Kaca iki wis divalidasi
125
- Sakaṭahing Wali-kutup, Ulama mjang para Mukmin, samja angreksa ki djabang, mila tebih ing sesakit, sirna larané ki djabang, walagang slamet ki baji.
V. Pangkur.
Kanggo nunggu wong lara.
- Singgah-singgah kala singgah, pan suminggah durgakala sumingkir, singa ama sing awulu, sing asuku asirah, sing atenggak lawan kala sing abuntut, pada sira suminggaha, muliha mring asalnèki.
- Ana kanung saka wétan, nunggang gadjah telalé elar singgih, kulahu barang balikul, sétan lan brekasakan, amuliha mring tawang-tuwang pradjamu, iblisé jwa kari pisan, kulhu balik bolak-balik.
- Ambalik marang awaknja, mbalik marang djasadira pribadi, mbalik karsané Hjang Agung, tamat pasinggah sétan, tulak sarap samangkja gantya winuwus, arané sarap dèn utjap, sagung pra nupiksa sami.
- Arané sarap kang lanang, Kulhuputih kang wadon Kulhukuning, jwa purun sudi maring sun, jwa marang kaki djabang, sarap-wangké sarap-wédang sarap-awu, paḍa sira suminggaha, muliha mring asalnèki.
- Samja gègèr sétan wétan, anrus djagad kulon plajuning ḍemit, kang tengah Baṭara Guru, tinutup Nabi Sléman, iblis-sétan brekasakan adjur-luluh, ki djabang-baji wus mulja, liwat Siratolmustakim.
VI. Adji-sirep-bégananda.
Hong ilahèng!
Nijatingsun matak-adjiku, adji-sirep Bégananda, adji Patinggengan saka Adjisaka. Sing sapa ketiban, djim-sétan periprajangan paḍa mati. Adja manèh asipat djanma-manungsa, oraa mati amblek-sek turuné kaja mati; ora pisan-pisan tangi, jèn aku durung ..... (Isiné manut kang sinedya).
VII. Adji-adji Wringinsungsang. Durma.
1. Wringinsungsang wajahira tumaruna, ngaubi awak mami, tur tinut ing bala, pinatjak-sudji kembar, pepitu djadjar ma- ripit, asri jen sijang, angker kalané wengi.
2. Duk samana akempel kumpuling rasa, nétraku dadi di- ngin, nétraningsun emas, peputihé mutyara, reng-irengé wesi manik, tjeploking nétra, waliker uda-ratih.
