Kaca:Najaka Lelana.pdf/23

ASMARANDANA

1. ing Sedaju mung saratri
   éndjangnja prapta krenggosan
   pemuda kang mertakaké
   jèn ing lungur sampun tjelak
   katon pradjurit Landa
   kaṭah wus sami tumurun
   nudju Sedaju purugnja

2. sigra biḍal glis lumaris
   dwi Najaka miwah kawan
   gegantjangan palajuné
   anelasak wanawasa
   tan mawi ngundjuk dahar
   lumampah sadina muput
   mrih tan tinangkep ing mengsah

3. bakda mahrib praptèng Djladri
   persil kopi miwah kina
   pak Soerdji ran pemimpiné
   katon sanget sukèng drija
   wit wus tepang Pak Santo
   nalikané nèng Madiun
   ngasta pusaraning pradja

4. ing Djladri ugi pinanggih
   Pak Jasin kang wus kaloka
   mimpin Mobil Brigadené
   Pak Peno nuli angrantjang
   wisma madyaning wana
   nanging datan kongsi rampung
   wit Djladri baḍé sinerang

5. njaré Djladri mung rong ratri
   nuli biḍal gegantjangan
   nudju Sawahan lampahé
   sadinten deg lampahira
   langkung wana greng lebat
   kanan kéring ketèk lutung
   pating djlerit swaranira

21