Kaca:Serat Asmaralaya.pdf/17

​ꦄꦒꦸꦁ꧈​​ꦥꦶꦤꦔꦿꦤ꧀ꦥꦶꦤꦸꦤ꧀ꦝꦶ​ꦥꦸꦤ꧀ꦝꦶ꧈​​ꦏꦪ​ꦏꦁ​ꦏꦮꦃꦪꦺꦁ​ꦥꦸꦕꦸꦁ꧈​​ꦠꦤ꧀ꦮꦿꦸꦃ​ꦪꦺꦤ꧀ꦲꦶꦏꦸ​ꦠꦿꦶꦩꦸꦂꦠꦶ꧈​​ꦱꦭꦶꦤ꧀ꦒꦺꦴꦤ꧀ꦱꦭꦶꦤ꧀ꦊꦭꦒꦺꦴꦤ꧀꧉​​ ​꧄​​ꦱꦭꦶꦤ꧀ꦲꦱ꧀ꦩ​ꦭꦤ꧀ꦱꦭꦶꦤ꧀ꦥꦔ꧀ꦮꦱꦤꦶꦥꦸꦤ꧀꧈​​ꦭꦩꦸꦤ꧀ꦩꦤꦸꦏ꧀ꦱ꧀ꦩꦺꦁ​ꦩꦿꦶꦁ​ꦕꦕꦶꦁ꧈​​ꦪꦼꦏ꧀ꦠꦶ​ꦩꦸꦁ​ꦩꦁꦏꦼꦉꦠ꧀ꦩꦸꦭꦸꦂ꧈​​ꦪꦺꦤ꧀ꦩꦤꦸꦏ꧀ꦱ꧀ꦩꦺꦁ​ꦮꦭꦁ​ꦧꦁꦏꦶꦠ꧀꧈​​ꦩꦶꦧꦼꦂ​ꦩꦊꦠꦶꦏ꧀ꦩꦚ꧀ꦕꦺꦴꦭꦺꦴꦠ꧀꧉​​ ​꧄​​ꦪꦺꦤ꧀ꦩꦚ꧀ꦗꦶꦁ​ꦮꦺꦴꦁ​ꦧꦶꦱ​ꦔꦁꦒꦶꦠ꧀ꦧꦶꦱ​ꦔꦶꦢꦸꦁ꧈​​ꦠꦼꦂꦏꦝꦁ​ꦧꦶꦱ​ꦲꦸꦢꦤꦶ꧈​​ꦩꦫꦶꦁ​ꦱꦗꦠꦶꦤꦶꦁ​ꦲꦶꦝꦸꦥ꧀꧈​​ꦮꦿꦸꦃ​ꦱꦁꦏꦤ꧀ꦥꦫꦤꦶꦁ​ꦲꦸꦫꦶꦥ꧀꧈​​ꦥꦔꦿꦏꦶꦠꦶꦁ​ꦫꦺꦃ​ꦠꦤ꧀ꦏꦺꦫꦺꦴꦤ꧀꧉​​ ​꧄​​ꦩꦂꦩꦤꦶꦫ​ꦏꦧꦺꦃ​ꦥꦔꦁꦒꦼꦥꦶꦁ​ꦒꦸꦫꦸ꧈​​ꦏꦁ​ꦥꦝ​ꦩꦔꦺꦫꦤ꧀ꦩꦫꦶꦁ꧈​​ꦫꦱ​ꦥꦔꦿꦱ​ꦕꦃꦪ​ꦤꦸꦁ꧈​​ꦩꦔꦿꦤ꧀ꦩꦿꦶꦁ​ꦥꦿꦩꦤ​ꦠꦸꦮꦶꦤ꧀꧈​​ꦩꦔꦿꦤ꧀ꦱ꧀ꦮꦫ​ꦕꦶꦥ꧀ꦠꦺꦁ​ꦧꦠꦺꦴꦱ꧀꧉​​ ​꧄​​ꦏꦪ​ꦲꦶꦁꦏꦁ​ꦏꦮꦃꦪ​ꦲꦶꦁ​ꦱꦼꦏꦂ​ꦥꦸꦕꦸꦁ꧈​​ꦱꦪꦼꦏ꧀ꦠꦶ​ꦧꦺꦚ꧀ꦗꦁ​ꦲꦸꦩꦚ꧀ꦗꦶꦁ꧈​​ꦩꦿꦶꦁ​ꦱ꧀ꦮꦱꦤ​ꦩꦺꦴꦫꦶꦁ​ꦱꦸꦮꦸꦁ꧈​​ꦲꦂꦱ​ꦔꦸꦁꦱꦶ​ꦩꦫꦶꦁ​ꦔꦼꦤ꧀ꦢꦶ꧈​​ꦔꦂꦱ​ꦮꦸꦫꦶ​ꦝꦸꦮꦸꦂ​ꦔꦶꦱꦺꦴꦂ꧉​​ ꧅ ꦚ꧀ꦖ ꧅ ꦗꦧ​ꦗꦼꦫꦺꦴ​ꦏꦧꦼꦏꦤ꧀꧈​​ꦲꦶꦁ​ꦱ꧀ꦮꦱꦤ​ꦱꦤꦢꦾꦤ꧀ꦏꦁ​ꦠꦤ꧀ꦔꦺꦭ꧀ꦩꦶ꧈​​ꦲꦶꦪ​ꦩꦤꦸꦏ꧀ꦱ꧀ꦩꦺꦁ​ꦩꦿꦶꦁ​ꦱꦸꦮꦸꦁ꧈​​ꦏꦮꦸꦂ​ꦲꦶꦁ​ꦠꦮꦁ​ꦠꦺꦴꦮꦁ꧈​​ꦤꦺꦴꦫ​ꦧꦺꦢ​ꦭꦮꦤ꧀ꦲꦶꦁꦏꦁ​ꦲꦃꦭꦶ​ꦔꦺꦭ꧀ꦩꦸ꧈​​ꦏꦭꦩꦸꦤ꧀ꦤꦺꦴꦫ​ꦮꦱ꧀ꦥꦢ꧈​​ꦢꦸꦤꦸꦔꦶꦁ​ꦏꦴꦤꦤ꧀ꦗꦠꦶ꧉​​ ​꧄ꦱ