Kaca:Najaka Lelana.pdf/50

10. sanésipun maksih kijat mlampah terus
    malah langkung rikat
    turut margi nembang njanji
    lir tentara ingkang madjeng ing paprangan

11. tengah dalu praptèng Pijungan kang ḍusun
    sami sinugata
    sanget rowa anglangkungi
    nadyan sajah tan rinaos margi bingah

12. éndjangipun nudju Rebo dintenipun
    tanggal ping triwelas
    wulanira maksih Djuli
    tabuh wolu Sri Sultan praptèng Pijungan

13. Kang Sinuhun mobil jeep titihanipun
    meṭuk Sang Najaka
    angasta setir pribadi
    sami suka pinanggih sami rahardja

14. ingkang tumut nitih jeep sareng Sinuhun
    Bu Sus lan Pak Santo
    Pak Nanta tuwin Pak Hadi
    sanèsipun sami anumpak mobil-prah

15. datan dangu wus prapta kanṭi rahaju
    ing kiṭa Ngajogja
    trus sowan ngarsanirèki
    Kang Minulja Bapak Presiḍen Soekarno

16. ladjengipun sami nudju dalemipun
    Paduka Minulja
    Bung Hatta Perḍana Mentri
    kalihipun sami sanget sukèng drija

17. tamat sampun Pak Santo tjaritanipun
    kang sanget prasadja
    wit tan sanès kang kaèsṭi
    mung minangka pepènget mring garwa putra.

48