠꦤ꧀ꦏꦼ