Kaca:Najaka Lelana.pdf/20

manggihi sang Senapati panggihanira gapjuk nrenjuhken galih

7. sang Panglima alon pangandikanira
   apa kang dèn alami
   nalikaning Jogja
   Ibukota sinerang
   Kabinet wus amutusi
   dateng Sumatra
   Pemrintah Pusat ngalih

8. Meester Sjafruddin sinerahan pimpinan
   wit tan na kang andugi
   nasibé Najaka
   kang tan wonten ing Jogja
   nuli sami dèn rudjuki
   kirim pawarta
   dateng Perdana Mentri

9. para najaka kang tan tinangkep Walanda
   supaja dèn akeni
   Pemrintah Darurat
   dadi bagijanira
   ngasta pimpinan Nagari
   nuli pamitan
   biḍal wangsul dwi Mentri

10. sidji dina wus prapta utusanira
    www Najaka Dalam Negri
    asuka pawarta
    manawa Pak Soekiman
    dalah Pak Kasimo sami
    lerem nèng désa
    ing Ngrambé wengkon Ngawi

11. utusané ugi ambekta pawarta
    kawrat ing koran Walandi
    jèn kadwi Najaka
    Pak Santo Pak Kasimo
    kang sinerang saking nginggil