Kaca:Najaka Lelana.pdf/21

wus sami tiwas
warta dora mutjungi

POTJUNG

1. kang winuwus Pulung katinggal ginempur
   sru saking gegana
   sing darat sinerang ugi
   wusanané Pulung wus rinebut mengsah

2. milanipun nedya sigra pindah dukuh
   masih wengkon Wajang
   aranira ḍukuh Putih
   sami manggèn grijanipun kamituwa

3. Allah hijung njai kamituwa njebut
   ndremimil sesambat
   sanget welas miwah asih
   para tamu dipun pidjeti sadaja

4. dalu wau dupi sih néndra sadarum
   gremeng-gremeng prapta
   dwi djanma sinapa lari
   wus tetéla jekti mata-mata mengsah

5. nora wurung mesti wus konangan mungsuh
   mila sigra pindah
   mring wisma kang langkung mentjit
   wismanipun mandor-hutan Singakarsa

6. nembé rawuh kapireng swara gumuruh
   ungeling sendjata
   béndrong lir mertjon mbrondongi
   ḍusun Wajang tetéla katekan mengsah

7. katon mlaju mantèn djaler mentas dahup
   lan pangiringira
   sami mladjeng girap giris
   gèk keprijé mantèn wadon kang tinilar

8. mandor Singakarsa dreng panjuwunipun
   supados lerema
   njaré sawatawis ratri
   tan kinabul meksa sami sigra bidal

19