Kaca:Najaka Lelana.pdf/28

4. kaping kalih kang prapta manggihi
   sami kagèt wit datan kinira
   Bung Tomo lawan kantjané
   badannja katon susut
   panggah grojok sengak nging manis
   tebih gènnja lalana
   wit inguber mungsuh
   nalika pradjurit Landa
   wiwit njerang Ibukotaning Nagari
   nudju wonten Magelang

5. njaré Dodol angsal kalih ratri
   nuli prapta duta sung pawarta
   kang banget anggugupaké
   bilih pradjurit mungsuh
   wus anjerang Parang tan tebih
   saking Parang lampahnja
   Dodol kang tinudju
   pramila énggal samekta
   gegantjangan sumingkir mandjing wanadri
   katah barang tinilar

6. marginipun tuhu sanget rumpil
   wit wus dangu tan kinambah djalma
   margi wana aran slip C
   mèh surup lagja rawuh
   trukan winastan Magersari
   siti bikakan énggal
   wengkon Salam dusun
   nuli lerem wismanira
   kantja tani ingkang èstri sanget trampil
   Karsa-Sinem namanja

7. wusnja njaré djangkep tigang ratri
   nuli sami biḍal pinḍah wisma
   sanget delik panggonané
   Mekuta raning dusun
   klebet siti ing Magersari
   manggèn pondok prasadja
   welit atep gubug
   ingkang andarbèni grija

26