Kaca:Ngemi-emi Basa Djawi III.pdf/7

6. Ing djaman "pendudukan” Walanda bijen wong² sing kurang djedjeg imane pada njabrang.
7. Mangkata disik, mengko ngentenana ing sabrangan kana !
8. Djuru tambange lagi njabrangake wong² mrana.

E. Wis, aku pamit mangkat.
 Tembung mangkat kena disalini tembung lunga.
Akeh tembung² sing ateges lunga; kajata : ngumbara, bara, djagong, lajat, mlaku², pik-nik, djiarah, pariwisata, darmawisata.
Isenana titik² iki nganggo salah sidjining tembung-tembung iku!

1. Bapak .... ing daleme pak Lurah kang mantokake, putrane.
2. Dek Minggu botjah² pada .... menjang Kopeng.
3. Murid² arep .... menjang Trowulan, perlu ngundakake kawruh ing babagan Sedjarah.
4. Ajo .... mbah Karsa tilar donja.
5. Wis limang taun Dana .... ora genah ngendi dodok selehe.
6. Malem Minggu tur ora udan, mula botjah² pada....
7. Wong² ing kene pada.... menjang Tlatah Klaten sing lagi panen.
8. Sawise udjian botjah² pada .... Menjang Sarangan Tawangmangu kanggo nglerenake pikir.
9. Saben dina Pahlawan, murid² pada . . . . menjang Taman

Pahlawan.

III. A. Sapengkeripun Arja Sena. Nata ing Ngamarta dalah raji sanged karerantan ing panggalih.
Sapengkeripun Arja Sena ing ukara iku nerangake wektu, Mula diarani katrangan wektu (mangsa).

Tjoba endi katrangan wektune ing ukara² iki!

1. Sasi ngarep mas Harsa arep duwe gawe.
2. Bapak wis tindak Surabaja minggu kepungkur.
3. Wiwit dek samana kae aku durung tampa kabar.
4. Olehe djagongan nganti bjar klekar.

B. Dipun wangsuli bilih wonten ing telenging saganten.
Ing telenging saganten ing ukara iku nerangake panggonan.
Mula ija diarani katrangan panggonan.
Golekana katrangan panggonan ing ukara² iki!