Kaca:Najaka Lelana.pdf/42

6. tanggal sanga duk ing wulan April
   pra lalana nilar Karangtengah
   maring Ketanggung purugé
   Lurahé nudju kaul
   tambah putu lahir basuki
   nedya ngluwari udjar
   ngwontenaken djanggrung
   Sang Najaka saged pirsa
   tatatjara désa pra pemuda tani
   anajub parisuka

7. ing Ketanggung lerem saptèng ratri
   pra lalana ngladjengaken lampah
   Ngadiradja tudjuané
   kita pilenggahipun
   Pak Wedana Lorog kang distrik
   lerem ing kawedanan
   njaré mung sadalu
   pra lalana sukéng drija
   sinugata Bu Dana wasis tur trampil
   nadyan sanga putranja

8. éndjangipun nrusken lampah sami
   mring Tandjunglor lèrèn wismèng Lurah
   Atmawijata karané
   Lurah Tandjunglor iku
   watak kèndel djatmika wasis
   solah bawa ndjanaka
   klètjem semunipun
   Pak Ananta lan kantjanja
   sami manggèn ing klurahan Wanasari
   sing Tandjung datan tebah

9. sanès dinten pra lalana sami
   tindak tuwi Pak Dokter Soekidjan
   ing Wanadadi lenggahé
   katah panḍèrèk njuwun
   pinariksa tuwin sinuntik
   sanadyan kang badannja
   gemuk lema genḍut
   Pak ḍokter lubèr budinja

40