Kaca:Najaka Lelana.pdf/40

nuli nrusken lampahipun
pinutus purugira
ḍusun Siki klangkung sepi
sami njaré wismanira Bapak Lurah

11. telung dina leremira
    manggèn padukuhan Siki
    nuli sami nrusken lampah
    mring Sawahan raning dési
    nglangkungi kali bandjir
    anjabrang sarwi tinanḍu
    praptèng dusun Sawahan
    sampun dangu nggènnja nganti
    Pak Onder Panggul lan Pak Wedana Kusno

12. mung saratri nèng Sawahan
    éndjangira biḍal malih
    maring ḍusun Karangtengah
    lampahira minggah ardi
    kang andeder tur rumpil
    inganter Pak Dono Panggul
    turut margi tembangan
    nglipur kang sami lumaris
    nḍanḍanggula énak empuk gawé bingar

ḌANḌANGGULA

1. Karangtengah ḍusun munggwing redi
   lurahira Sarbini arannja
   wasis amimpin rakjaté
   duk anom dadi guru
   mila tjukat tur sarwa trampil
   ngatur butuhing désa
   lan botrépotipun
   nadyan bengkoké tan tampa
   saged madeg saking ichtiar pribadi
   duwé Sekolah Rakjat

2. pra lalana merlokan martuwi
   Pak Wedana miwah kulawarga
   ing kiṭa Panggul lenggahé

38