kajawi kang rajabrana
turangga unta lan kuldi
lawan kang angon sami
peparinge para ratu
nalika pitung dina
cinacah leskarireki
apan sampun kawan leksa kawan nambang.
Wong Agung alon ngandika
Sahsiyar sun karya mantri
den kadi mantri sadaya
mangkana tan kendel prapti
sagung para narpati
ing wuri andina rawuh
ingkang tan kena ngundhang.
parandene samya prapti
yayah kadya anadari gustinira.Ana nyalawe nyadasa
leskar jalu lan pawestri
tanapi kang rajabrana
tan pegat andina prapti
sinungsung ing para ji
mas retna busana luhung
miwah kapraboning prang
myang dandananing nagari
kadya ngimpi Sahsiyar lan ibunira.Duk ing pitung dina engkas
cinacah sampun sakethi
Sahsiyar kawulanira
kawula jalu lan estri
rajabrana anggili
tinumpuk angundhung-undhung
Wong Agung angandika
mring sagung para narpati
si Sahsiyar leskare sangsaya katah.Pan ing mengko si Sahsiyar
sun adegaken bupati
130
