ana ing Bukit Surukan
leskare pan wus sakethi
ing pitung dina malih
pisungsunging para ratu
sangsaya tumpa-tumpa
malah ingkang pra dipati
lan satriya sadaya dhatengken nadar.
Antara sapuluh dina
pitung dina kaping kalih
cinacah malih kang prapta
sampun antuk kawan kethi
lan wolung leksa malih
wolung ewu wolung atus
brana matumpa-tumpa
dandanan karya nagari
Ki Sahsiyar sampun ingadegken raja.Yen upami tinimbanga
cinaritakaken nenggih
dening kang alul carita
ing Bukit Surukan mangkin
lawan nagari Tarkis
katimbanga arjanipun
nanging donya kapara
kathah ing Surukan ugi
apan sampun masang kaparabon Sahsiyar.Saking gunging kanugrahan
nira Sang Surayengbumi
ibune sinung peparab
anenggih Umi Sultani
lire Umi Sultani
pan tegese ratu ibu
arja sami sawulan
Mendhang Surukan nagari
sangkep sampet sabusananne ngayuda.
131
