Kaca:Sakathahipun serat Prajangjéyan Énggal.pdf/41

ꦭꦤ꧀ꦥꦣꦏꦶꦤ꧀ꦤꦺꦴꦤ꧀ꦲꦤ꧀ꦚꦧꦿꦁꦣꦶꦔꦶꦤ꧀꧈ꦩꦺꦴꦁꦏꦪꦺꦯꦸꦱ꧀ꦲꦔꦫꦶꦲꦩ꧀ꦧꦸꦧꦂꦫꦏꦺꦱꦏꦺꦃꦲꦶꦁꦒꦺꦴꦒꦺꦴꦭꦺꦴꦁꦔꦤ꧀꧉
꧒꧓꧉ ꦱꦧꦸꦧꦂꦫꦺꦒꦺꦴꦭꦺꦴꦁꦔꦤ꧀ꦏꦧꦺꦃ꧈ꦪꦺꦯꦸꦱ꧀ꦠꦸꦩꦸꦭꦶꦩꦸꦁꦒꦃꦩꦫꦁꦒꦸꦤꦸꦁꦥꦶꦪꦩ꧀ꦧꦏ꧀꧈ꦏꦂꦰꦲꦱꦼꦩ꧀ꦧꦪꦁ꧈ꦔꦤ꧀ꦠꦶꦠꦸꦩꦼꦏꦲꦶꦁꦮꦪꦃꦮꦼꦔꦶ꧈ꦪꦺꦯꦸꦱ꧀ꦒꦺꦴꦤ꧀ꦤꦺꦲꦤꦲꦶꦁꦏꦺꦴꦤ꧀ꦤꦺꦴꦠꦤ꧀ꦥꦫꦺꦴꦮꦁ꧉ꦢꦺꦤ꧀ꦤꦺꦥꦿꦲꦸꦏꦁꦠꦶꦤꦸꦁꦒꦁꦔꦤ꧀ꦥꦫꦱꦏ꦳ꦧꦠ꧀ꦩꦲꦸ꧈ꦱꦠꦼꦏꦤ꧀ꦤꦺꦲꦶꦁꦠꦼꦔꦃꦱꦼꦒꦫ꧈ꦏꦠꦼꦩ꧀ꦥꦸꦃꦲꦶꦁꦔꦺꦴꦩ꧀ꦧꦏ꧀ꦲꦺꦴꦩ꧀ꦧꦏ꧀꧈ꦱꦧꦧ꧀ꦭꦏꦸꦤ꧀ꦤꦺꦲꦤꦸꦁꦱꦸꦁꦲꦔꦶꦤ꧀꧉
꧒꧕꧉ ꦧꦉꦁꦠꦸꦩꦼꦏꦮꦪꦃꦒꦶꦭꦶꦂꦫꦤ꧀ꦤꦶꦁꦏꦼꦩꦶꦠ꧀ꦏꦥꦶꦁꦥꦠ꧀꧈ꦪꦺꦯꦸꦱ꧀ꦲꦚ꧀ꦗꦸꦗꦸꦭ꧀ꦩꦫꦁꦱꦏ꦳ꦧꦠ꧀ꦠꦺ꧈ꦠꦶꦤ꧀ꦢꦏ꧀ꦱꦣꦸꦮꦸꦂꦫꦶꦁꦱꦼꦒꦫ꧉
꧒꧖꧉ ꦥꦫꦱꦏ꦳ꦧꦠ꧀ꦩꦲꦸꦧꦉꦁꦮꦼꦂꦫꦸꦃꦩꦫꦁꦪꦺꦯꦸꦱ꧀꧈ꦠꦶꦤ꧀ꦢꦏ꧀ꦱꦣꦸꦮꦸꦂꦫꦶꦁꦱꦼꦒꦫ꧈ꦥꦣꦏꦒꦺꦠ꧀ꦥꦔꦸꦕꦥ꧀ꦥꦺ꧈ꦲꦩꦼꦰ꧀ꦛꦶꦲꦶꦏꦸꦩꦼꦩꦼꦢꦶ꧈ꦱꦂꦠꦥꦣꦲꦗꦼꦭꦶꦃꦗꦼꦭꦶꦃ꧈ꦲꦮꦶꦠ꧀ꦱꦏꦲꦶꦁꦏꦸꦮꦠꦶꦂꦫꦺ꧉
꧒꧗꧉ ꦪꦺꦯꦸꦱ꧀ꦠꦸꦩꦸꦭꦶꦲꦤ꧀ꦤꦧ꧀ꦢꦩꦫꦁꦱꦏ꦳ꦧꦠ꧀ꦠꦺ꧈ꦥꦔꦤ꧀ꦢꦶꦏꦤ꧀ꦤꦺ꧈ꦏꦺꦴꦮꦺꦥꦣꦢꦶꦲꦺꦤ꧀ꦤꦏ꧀ꦲꦠꦶꦩꦸ꧈ꦲꦶꦏꦶꦲꦶꦪꦲꦏꦸ꧈ꦏꦺꦴꦮꦺꦲꦗꦥꦣꦮꦼꦢꦶ꧉
꧒꧘꧉ ꦩꦺꦴꦁꦏꦦꦺꦠꦿꦸꦱ꧀ꦭꦸꦥꦸꦃꦩꦁꦱꦸꦭ꧀ꦭꦶꦲꦠꦸꦂ꧈ꦓꦸꦱ꧀ꦡꦶ꧈ꦩꦤ꧀ꦤꦮꦶꦱꦲꦺꦱ꧀ꦠꦸꦱꦩ꧀ꦥꦺꦪꦤ꧀꧈ ꦏꦮꦸꦭꦏꦭꦶꦭꦤ꧀ꦤꦩꦸꦫꦸꦒ꧀ꦒꦶꦣꦠꦼꦁꦱꦩ꧀ꦥꦺꦪꦤ꧀꧈ꦭꦸꦩꦩ꧀ꦥꦃꦱꦔꦶꦁꦒꦶꦭ꧀ꦭꦶꦁꦠꦺꦴꦪ꧉
꧒꧙꧉ ꦥꦔꦤ꧀ꦢꦶꦏꦤ꧀ꦤꦺꦪꦺꦯꦸꦱ꧀꧈ꦲꦶꦪꦩꦫꦺꦤ꧀ꦤꦺꦪ꧈ꦦꦺꦠꦿꦸꦱ꧀ꦩꦲꦸꦱꦮꦸꦱ꧀ꦱꦺꦩꦼꦣꦸꦤ꧀ꦱ ꦏꦲꦶꦁꦥꦿꦲꦸ꧈ꦭꦸꦩꦏꦸꦱꦣꦸꦮꦸꦂꦫꦶꦁꦧꦤ꧀ꦚꦸ꧈​ꦱꦼꦢꦾꦲꦸꦩꦉꦏ꧀ꦩꦫꦁꦪꦺꦯꦸꦱ꧀꧉
꧓꧐꧉ ꦧꦉꦁꦮꦼꦂꦫꦸꦃꦲꦤꦲꦔꦶꦤ꧀ꦒꦼꦣꦺ꧈ꦦꦺꦠꦿꦸꦱ꧀ꦩꦫꦱ꧀ꦲꦠꦶꦤ꧀ꦤꦺ꧈ꦱꦂꦠꦲꦮꦶꦠ꧀ꦧꦏꦭ꧀ꦏꦼꦊꦩ꧀꧈ꦲꦧꦼꦁꦔꦺꦴꦠ꧀ꦧꦼꦁꦔꦺꦴꦏ꧀꧈ꦲꦠꦸꦂꦫꦺ꧈ꦣꦸꦃꦓꦸꦱ꧀ꦡꦶ꧈ꦏꦮꦸꦭꦩꦸꦒꦶꦱꦩ꧀ꦥꦺꦪꦤ꧀ꦠꦸꦭꦸꦁꦔꦶ꧉
꧓꧑꧉ ꦪꦺꦯꦸꦱ꧀ꦠꦸꦩꦸꦭꦶꦲꦱ꧀ꦠꦤ꧀ꦤꦺꦏꦸꦩ꧀ꦭꦮꦺꦲꦤ꧀ꦚꦟ꧀ꦝꦏ꧀ꦩꦫꦁꦦꦺꦠꦿꦸꦱ꧀꧈ꦱꦂꦠꦔꦤ꧀ꦢꦶꦏ꧈ꦲꦺꦃꦮꦺꦴꦁꦏꦸꦫꦁꦥꦔꦤ꧀ꦢꦼꦭ꧀꧈ꦪꦒꦺꦤ꧀ꦤꦺꦏꦺꦴꦮꦺꦲꦩꦲꦶꦢꦺꦴ꧉
꧓꧒꧉ ꦱꦏꦫꦺꦴꦤ꧀ꦤꦺꦩꦲꦸꦱꦮꦸꦱ꧀ꦱꦺꦩꦸꦁꦒꦃꦩꦫꦁꦥꦿꦲꦸ꧈ꦲꦔꦶꦤ꧀ꦧꦚ꧀ꦗꦸꦂꦱꦶꦉꦥ꧀꧉
꧓꧓꧉ ꦢꦺꦤ꧀ꦤꦺꦱꦏꦺꦃꦲꦶꦁꦮꦺꦴꦁꦏꦁꦲꦤꦲꦶꦁꦥꦿꦲꦸ꧈ꦥꦣꦲꦸꦩꦉꦏ꧀ꦲꦱꦸꦗꦸꦢ꧀ꦩꦫꦁꦪꦺꦯꦸꦱ꧀꧈ꦲꦠꦸꦂꦫꦺ꧈ꦱꦩ꧀ꦥꦺꦪꦤ꧀ꦥꦸꦤ꧀ꦤꦶꦏꦱꦲꦺꦱ꧀ꦠꦸꦥꦸꦠꦿꦤ꧀ꦤꦶꦁꦔꦭ꧀ꦭꦃ꧉ ꧉
꧓꧔꧉ ꧋ꦱꦮꦸꦱ꧀ꦱꦺꦚꦧꦿꦁꦠꦸꦩꦼꦏꦲꦶꦁꦠꦤ꧀ꦤꦃꦒꦺꦤ꧀ꦤꦺꦱꦉꦠ꧀꧉
꧓꧕꧉ ꦮꦺꦴꦁꦤꦼꦒꦫꦏꦺꦴꦤ꧀ꦤꦺꦴꦥꦣꦲꦺꦴꦫꦥꦔ꧀ꦭꦶꦁꦩꦫꦁꦪꦺꦯꦸꦱ꧀꧈ꦧꦚ꧀ꦗꦸꦂꦥꦣꦏꦺꦴꦁꦏꦺꦴꦤ꧀ꦤꦤ꧀ꦲꦮꦺꦃꦮꦼꦂꦫꦸꦃꦩꦫꦁꦱꦮꦮꦼꦁꦏꦺꦴꦤ꧀ꦤꦺꦏꦺꦴꦤ꧀ꦤꦺꦴꦏꦧꦺꦃ꧈ꦠꦸꦩꦸꦭꦶꦱꦏꦺꦃꦲꦶꦁꦔꦸꦮꦺꦴꦁ꧈ꦏꦁꦲꦺꦴꦫꦏꦥꦺꦤ꧀ꦤꦏ꧀ꦲꦮꦏ꧀ꦏꦺ꧈ꦥꦣꦒꦶꦤ꧀ꦤꦮꦩꦫꦁꦔꦂꦰꦤ꧀ꦤꦺꦪꦺꦯꦸꦱ꧀꧉
꧓꧖꧉ ꦱꦂꦠꦥꦣꦢꦸꦮꦺꦲꦠꦸꦂꦥꦤ꧀ꦚꦸꦮꦸꦤ꧀꧈ꦩꦸꦒꦩꦸꦒꦏꦭꦶꦭꦤ꧀ꦤꦲꦁꦒꦼꦥꦺꦴꦏ꧀ꦩꦫꦁꦥꦺꦴꦚ꧀ꦕꦺꦴꦠ꧀ꦠꦺꦗꦸꦧꦃꦲꦺ ꦧꦲꦺ꧈ꦩꦺꦴꦁꦏꦱꦏꦺꦃꦲꦶꦁꦔꦸꦮꦺꦴꦁꦏꦁꦲꦁꦒꦼꦥꦺꦴꦏ꧀꧈ꦥꦣꦢꦢꦶꦩꦸꦭꦾ꧉ ꧉

---