Kaca:Najaka Lelana.pdf/18

wit kangen Pasunḍan Nagri
sungkawaning galih katon

5. tanggal gangsal Djanwari Pak Santo turun
   Panaraga perlu tuwi
   Patih Rider wus pènsiun
   anunut Bapak Bupati
   gènja tindak nitih montor

6. Panaraga éndjangipun wus ginempur
   déning kapal terbang Wlandi
   swarané sanget gumuruh
   serangan ngébat-ébati
   sukur tan na kang kataton

7. bakda luhur Pak Bupati prapta meṭuk
   ing margi Pak Santo kampir
   amanggihi Kjai Masjkur
   risang Najaka Agami
   pinanggih ing ḍusun Gontor

8. Mentri kalih rena ing panggalihipun
   pinanggih sami basuki
   sami trenjuh manahipun
   kèngetan mring kulawargi
   kraos nalangsa karongron

9. dupi Mentri Agami tinaros tumut
   kempal lan Mentri kekalih
   tan prajogi djawabipun
   wit jèn mengsah saged manggih
   tetiga tinangkep klakon

10. dupi katon Pak Santo wus saged wangsul
    ing Wajang kanṭi basuki
    kang tinilar ngutjap sukur
    déné djroning srangan jekti
    mundur ngajoman Hjang Manon

DURMA

1. wus nalika masih lerem ḍusun Serak
   Pak Peno amiwiti
   angatur usaha