Kaca:Ngemi-emi Basa Djawi III.pdf/9

Miturut goteking ngakeh wis diakoni jen sumbere bal²an moderen iku saka nagara Inggris. Sumebare tjela ing satengahing abad kang kapungkur. Keprije terange, durung bisa diaturake, Djalaran ing kana meh saben kumpulan lan sekolahan duwe pranatan dewe². Sanadjan beda², nanging uga ana bab² sing pada.
Kehing pranatan ing pakumpulan² lan sekolahan² iku malah dadi pametjut murih saja madju. Wasana dek tanggal 20-10-1863 madeg Bond Nasional Inggris kang didjenengake The Football Assosiation of England.
Sawise bola-bali nganakake sarasehan, nalika tanggal 18-12-1863 kasil gawe pranatan, ja iku Code 13 pasal tjatjahe. Awit saka iku lumrahe wong² nganggep tanggal 18 Desember 1863 iku dina laire bal²an.

Petikan saking : Mekar Sari.

I. MATJA.
A. Petikan duwur iku watjanen batin, nuli wangsulana pitakon² iki!

1. Kapan wiwite ana kadjuwaran balan sadonja ?
2. Kadjuwaran bal²an sadonja kang pungkasan diadani ing ngendi? Sapa djuwarane ?
3. Piala kadjuwaran bal²an gadenja iku djenenge sapa ?
4. Lha jen Thomas Cup iku Piala kadjuwaran apa ?
5. Sing dadi djuwara bal²an sadonja taun 1962 sapa ?
6. Sapa bae sing wenang melu kadjuwaran balan sadonja?
7. Kira² taun pira bal²an iku wiwit sumebar? Saka ngendi asale?
8. Ja gene tanggal 18 Desember 1863 Hawa dina laire bal²an?

B. Petikan duwur iku watjanen sing patitis !
II. KAWRUH BASA.
A. Tembung² kang kaetjab kandeling petikan duwur iku salinana nganggo tembung lija   sing pada utawa meh pada tegese, utawa tegesana!
B. Tembung² ngisor iki trapna ing ukara !

1. donja
2. djagad
3. diadani

4. sasi kepungkur
5. sasi ngarep
6. dilalah

4. warga
5. kulawarga
6. sumebar