Kaca:Serat Asmaralaya.pdf/12

꧇꧓꧕꧇​꧉​​ꦩꦂꦩ​ꦠꦼꦩ꧀ꦠꦸ​ꦪꦺꦤ꧀​ꦥꦿꦥ꧀ꦠ​ꦲꦤ꧀ꦠꦫꦺꦁ​ꦭꦪꦸ꧈​​ꦲꦤ​ꦕꦃꦪ​ꦥꦿꦥ꧀ꦠ꧈​​ꦒꦸꦩꦶꦭꦁ​ꦥꦶꦤ꧀ꦝ​ꦲꦁꦒꦤꦶꦁ꧈​​ꦠꦶꦂꦠ​ꦩꦸꦁꦒꦶꦁ​ꦫꦺꦴꦤ꧀​ꦭꦸꦩ꧀ꦧꦸ​ꦲꦩꦪ​ꦩꦪ꧉​​
​ꦢꦾꦤ꧀​ꦥꦸꦤꦶꦏꦸ​ꦕꦶꦥ꧀ꦠꦤꦼꦤ꧀​ꦢꦢꦾ​ꦱꦮꦸꦗꦸꦢ꧀꧈​​ꦭꦮꦤ꧀​ꦱꦧ꧀ꦢꦤꦶꦫ꧈​​ꦏꦁ​ꦱꦼꦤꦼꦢꦤ꧀​ꦱꦩꦢꦾꦤꦶꦁ꧈​​ꦔꦼꦤ꧀​ꦲꦔꦼꦤ꧀​ꦠ​ꦪꦼꦏ꧀ꦠꦶ​ꦮꦭꦸꦪ​ꦱꦩ꧀ꦥꦸꦂꦤ꧉​​
​ꦩꦸꦭꦾ​ꦮꦁꦱꦸꦭ꧀​ꦩꦿꦶꦁ​ꦲꦱꦭꦶꦫ​ꦫꦸꦩꦸꦲꦸꦤ꧀꧈​​ꦱꦧ꧀ꦢ​ꦒꦲꦶꦧ꧀​ꦧꦧꦂ꧈​​ꦧꦭꦶ​ꦲꦔꦺꦧꦼꦏꦶ​ꦧꦸꦩꦶ꧈​​ꦠꦿꦶꦧꦸꦮꦤ​ꦏꦼꦧꦏ꧀​ꦧꦁꦏꦶꦠ꧀​ꦩꦼꦒꦠ꧀​ꦚꦮ꧉​​  
꧅ꦟ꧀ꦢꦿ꧅
ꦮꦶꦫꦪꦠꦺ​ꦥꦫ​ꦮꦶꦏꦸ​ꦏꦁ​ꦢꦸꦫꦸꦁ​ꦮꦿꦸꦃ꧈​​ꦗꦠꦶꦤꦶꦁ​ꦏꦴꦤꦤ꧀​ꦗꦠꦶ꧈​​ꦏꦪ​ꦏꦁ​ꦏꦮꦃꦪꦺ​ꦔꦪꦸꦤ꧀꧈​​ꦏꦧꦺꦃ​ꦢꦠꦤ꧀​ꦲꦤ​ꦱꦶꦱꦶꦥ꧀꧈​​ꦧꦼꦤꦼꦂ​ꦮꦸꦱ꧀​ꦤꦺꦁ​ꦫꦒ​ꦩꦁꦒꦺꦴꦤ꧀꧉​​
ꦱꦧꦧ꧀​ꦲꦶꦏꦸ​ꦏꦧꦺꦃ​ꦮꦫꦤꦺꦁ​ꦲꦾꦁ​ꦄꦒꦸꦁ꧈​​ꦔꦸꦤꦶ​ꦢꦸꦒ꧀​ꦢꦸꦫꦸꦁ​ꦢꦸꦩꦢꦶ꧈​​ꦪ​ꦏꦼꦏꦼꦠ꧀​ꦫꦏꦼꦠ꧀​ꦠꦤ꧀​ꦏꦸꦩ꧀ꦥꦸꦭ꧀꧈​​ꦥꦭꦶꦏꦼꦠ꧀​ꦤꦺꦁ​ꦤꦸꦏꦠ꧀​ꦓꦲꦶꦥ꧀꧈​​ꦪꦪꦃ​ꦲꦠꦸꦁꦒꦶꦭ꧀​ꦱꦮꦶꦪꦺꦴꦱ꧀꧉​​
ꦏꦢꦾꦁꦒꦤꦶꦁ​ꦏꦁ​ꦱ꧀ꦮꦱꦤ​ꦮꦺꦴꦂ​ꦭꦤ꧀​ꦱꦸꦮꦸꦁ꧈​​ꦤꦸꦁꦒꦭ꧀​ꦫꦱ​ꦱꦺꦗꦺ​ꦮꦽꦤꦶ꧈​​ꦗꦠꦶꦤꦺ​ꦪ꧀ꦮ​ꦱ꧀ꦮꦱꦤꦺꦏꦸ꧈​​ꦏꦁ​ꦩꦤꦸꦏ꧀ꦱ꧀ꦩ​ꦗꦿꦺꦴꦤꦶꦁ​ꦝꦶꦫꦶ꧈​​ꦏꦠꦫꦶꦏ꧀​ꦢꦸꦏ꧀​ꦩꦸꦂꦮꦺꦁ​ꦫꦲꦺꦴꦱ꧀꧉​​
ꦫꦃꦱꦤꦶꦫ​ꦪꦪꦃ​ꦫꦺꦤ​ꦮꦺꦴꦂ​ꦱꦭꦸꦭꦸꦠ꧀꧈​​ꦏꦶꦤꦼꦩꦠ꧀​ꦱꦶꦁ​ꦤꦶꦏ꧀ꦩꦠ꧀ꦤꦺꦏꦶ꧈​​