Kaca:Najaka Lelana.pdf/11

ladjeng ènget maring kulawargi
kang dèn tinggal sami ing batos sru trenjuh

2. duh ḍiadjeng Ibuné nakmami
   lagi dadi lakon
   ingsun kudu pisah lan slirané
   anetepi kwadjibaning Mentri
   sumingkir mung amrih tan tinukup mungsuh

3. èku bukti gunging sedya mami
   nggajuh karahajon Mon
   tumrap Bangsa sarta Nagarané
   amrih tetep anaa kang mimpin
   mardika binudi unggul djuritipun

4. kang sun télad Bagawan Tjiptaning
   Mintaraga lakon
   dyan Ardjuna anggentur tapané
   lelana ing Indrakila wukir
   amangun tetéki sumungkem Hjang Agung

5. kang sun pikir tumrenjuh ing ati
   anakku kang anom
   si wuragil Atmodjo arané
   kulinané taksih dèn keloni
   ugungan kepati nggulet rama ibu

6. mung sira djeng jwa pegat memudji
   njenjuwun Hjang Manon
   dèn bisaa momong putra kabèh
   sun tewakup Allah kang supadi
   teguh datan gigrig nanggulangi kéwuh

7. nrusken tjrita rerombongan mami
   gupuh numpak montor
   sopiripun ja Mahrup arané
   ngétan praptèng ḍukuh Gandasuli
   wit rintangan margi kanḍeg datan terus

8. sigra kampir ing wisma kang alit
   lowung antuk ponḍok
   kanggo turu ngiras ngleremaké

9