Kaca:Najaka Lelana.pdf/37

sang Najaka Pak Soepeno
kang gugur labuh Nagari

14. éndjangipun wis kinira
    kapireng tengara amratanḍani
    praptaning kang montor mabur
    mila gja gegantjangan
    langkung Senḍang lan Segawé lampahipun
    praptèng ḍusun Wanaredja
    ing kono njaré saratri

15. nunten sami nrusken lampah
    langkung punṭuk Budjel namaning ardi
    gegantjangan gja tumurun
    mring Tlasih raning ḍekah
    lan Trenggalèk mung pat kilo tebihipun
    nuli pineṭuk ing ḍokar
    dumugi kanṭi basuki

16. ing Trenggalèk pra lalana
    lerem wismanira Bu Sus kang bibi
    garwané Wedana Pensiun
    Pak Suwardi kang asma
    sanget suka pinanggih pénakanipun
    Pak Santo ugi wus tepang
    duk anom Lanrèh Keḍiri

SINOM

1. Trenggalèk kang winursita
   wus dèn bumiangus jekti
   kabupatèn lan kundjaran
   sadaja bangunan Nagri
   sampun ginempur gusis
   namung kantun tilasipun
   dalah remukan bata
   telas dipun angkut abis

2. milanipun kita katon padang djingglong
   ing Trenggalèk pra lalana
   sami merlokken manggihi
   K.D.M. Tulus arannja

35