lan amba wus tuwuk muxti
wonten ing donya
sih nugrahaning Widhi.
25.
Kangjeng Nabi ngandika maring kang paman
lah Paman lamun kenging
sampun ngantos tiwas
kapir esmu den kalah
klampahana masrik magrib
radin sadaya
lampah agami suci.
26.
Bagendha Mir matur ing Nabi Mustapa
paduka milih pundi
satunggal lan kathah
papan rupak lan jembar
ngandika Jeng Nabi Murti
ngong plaur kathah
lawan ingkang satunggil.
27.
Rupak jembar ngong pilahur ingkang jembar
umatur Bagendha Mir
punapa kang mulya
dasih sagunging wadya
remen nalar kang nrancahi
padhanging jagad
lawan prakawis jurit.
28.
Lah punapa tamtu kalawan sandeya
mangsuli Kangjeng Nabi
inggih tamtu aprang
malih matur Jeng Ambyah
punapa gusti den anti
suwawi mangkat
sigra tengara jrit.
29.
Mung gumuruh swarane wadya sumahab
wor pangrik turanggesthi
