Kaca:Najaka Lelana.pdf/48

mèh djam wolu dalu rawuh
ḍusun aran Bangunamba

10. rantjanganira sakawit
    badé nudju Gémbol désa
    perlu njabrang dalan geḍé
    dumadakan tampi warta
    prapta patroli Landa
    gya ngowahan lampahipun
    anglangkungi ḍusun Bata

11. ing manah sanget kuwatir
    bokbilih kapregok Landa
    kang matroli dalan gedé
    milanipun pra lalana
    lumaris tan njuwara
    hamdulilah achiripun
    rahaju nir sambékala

12. sang Najaka sukéng galih
    kaḍer désa Bangunamba
    ingalembana sikepé
    tindakipun pra lalana
    ingatur rapi tata
    inganter pamuḍa dusun
    ingkang asikep sandjata

13. sadalu ḍeg trus lumaris
    anglankungi Wurjantara
    wus sami ṭéjol sukuné
    suprandéné trus lumampah
    bjar éndjing lagya prapta
    Tikèn raning ḍusunipun
    mutjung ngleremken salira

PUTJUNG

1. tanggal wolu wulan Djuli trus lumaku
   Tikèn wus tinilar
   nudju mring Onderan Semin
   sukèng drija mèh ngantjik tlatah Ngajogja

46