Kaca:Najaka Lelana.pdf/27

rena pinanggih basuki
dasar trampil momong rakjat
Pak Bupati tansah kliling

13. swéné lerem Sumberwuluh
    dèn bijantu tur gumati
    Kamituwa Tengger ḍekah
    prigel gijat tur pratitis
    betahé para lalana
    tjinekapan sarwa tliti

14. rèhning sampun radi dangu
    tan kirang sadasa hari
    manggèn wismaning Pak Marsam
    sandi mengsah njumerepi
    mila nedya pinḍah grija
    ḍukuh Dodol sepi manis.

DANDANGGULA

1. dupi lerem ing Dodol sahari
   nuli prapta Pak Meester Soenarjo
   namung pjambakan lakuné
   Panitra lenggahipun
   saking Kanajakan Agami
   tlusupan nasak désa
   madosi Pak Masjkur
   wus dangu dénja ngupaja
   Mentrinira tansah tan saged pinanggih
   mila kalangkung sisah

2. ugi katon prapta aniliki
   Meester Kasman ja Singodimedjo
   tjanțas ringas witjarané
   piḍato remenipun
   ingutus Mentri Dalam Negri
   keliling angumbara
   aparing sesuluh
   ngantos dugi ing Ngajogja
   jekti gijat datan dangu nulja pamit
   nudju Bodjanegara

25