Kaca:Najaka Lelana.pdf/12

badan lesu ruweting pamikir
datan wonten nasi kenṭang daharipun

9. tuwan rumah pakarjanirèki
   kepalaning grombol
   djaman Ḍjepang Azatyo arané
   wus mangerti ingkang sami ngungsi
   pemimpin pribadi gupuh dénja tulung

10. éndjingipun nuli biḍal sami
    nudju redi Mongkrong
    jèku punṭuk kang sanget inggilé
    muḍun djurang ngajat minggah ardi
    turut lelunguring pèrèng wukir Lawu

11. tengah margi kang sami lumaris
    dumadak kapregok
    laré kalih kesasar lakuné
    aran Mardjo akalijan Kusni
    menggabung tinari sagah sami tumut

12. wantji sonten mèh djam gangsal prapti
    peḍukuhan Djeblok
    sami kèndel wus sanget sajahé
    pra penḍuḍuk katon sami adjrih
    wit djaman PKI kampjak sinom kisruh

SINOM

1. Ḍjuḍjug grija kamituwa
   tetéla sampun anḍelik
   amargi kita kinira
   kadi PKI rumijin
   andjarah rajah sami
   ing sakadjeng-kadjengipun
   djagung beras dèn rampas
   dalah ajam tuwin kambing
   radjakaja sampun mèh telas sadaja

2. sareng sampun tinerangna
   kanṭi djelas saha tliti
   anuli saweg pratjaja

10