Kaca:Najaka Lelana.pdf/43

mrih tan tjuwa ingkang sami njuwun suntik
tinurutan sadaja

10. ing Tandjunglor njaré gangsal ratri
    pra lalana nuli sami biḍal
    mring ḍukuh Pakis purugé
    taksih winengku Tandjung
    Djagabaja kèn dèn pondoki
    sanget nḍelik grijanja
    munggwing lèrèng gunung
    Bapak K.D.M. Patjitan
    dumarodjog prapta sowan amanggihi
    Harsana ingkang karan

11. genti kotjap ran Slamet Sukardi
    pemuḍa nḍèrèk wit Karangtengah
    lantip trengginas solahé
    punika pan ingutus
    mring Panaraga amanggihi
    Bupati Bapak Tjakra

12. kang sampun tinukup
    sandi wus pikantuk karja
    saged wangsul mbekta barang rupi-rupi
    kintunané Pak Tjakra

13. anèng Pakis katamuwan malih
    Komanḍaning perang Pertempuran
    Pak Ranu kaptèn pangkaté
    aturipun Pak Ranu
    ing Patjitan mengsah wus tipis
    gérilja trus lumampah
    mengsah sring pinukul
    duk punika nunten gerah
    Sang Najaka kanḍeg ing ḍekahan Pakis
    ngleremaken salira

14. wonten Pakis kalih dasa ratri
    sandi mengsah pasṭi wus uninga
    mila pindah prajoginé
    dusun Boḍag tinudju
    kalurahan kang dèn inepi
    Lurah Kartasentana

41