Kaca iki wis divalidasi
PEKSI-PEKSI ING KURUNGAN
Sumiliring bayu anggawa swaramu
kang ngrerintih melas ati
tumeka ing papan dunungku
Sira peksi-peksi sing aneng kurungan
kanggo ngapa sira sungkawa
rangsum ombenmu wis sumadya
tingkah polahmu uga diuja
Peksi-peksi ing kurungan
nanging aku uga ngerti
sira darbe indriya merdika
luwar dhateng angkasa raya
gjrang-girang gumuyu
nyawang bawana
PRAJURIT SEJATI
Kumandhanging swara ati
anuntut sira wani mati
kanggo labuh negari
kanggo bela ibu pertiwi
Prajurit sejati
dudu watakira
mlajar saka palagan
becik aluwung ilang
Prajurit sejati
senajan panjenengan asring perang
estunipun manah ugi kedlarung-dlarung
nyawang bebanten ing payudan
12
Sekar Melathi___Antologi Geguritan Bengkel Sastra Jawa 2005