Kaca:Najaka Lelana.pdf/33

kang ngupaja kekuwatan gaib
asuka pepéling mrih manggih rahaju

6. wusnja njaré wana kalih ratri
   nunten énggal kongkon
   Mardja Kusni mring Ganter lakuné
   ambalèni sabarang kang kèri
   biḍal sigra bali matur telas sampun

7. Pak Prawira nuli sung pawarti
   Landi baḍé nggropjok
   wana iki lan kanan keringé
   prajoginé gja biḍal dèn aglis
   pra lalana sami ngontjati dèn gupuh

8. wantji sonten dugi pinggir kali
   sami turu nḍéprok
   wit tan wonten pondokan tjelaké
   djawah pisan teles pating tjrindil
   Sanjoto winasis banjol anglelipur

9. éndjangipun nèng margi pinanggih
   lare aran Sentot
   kadi djalma alasan rupané
   tangan kanan putung kena mimis
   kawelasen sami linilan anggabung

10. sontenipun prapténg lungur inggil
    katisan derodog
    djurang djero ing kanan kiriné
    Argapasar araningkang ardi
    tjaket puntjak Wilis Limas kotjapipun

11. ngantjik wengi ing tebih kaéksi
    dilah pating krelop
    lampu léktris ting klepjur soroté
    Karangredja lan kita Kediri
    sinawang sing redi sanget élokipun

12. lampahira rekaos kepati
    aang ngelak ngorong
    sadina muput tan kambon ngombé

31